HOSEA 9:13 - Lacid Common Language Bible

¹³ Aseing we" nyangnu" da" zooshang: yiri coem' khaid zain: lho: said pyam ziri ngoo shau" myang bye:.

HOSEA 9:13 Referans Kwoze

EZEKIEL 27:3

Hau: voomoo" gi panglai: gyid yam moo jo, wigi panglai: gyid yam khyi' khang" moo" mo bang yo' moo" zoo" jid: zoo" xo' go" wigi koid nyid da" voomoo" nghoid. Yoem: moo" bo Aseing citid nyid ziri nyang: ri tid kyoo" we'. «Turu we' nang gi re" joeb joeb byeung" byeung" yung" khyoo: ri phau: da:.

AMO 7:17

Houg: yoomo Amazia we" Aseing gi nang ri tid nyid da:. Re" yhoem: seing: myhi' gi voomoo" khoug: mo shava myhi' bue" loo" wa. Re" zoo: yi we' meing: zain: jang: moo said pyam zi shoug" wa. Re" mougmyid ri we' subi" byumyu" yiri kho' gam byid: pyam boem wa. Nanyang: we' tungbau mung" moo lo" shid: wa. Houg: lho: Israela byumyu" yi we' nyangnu" da" moug: mo zi goomung" khyoo: gyeing" nyang: pyoung" she: lo" zi shau" boem wa» ga: tid.

HOSEA 13:16

Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

HOSEA 13:8

Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

HOSEA 10:14

Meing: zain: pui: gi re" byu yi jhang ju" re" lho: nanu" gyidab vang dangain" re" phyo' shoin' pyam zi shau" loo wa. Hau: zigi Shalman khokham wigi Bethebela voomoo" ri gyi khaid lho: phyo' shoin' pyam ziyo' myhi' zeing yiri yo' nyangnu" da" zooshang: yiri khyoeb moin' said pyam da" bidnyid yo' dayhang: ti" nghoid loo wa.

HOSEA 9:16

Israela byumyu" yigi agyi: kyug byug lho: ashi" azei: lo: da" shigam yo' du da:. Nyangnu" gi zoo: du ayoo" goo" wa. Zooshang: yi to' yoo" nghoid loug we' nyangnu" gye" jheddab da" zooshang: yiri ngo wigi said pyam byid: wa» ga: tid da:.

YEREMIA 9:21

Shid: khyoo: gi ngoonu" yhoem:- bangzoo: khoem" joem khyo" vang lo wigi Ngoonu" da" khokham kho" joem khyoo: vang loo bye:. Hau: zigi fu" moo" khyoo: moo nyid da" zooshang: yiri yo' Kid" jang: moo nyid da" zoolu: yiri said pyam bye:.

2 KHOKHAM 15:16

Menahem gi Tirza khyoo: yhe: da" gyung: khyoo: mo Tapua yo' voobyu yi- houg moo lheing khoem to" da" mougmyid joem ri bain sho' phyo' shoin' pyam da:. Ciwim ga: ri voomoo" gi nyang: ri asoem" abyid: yoomo nghoid da:. Nyang: gi zoonu" gung nghoid da" myiyi: yi dangain" rilang" voem: doug: thau" phoug pyam byid: da:.

YEREMIA 7:15

Ngoo gi nanu" da" bidnoem seing" cang" Israela ri khaid thu pyam yhang: ti" nanu" ri we' nga" shidkhoin" mo khaid thu pyam wa. Ngoo Aseing tid too" bye:.

YOBA 27:14

Nyangnu" gi yuggi zoo: yi myoo" sho' yoo" loug we' meing: zain: pa: moo dangain" said pyam zi shoug" wa. Nyangnu" da" zooshang: yigi khanham we' gyi sho' ashau" zoo: goo" wa.

NGOUG JI: 2:22

Nang gi nga" da" ayam, aqei: goem: sho' moo byu shoo" zo: shug da" gyoug ci' noem ri koid shug wa shid re" nga" gyivoo joem ri khe: too" bye:. Houg: yoomo nang nheig yo: nyid da" hau: bidnyid moo: hang" we' ayo" loid loo" nghoid ago". Nyangnu" gi ngoo coung: gyi: lho: jheddab nyid da" nga" zoo yiri said pyam byid: boem ago".

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.