KOLOSE 2:12 - Lacid Common Language Bible

¹² Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

KOLOSE 2:12 Referans Kwoze

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

GALATI 3:27

Nanu" gi Khristu yo' daloem: za: bui" wa shid re" Babtisma ri kham: yu boem bye: nghoid yoomo Khristu ri void byi: void mi yhang: ti"- void ci: abye: go.

ACTS 2:24

Nghoid loug we' Mangsoo gi-Nyang: ri shid: lo" da" yoem: so' lhoid kaid kho- shid: jang" mo doem dei to' loo nhang: bye. Khasu" wim gari shid: zigi Nyang: ri ayo" zei: lhoug too" nghoid da.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

Roma 4:24

ngoonu" ri we' yeing lho: lhid" to" zi nghoid. Khasu" wim ga: ri ngoonu" da Aseing" Yesu Khristu ri shid: jang" mo doem dei to'' loo nhang: da" Mangsoo: ri ngoonu" nyang: ri loem" jeung" yoomo ngoonu" ri we' deingbyeing" mo, amain" khyo" Mangsoo: gi lhid" xoem" too" bye.

Ephesu 4:5

Aseing: dayug za: loem" jeung" khyoo: dakhaid za: Babtisma khyoo: dakhaid za: nghoid nyid.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

1Korinthians 15:20

Nghoid loug we'- gyeing" nyang: bue" loo bye: khyoo: gi Khirstu gi shid: bye: jang" mo doem dei to' loo nhang: zi shoug" bye- houg: yoomo nyang: gi yhoeb, pyo: loo" mo' mo xang: shid" zei: lo da" ashi" bue" loo bye.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 6:2

Babtisma kham: khyoo:- lo, ke" aya: tang: byid: khyoo:- shid: jang" mo doem dei to'' lo da" khyoo: yo' apyaid' atoo: moo tarha" dang: phyed' khyoo: ri apoem: ayang: mo wigi doem poug jhau" nyid anoo" loo.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

Ephesu 5:14

Khasu" wimg gari bidbang gi dangain" ziri pang shug byid: nyid houg: yoomo jhoeom: mungdang: moo tid to" ziri Yhoeb, jo, su: we" too, re'- shid: jo, jang" mo too, re'- houg: lang" Khirstu gi re" tho' moo thoin" pang byid: wa nghoid. ga: wigi tid to.

Ephesu 3:7

Nya: da" yoem: so' khyo" wigi ngoori byid: to" da" goozu: xen' nghoid da" Mangso jeju" yo' ngei bu: lu dang: ge, da" dei zoo: ngoori bue" loo nhang: bye.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

Roma 7:4

Nga: mang: nhung" yi we" - he: da" khyoo: gi nanu" yo" we' sen: nyid. Nanu" gi Khristu da" gung doem nghoid wigi Moshe tarha" khoug: moo nyid da" pyaid she: lhei" pyam' phyed' boem bye. Mangsoo: moozoo" moo- akyu" bo da" dei zoo: yi bui" loo wa shid' re" nanu" gi shid: jang" mo doem dei to'' lo da" nya: byu yi nghoid boem bye.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

LUKA 17:5

Lagyoo: yi gi Aseing: ri ngoonu" da" loem" jeing" khyoo: ri myo: loug loo nhang: we' ga: re" tid boem.

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

KOLOSE 1:29

Hougsu" hau: khyoo: yo" bui" sho' ngoo gi Khristu wigi byid: da" mau" pho" yoem: moo" yo' jam, jau kham lho: yoem: kaid' zei: nyid hau: yoem: so' gi ngoo moo moo" zei: nyid.

KOLOSE 2:13

Nanu" gi shid' phyang" venyi moo shid: mang nghoid nyid ago- khasu" wim gari nanu" gi yooboo koid da" tung: to" tarha" ayo" da" tung: bau byumyu" yi nghoid ago- nghoid loug we' akhid" Mangsoo gi Khristu yo, dage" dei da" khyoo: khyoo: shu" loo" bye-