HOSEA 9:10 - Lacid Common Language Bible

¹⁰ Aseing gi «Israela ri ngoo xang: shi" shoug" sho: myang uri dain" pyoid yoo mo zabyid shigam ri sho: ziyo' du da:. Nanu" da" phoug" phyid" yiri ngoo xang: shi" shau" myang da" uri lafoem shi myheing yo, ri myheing shid" re" ziri shau" myang ziyo' du da:. Nghoid loug we' nyangnu" Peora boem moo ju" lo uri nyangnu" Bala yu phara" ri no' shid" lo ago". Houg: lho: khamyhang amyang" ri nyangnu" gi nyangnu" jheddab da" yu phara" joem yo' dakhyoo" yu" co' tung" bue" re" ago".

HOSEA 9:10 Referans Kwoze

HOSEA 4:14

Nghoid loug we' ngoo gi nyangnu" ri he: moo" yoomo yooboo dam abyid: wa. Ciwim gari nanu" nyang: we' noku yhoem: mo shava myhi' joem yo' zoem" yen" ago". Houg: lho: nanu" gi nyangnu" yo' dage" tungbau yu phara" joem ri xoin" ngei" byid: ago". Dang: zhoem' moo ‹Myid lasi abo da" byumyu" damyu" gi byo, yoin" lo" wa› ga: tid to" da:.

YEREMIA 11:13

Yuda mung" byu yigi nyangnu" yo" da" voomoo" joem myhoo' yu phara" joem yo" ago". Houg: lho: Yerusalem moo nyid bang: gi hau: voomoo" moo jo, da" fu" moo" khyoo: joem myhoo' nyang: hau: aco' ajhoid da" Bala yu phara" ri xoin" ngei" byid: wa phoin: joem zhug to" ago".

MIKHA 7:1

Nheig byu jang: ajo, loo: o". Ngoo gi shigam, moo ce: shi" we' azei: loo: yoomo zabyid nei moo zabyid shi" azei: lo zi shau" myang da" zooyoid su: yo' du byug bye:. Zabyid shi" dangain" yo' ngham" da" lafoem' shi" we' bain phyo' pyam abye: go".

HOSEA 2:15

Ngoo gi nya: zabyid khyam: joem ri doem byid: wigi yau: khe" janggyoin: ri we' myid byu wa khoem" moo" duang: bui" nhang: wa. Hau: joyoo moo nyang: gi goonham' Egutu mo nyang: phang: lo da" ayo, nyang: ngi shi" uri yo' dakhyo" ngoo ri doem phoug" myang: loo wa.

EZEKIEL 20:8

Nghoid loug we' nyangnu" gi pyi: sho: wigi nga" dang: atam" gyoo: nghoid da:. Nyangnu" gi aco' ajhoid da" yu phara" soolhoo: joem ri we' ashe: pyam. Egutu mo yu phara" joem ri we' ato" pyam nghoid ago". Ngoo gi nyangnu" ri hau: Egutu mung" moo nga" nheig joem: yo: khyoo: byeung" sho' ziri kham zoo: nhang: wa jen" jen" za: danghoid lo:.

AMO 4:5

Shid vhu" khyoo: yhe: lho: nanu" da" zooyho' joem ri Mangsoo ri jeju" boin: jhungshug khyo" byid: we'. Hau: lho: nanu" ci: re" ngei" xoin" yo' gootu: khougvhoid jhungshug shid re" phoug: khuang we'. He: zigi nanu" nau zei: ge' da" moo" nghoid.

HOSEA 11:1

Aseing gi «Israela gi zoonu" nghoid shi" uri ngoo nyang: ri nheig dab bye:. Houg: lho: nyang: ri nga" zoo: khyo" Egutu mo khe: shu" thu yu bye:.

YEREMIA 31:2

Shid: jang" mo loid byoin bang: ri dain" pyoid yoo moo ngoo nheig khyeug myid ci: shug byid: bye:. Israela byumyu" yi doug shau" noo: wa ziri myid boem lang"

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

ESAIA 28:4

Nghoid boin: da" vhujhung: yi da" phung" yoeb shoem: lo" zigi myheing yo' dage" phyo' zo: pyam da" lafoem' shi" amoin" yo' dakhyo" byug lo" byug wa.

COUNG" NGHEI 81:12

Hougsu" nyangnu" da" nheigloem: thain: da" khyoo: khyo" yhe: loo" goo" baja". Ngoo gi nyangnu" ri akhang" byid: kaid bye:.

1 KHOKHAM 16:31

Khokham Yeroboam yhang: ti" yooboo koid wa zigi nya: shid re" atham: boin: nghoid da:. Nyang: gi vi: khyoo: yhe: wigi Sidon khokham Etbala nya: myiyi: zoo: Yezebela ri lo, xo' yu lho: Bala ri no' bye:.

