KOLOSE 1:5 - Lacid Common Language Bible

⁵ Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

KOLOSE 1:5 Referans Kwoze

Ephesu 1:13

Nanu" ri khyoid yu khyoo: byid: da" hau: deungmain" da" mungdang: ein: da" ngei bu: lu dang: ri nanu" tungbau byumyu" yi shau" gyo: boem da" uri nanu" we' Mangso da" byumyu" yi bue" lo abye: go- Khristu ri nanu" loem jeung" boem bye: nghoid rigi nyang: tid too" khare" da" gyeungshang: venyi: ri byid: yoomo nyang: gi nanu" da" Aseing: nghoid nyid bye: khyoo: ri dazid thung" byid: bye.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

1Korinthians 15:19

He: pyaid' moo: za: Khristu moo: nheig byu jo yoo bo nghoid rigi- moug: myid byu yi dangain" moo- je" ci: abui" adoid' mo, bue" boem bye.

HEBRE 7:19

Khasu" wim gari Moshe da" tarha" gi ce" ja: khyoo: moo we' joeb, byeung" sho' yo" koid bue" khyoo: ajo- akhid" koem gi hau" toung: to" da" tarha" da" gung thid'- je" ge da" nheig byu joyoo yo" byid: bye: yoomo ngoonu" gi Mangso jhang khyoo: yo" yu: tain" vang lo" boem bye.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.

GALATI 5:5

Ngoonu" koem gi Mangso da" venyi yoem: vhoo" yo' Khristu ri loem" jeung" da" khoug: mo Mangso da" shid khoin" moo deing byeung" ga: soin: yu byid: wa shid' re" myid byu lho: dalang" nyid boem.

2~KORINTHU 5:19

Ngoonu" kho" kyo" da" mungdang: gi Mangsoo gi Khristu mo byu nyid moo nyid bang: ri nya: bidnoem bue" loo nhang: da" mungdang:" nghoid nyid. Mangso da" byu yi yooboo joem ri axoem" too" byid: tho' moo agoo"- nyangnu" ri nya: bidnoem yi bue" loo sho' kha" yhi' koid bye: khyoo: ri tid sho kyo" da" mungdang: ngoonu" ri byid: too" bye.

ACTS 23:6

Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.

1PETERU 3:15

Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.

1Korinthians 13:13

Akhid" koem gi loem" jeung da" khyoo- nheig byu joyoo yo' jheddab nheigloem: ein: zi soem" ja: jo, nghoid loug we' hau: gu: moo: je" gyi: thang zigi- jheddab nheigloem: nghoid.

ACTS 24:15

Ngoo gi nyangnu" yo' dakhyoo" ti" xangsu: byu yi gimo, agi mo, dangain" dakhyoo" te" - shid: jang" mo doem dei to'' loo wa nghoid ein:- Mangso khoug: moo myed lang" nyid su: nghoid,

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

Roma 10:8

Jhoem: mungdang: moo tid nau zi gi - Mungdang: tarha" gi re" da" nam moo nyang: jo bye. Hau: mungdang: tarha" ri re" da nhoid' moo yhen: yu lho: re" da" nheigloem: ung: khoug: moo xoem" too" bye - ga: wigi tid. Hau: mungdang: tarha" ga: zigi nanu" ri ngoo kho" kyo" Mangsoo: ri loem" jeung" khyoo: yo" da" mungdang: nghoid.

ACTS 10:36

Dangain" mo, da" aseing: nghoid- Aseing Yesu khristu khyo" wigi Israela byumyu" yi ri Mangsoo tid fu" byid: da" ngei pyoo: yug yo ludang: seig nghoid mungdang: ri nanu" nyang: se' abye: go.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

2~KORINTHU 6:7

Ngoonu" kho" kyo" da" deungmain" mungdang: yo' Mangso da" yoem: vhoo" khyo" we' ngoonu" gi Mangso da" deizoo: lang: jhang yi nghoid da' khyoo: ri toin" shid lid loo bye. ngoonu" gi Venyi khyoo: yo" sen: da" gyipui" moo vang zain: wa ziyo' ngoonu" gungdu: ri lhoem: zung" lhug yu wa shid re" ngoonu" gi hau deungmain" da: khyoo: ri gyikhoo: koid lho: cid: lo boem bye.

GALATI 2:5

Nghoid loug we' hau: ngei bu: lu dang: da" deungmain" khyoo:- nanu" shid re" dageung: teung jo, baja"- ngoonu" gi nyangnu" ri daminid' za: lang" asoem" byid: khyo, nyhoem: pyam' boem wa zi anghoid.

GALATI 2:14

Akhid" nyangnu" gi ngei bu lu dang: da" deingmain" da" khyoo: moo dain: dain: aso" nyid boem ziri ngoo shau" myang lang" gi nyangnu" dangain" bang: da shid' khoin" moo Petru ri nang gi Yuda byu nghoid lho: wigi Yuda byu yhang: ti" anghoid- tungbau byu yi yhang: ti" kangso dei nyid lho: tungbau byumyu" yi ri Yuda byumyu" yi yhang: ti"- kangso dei wa shid' re" khasu" koid yo" nyen" nhang: wa lha". ein: wigi ngoo tid pye.

Ephesu 4:21

Nya: khyoo: ri nanu" gyeing" nyang: shau" gyo: yu" boem bye: wigi nya: thang: moo cang soo" mo, nghoid boem yoomo Yesu moo bo da" hau: deingmain" khyoo: ri nanu" shau" jhau" kham: yu boem bye.

2PETRU 1:12

Hougsu" nghoid yoomo nanu" gi-he: da" khyoo: joem ri se' gyo: ci: lho" wigi nanu" kham: yu ci: da" hau: deungmain" da" khyoo: moo geung: geung: teung teung ayang: qei" to" abye: go. Nghoid sho' loug we' ngoo gi nanu" ri khanham we da tid poin" nyid noug shi.