HOSEA 8:7 - Lacid Common Language Bible

⁷ Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

HOSEA 8:7 Referans Kwoze

DANG: ZHOEM 22:8

Atarha" da" myoug" shi" sain" rigi byo, yoin" lo" khyoo: youg thu' lo lho: subi" ri nang doin: zeig zo: khyoo: thang byug wa zi nghoid.

YOBA 4:8

Akhyeing" da" yoothung" phug lho: Akhyeing" ashoeb da" myoug: shi" sain" da" bang: Akhyeing" ziyo akhyeing" ashoeb ziri yham" yu boem ziri ngoo myang yu" bye:.

GALATI 6:7

Nanu" gi nyang: nya: da" gung du: ri mhau' lho wigi khyoo: avhang: loo" goo"- Mangsoo ri hang" we' aphoug" akhyoid yo" koid wa zi anghoid- byu yi gi nyang: tu: nyang: sho" kaid ziyo' dakhyoo" shau" yham" yu wa zi nghoid.

NAHUM 1:3

Aseing nheig yoo: lei su: anghoid. Nghoid loug we' nyang: gi yoem: moo" boo su: nghoid lho: shoid vhang: su: ri ajhoug" amho' loo nyid su: anghoid. Aseing so" yen" joyoo moo uglid moid lo lho: jhoemmoug" joem ri we' nya: khyid: khyo" nang: tang" kaid da" pheilhoug: nghoid nyid.

HOSEA 7:9

Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

HOSEA 2:9

Houg: yoomo gug zoo shivoo: yhoem" yo, ri ngoo gi nga" jhungshug shivoo: yo' zabyid yhid: ri doem tau" yu pyam wa. Nyang: ri byimi shid re" ngoo byid: to" da" soug" goug" yo' zin: yung" pain" gi ri doem yu pyam byid: wa.

YEREMIA 12:13

Nga" byumyu" yigi sungsoo: ri shoo" nghoid loug we' myo, ri za: shau" yham" yu da:. Nyangnu" moo" joem thei" khang nghoid loug we' hau: shid re" ci: ashau" yu nghoid da:. Ngoo nheig yo: gang mo nyangnu" da" shivoo: joem soem: lo" ago".

ESAIA 66:15

Aseing gi myi: yo' dage" ju" ri" wa. Nyang: wigi nheig yoo: bang: da" adang moo yooboo dam byid: wa shid re" nyang: gi uglid dung tho' moo zhung: wigi ju" ri" wa.

ESAIA 17:11

Nang hau: joem ri sho" da" nab soin: ri nyang: hau: joem yug thu re" lho: aboo" bo" loo nghoid loug we' yham" yu zi ajo, wa. Hau: zigi yau: khi" yo' age byang" da" noo phyoo" za: bue" loo wa.

PHAJHI" DANG: 5:16

Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

TARHA" TID POIN" 28:33

Tungbau byu damyu" gi nanu" gye" yoem: kaid wigi sho" to" da" gugshi" meishi" dangain" ziri yu pyam byid: wa. Nanu" nyang: gi ci: ashau" yu wa. Nghoid loug we' ayo, byeung" sho' moo doin: zeig ziyo' anoug akhyoid koid zi shau" boem wa.

GALATI 6:8

Byu da" gung shoo" ein: da" myid' jang: moo sho" kaid su: gi shid: lo" ein: da" byo, yoin" da" amyoug: ashi" ri shau" yham" yu wa nghoid- Venyi ein: da" myid' jang: moo sho" kaid' su: gi apyad' atoo: mo kangso ein: da" amyoug: ashi" ri shau" yham" yu wa nghoid nyid.

ESAIA 55:2

Nheig atho shid: da" ja: shid re" ciwim yoomo ngei ri yhung: pyam boem la". Ciwim nanu" da" vhu" kung: phoug" ngei ri yhung: pyam wigi zooyoid nyid boem shi" go" la". Ngoo tid ziri tam" gyo: wigi ngoo tid khyo" koid ge'. Nanu" gi ge thang da" zoo: noem dangain" yo' yo" pyo: boem goo" wa.

NGOUG JI: 5:2

Ngoonu" da" jonu" joem gi tungbau byu being" yi lo, moo ju" jo, bye:. Ngoonu" da" yhoem: khoug: moo nyid nyid ago".

HOSEA 9:16

Israela byumyu" yigi agyi: kyug byug lho: ashi" azei: lo: da" shigam yo' du da:. Nyangnu" gi zoo: du ayoo" goo" wa. Zooshang: yi to' yoo" nghoid loug we' nyangnu" gye" jheddab da" zooshang: yiri ngo wigi said pyam byid: wa» ga: tid da:.

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

APOEM AYANG: 41:23

Hau: thang: dain" pyoid mo uglid wigi moid hau' soem: pyam da" gug soem: gug pyang nyhed nham: gi zung" zung" yab jo, wigi