HOSEA 9:17 - Lacid Common Language Bible

¹⁷ Ngoo dei byid: nyid da" Mangsoo gi nya: byumyu" yiri ngeug pyam wa. Ciwim gari nyangnu" gi nyang: tid dang: ri atam" gyoo: yoomo nghoid da:. Nyangnu" gi byumyu" yi phung: gung moo nyid lam" yen" ca" loo goo" wa.

HOSEA 9:17 Referans Kwoze

HOSEA 7:13

Nyangnu" gi joem lo" abye:.Nyangnu" gi ngoo ri too" kho' wigi ngoo ri thougtheung gyi koid ago". Nyangnu" gi said toem" pyam zi shoug" loo wa. Ngoo gi nyangnu" ri khyoid yu noug nghoid loug we' nyangnu" wigi ngoo ri ajoo aeung: khyo" noku loo bye:.

ACTS 3:23

Hau: Lapi: tid da" mungdang: ri a phau" cang loo" su: gi Mangso byumyu" mo kho' khyo, pyam zi shau" lho: lhu: phyo' lhu: shoin pyam zi shau" wa nghoid ga: tid.

ZEKHARIA 1:4

Nanu" da" phoug" phyid" yi yhang: ti" akoid goo"- shid phyang" mo lapi: yigi nyangnu" ri ‹Akhyeing" khyoo: moo anyid goo"- yooboo moo" azei: goo"› ga: nga" mungdang: ri tid kyo" boem nghoid loug we' nyangnu" gi atam" gyoo: acang yhi: nghoid ago".

MIKHA 7:7

Hougsu" nghoid loug we' ngoo gi Aseing ri dazung" yu" nyid wa. Ngoo gi ngoo ri khyoid yu wa ein: myid loem da" Mangsoo ri dalang" nyid wa. Nga" Mangsoo gi ngoo ri tam" gyoo: byid: wa zi nghoid.

ESAIA 48:18

Nanu" nga" amyeing" dang: joem ri za: datam" gyo: nghoid rigi Khanham we' akain" da" gyid zoo: gyung: yhang: ti" mainkaid jeju" joem re" shid re" yau nyid wa. Gyid yam mo do, lo da" being: lhung" yo' dayhang: ti" oung: doid zigi re" dang moo ju" loo wa.

AMO 9:9

Ngoo gi amyeing" byid: kaid lho: Israela byumyu" yiri kyang: khyeing mo gug cab' cen: cab' ri khyeing yu yhang: ti" khyeung pyam wa. Nyangnu" ri byumyu" yi da" agung mo khyeung khyo' pyam lho: ce: phoug" adab lo: mo, ri khyen: pyam wa.

HOSEA 4:10

Nanu" gi nanu" da" xoin" joem mo gamboem joem ri zoo: nghoid loug we' zoo dayoid nyid shi" goo" wa. Nanu" gi myo: je: ri" wa da" yu phara" joem ri no' nghoid loug we' zooshang: ayoo" bue" nyid shi" goo" wa. Ciwim gari nanu" gi ngoo mo gang: lain lo" wigi yu phara" gootu: jang" moo cang lo" ago"» ga: tid da:.

ESAIA 7:13

Esaia gi akhid" David da" amyed ashen yi we"- tam" gyoo: we'. Nanu" gi byumyu" yiri nheigloem: asheing: wa zi cishu: anhang: wigi Mangsoo ri we' nheigloem: asheing: wa ein: go" rhe".

DANG: ZHOEM 29:1

Yooboo tid poin" khang" moo je" wigi nheigloem: dathain: nyid nghoid rigi khanham we' ayo" doem so, nyheing loo: sho' byo, yoin" lo" khyoo: thoung" shoug" wa zi nghoid.

COUNG" NGHEI 31:14

Nghoid loug we' o" Aseing we" ngoo gi nang ri za: daloem khau: nyid. nang gi nga" Mangsoo nyang: nghoid.

NEHEMIA 5:19

O" Mangsoo we"- Nang ri ngoo akyu" mho' kaid da:. He: byumyu" yi shid re" ngoo koid lid lo da" ja: khang" moo" shid re" nga" akyu" ri myid boin: byid: la.

2 KHOKHAM MHOOMYID: 36:16

Nghoid loug we' nyangnu" gi Mangso da" lagyoo: yiri aphoug" akhyoid koid- nya: mungdang: joem ri cishu: anhang:- nya: lapi: yiri yi juang" pyam byid: ago". Houg lho: lo" thang moo nya: byumyu" yiri Aseing da" nheig yo: zigi hang" we' ayo" phang: loid loo sho' sung gyi: byug da:.

2 KHOKHAM MHOOMYID: 18:13

Nghoid loug we' Mikhaia gi «Ngoo gi Mangsoo tid da" dang: ri ngoo tid wa ein: dei nyid da" Aseing myeing khyo" ngoo tid wa» ga: tid.

TARHA" TID POIN" 32:26

Ngoo gi nyangnu" ri bain sho' said toem" pyam wa. Houg: lang" nyangnu" ri hang" we' amyid boin: loo: goo" wa.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

PHILIPI 4:19

Hougsu" nghoid yoomo Mangsoo koem gi myonhoo: phung" yoeb, yo' phajhi" soid gain' athang agoin yo" jo, nyid ziyo' dakhyoo" ti"- nanu" ri Khristu khoug: moo nanu" da" ca" moo ca" ri jhoeb, pyeing" byid: wa nghoid.

YOHAN 20:28

Thoma gi Nga" Aseing:- Nga" Mangsoo- nang nghoid bye: nhung: lha"» ga: phaug tu".

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 7:35

Yuda zoug: myeing" ci: mo, gi ngoonu" ashau" shoo: sho' nyang: kha: moug: khyoo: loo" wa la'- Yuda byumyu" yi nyid da" Greed voo gung yi moo lo" lho: Greed byumyu" yi ri jhau" mhoo, byid: wa la".

AMO 8:2

Aseing gi «Amo we" nang ce: noem myang lha"» ga: myid:. Ngoo gi «Shi" dagyoin ri myang» ein: phoug tid. Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid.

YEREMIA 6:30

Nyangnu" ri ce: akyu" abo da" to' khyid" paid ga: myheing pyam loo goo" wa. Ciwim gari:- ngoo Aseing gi nyangnu" ri ngeug he: pyam bye:» ga: tid.

TARHA" TID POIN" 4:25

«Nanu" hau: mung" moo myang" sho' yhe: nyid boem lang" zoo: du yi yo' myid: zoo: yi myoo" sho' nghoid loug nanu" nya: shid re" soolhoo: daja: ja: koid wigi yooboo ashoid goo". He: zigi Aseing shidkhoin" moo akhyeing" zi nghoid da:. Houg: lho: hau: zigi nyang: ri nheig yoo: nhang: loo wa.

TARHA" TID POIN" 4:27

Aseing gi gootu: byumyu" phung: moo nanu" ri nyhid: sain" kaid lho: nanu" mo dajhi' za: danyid deing loo wa zi nghoid.

YEREMIA 7:13

Nanu" gi he: yooboo dangain" ri shoid abye: go". Nanu" ri ngoo alheing: lheing: pug tid nghoid loug nanu" anau tam" gyoo: nghoid ago". Nanu" ri ngoo khe: da" uri nanu" atu" nghoid ago".

YEREMIA 7:15

Ngoo gi nanu" da" bidnoem seing" cang" Israela ri khaid thu pyam yhang: ti" nanu" ri we' nga" shidkhoin" mo khaid thu pyam wa. Ngoo Aseing tid too" bye:.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.