TARHA" AGYI 6:32

Hau: bidnyid mo Gideon gi Yerubala ga: myeing yo" lo" da:. Ciwim gari Yoasha gi «Bala gi nyang: nya: gung ri goem loem yu baja". Nya: da" phoin: gi baid khyoeb pyam zi shau" abye: go"» ga: tid yoomo nghoid.

TARHA" TID POIN" 32:17

Nyangnu" gi Mangsoo anghoid da" yu joem ri we' nyangnu" da" phoug" phyid yi khanham we' ase' da" yu phara" aseig joem ri we' Israela byumyu" yi khanham we' jidang: atam" gyo: lo da" yu phara" joem ri xoin" to' byid: ago".

TARHA" TID POIN" 32:10

«Nyang: gi nyangnu" ri dain" pyoid yoo moo lam" dam: yen" ziri myang. Hau: dain" pyoid yoo gi kyug hei wigi lid hau' pyoid pyam da" zi nghoid. Nyang: gi nyangnu" ri goem loem byid: lho: nyang: nya: gung ri goem loem byid: ziyo' dakhyo" nyangnu" ri yu" goin coung: loo bye:.

TARHA" TID POIN" 4:3

Poera boem moo Aseing koid bye: da" lo, moo" ri nanu" nyang: myang: abye: go". Bala ri no' bang: yugkhang" moo" ri houg: moo nyang: said toem' pyam bye:.

GYUNG: SOO" 15:39

Hau: bain: byau gi myid boin: nhang: nyid wa shid re" nghoid wigi nanu" hau: bain: byau ri myang khang" moo" nga" amyeing" dang: ri boin: so" re" wigi hau: joem ri cang koid boem wa nghoid. Houg: lang" nanu" gi nga" jang" mo aphug lo" byug wigi nanu" nyang: vho: ngei shoid khyoo: acang yhi: goo" wa zi nghoid.

Roma 6:21

Hau: da" uri nanu" zei: nyid da" moozoo" gi - nanu" nyang: ri akhid" ju" sho' asho" ashid: bui" nhang: zi nghoid. Hau: da akyu" gi - shid: lo" khyoo: nghoid.

COUNG" NGHEI 115:8

Hau: yu phara" soolhoo: ri baid kyoung" lhid" too" bang: yo' hau: ziri loem khau: nyid mo, gi Nyangnu" koid to" da" yu phara" soolhoo: yo' dakhyoo" ti: nghoid nyid goo" baja".

YEREMIA 3:24

Nghoid loug we' asho' ashid: da" yu phara" Bala ri no' zigi ngoonu" da" coidbaid kyung- yang kyung yo' nu: kyung joem yuggi zoo:- myiyi: zoo: yi soem" thang loo" nhang: wigi goonham" yo' mo ngoonu" da" phoug" phyid" yi moo" zei: wigi shoug" to" zi ja: khang" moo" soem" pyam bye:.

YEREMIA 24:2

Xang: shi" gyoin moo no' mo phyo' to" da" lafoem' shi" ge zi bo da:. Gootu: dagyoin moo zoo: age da" lafoem' shi" age zi bo da:.

HOSEA 4:18

Zabyid yhid: myoo" sho' shug thang: ri nyangnu" da" shava myhi' shava phoo moo" moo pyo: nyid ago". Nyangnu" gi ngi: shab wa tho' ngi yoem" shang pyang: wa ziri je vho: ago".

GYUNG: SOO" 18:13

Hau: zi dangain" gi nang seing: wa zi nghoid. Thung" khyo" younglho' da" re" yhoem: byu dangain" gi hau: ziri ge zoo: wa nghoid.

2 KHOKHAM 17:11

Nyangnu" gi hau: mung" mo Aseing wigi khaid thu pyam da" byumyu" yi koid da" lo, moo" ri cang wigi tungbau thung" phoin: joem dangain" dang moo shoem: nam pyo: ja: nghe' ngei" ago". Nyangnu" gi nyangnu" da" akhyeing" da" lo, moo" dangain" wigi Aseing da" nheigloem: yoin ziri bue" loo nhang: ago".

SHOLUMON JIKHOIN" 3:6

Kid" ung" bang: oung" byid: da" nam pyo: Mura xu: myikhoug" pung yhang: ti" dain" pyoid yoo khyo" nam do, lo zigi cenoem nghoid lha".

YEREMIA 3:25

Ngoonu" gi sho' zi' yo' leung jo, wigi ngi yoem" zigi ngoonu" ri" nghoeb boem" pyam ge da:. Ngoonu" Aseing Mangsoo ri khanham we' yooboo shoid lid lo boem bye:. Ngoonu" gi nya: da" amyeing" dang: joem ri khanham we' alhung cang nyid goo" nhung» ga: tid ago".

HOSEA 13:5

Ngoo gi nanu" ri kyug da" dain" pyoid yoo moo goem loem byid: bye:.