HOSEA 8:14 - Lacid Common Language Bible

¹⁴ Israela byumyu" yigi khokham kho" ri zhug to" ago". Nghoid loug we' nyangnu" gi nyangnu" ri phain" so: too" su: ri to" myhed pyam abye: go". Yuda byumyu" yigi gye" geing: da" voomoo" joem ri de: to" ago". Nghoid loug we' ngoo gi nyangnu" khokham kho" joem yo' voomoo" joem ri nghe' pyam wa myi: ri nhang: khyo' kaid wa.

HOSEA 8:14 Referans Kwoze

TARHA" TID POIN" 32:18

Nyangnu" gi nyangnu" da" Mangsoo nyangnu" da" myhang: thang khyoid yu Aseing nyangnu" ri kangso' byid: yug ri to" myhid pyam ago".

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

AMO 2:5

Houg: yoomo ngoo gi Yuda mung" moo myi: ri khyo kaid lho: Yerusalem mo gyikhoug: zung joem ri nghe' pyam wa» ga: tid.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

AMO 1:10

Houg: yoomo ngoo gi Turu vang khyam: tho' moo myi: ri khyo kaid lho: nya: da" gyikhoug: zung joem ri we' nghe' pyam byid: wa» ga: tid.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

AMO 1:14

Houg: yoomo ngoo gi Raba vang khyam: tho' moo myi: ri khyo kaid lho: houg: mo nya: da" gyikhoug: zung joem ri nghe' jhoem" pyam byid: wa nghoid. Houg: gyi zain: nyid da" bidnyid mo yoid nyhoo: thui: thu loo wa ziyo' uglid hau' lo thui: yhang: ti" nheig joem: yo: da" thui: gi damyeung tei" too" wa.

AMO 1:12

Houg: yoomo ngoo gi Teman atho' moo myi: ri khyo' kaid lho: Bozra gyikhoug: zung joem ri nghe' khyo' pyam wa» ga: tid.

AMO 1:4

Houg: yoomo ngoo gi Hazaela khokham wigi zhug to" da" khokham kho" vang" ri nghe' jhoem" pyam byid: lho: Benhadad khokham da" gyikhoug: zung joem ri nghe' phyo' pyam byid: wa nghoid.

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

YEREMIA 23:27

Nyangnu" phoug" phyid" yigi ngoo ri to" myhid pyam wigi Bala shoid khyoo: phug lo" byug boem bye: yhang: ti" nyangnu" tid da" yhoebmo, joem yo' nga" byumyu" yi ngoo ri to" myid pyam loo goo" wa ga: nyangnu" jho: ago".

YEREMIA 3:21

Boug gung tho' joem mo lu: fu: thui: dathui: shoug" gyoo: bye:. Hau: zigi Israela byumyu" yi yooboo shoid da" kangso' dei gyung: khyoo: moo nyid wigi Nyangnu" Aseing Mangsoo ri to" myhid pyam boem yoomo ngau wigi mho' yoid boem da" thui: nghoid da:.

YEREMIA 2:32

Zoomyi: nu" gi nya: da" shoung: yhoung wa phoug" dab lug ri myhi' seig gi nya: da" lo, xo' pui" byimi ri lhoung to" myhed yu" la". Nghoid loug we' nanu" gi bidnyid atho' nghab loo sho' ngoo ri to" myhed pyam ago".

ESAIA 43:21

Nyang: gi ngoonya: shid re" phain" so: to" da" nga" byu yi nghoid ago". Nyangnu" gi ngoo ri coung" nghei jikhoin" khoin" lo goo" wa» ga: tid.

ESAIA 42:25

Houg: yoomo nyang: gi ngoonu ri nya: nheig yo: da" yoem: so' ri kham zoo: nhang: wigi gyi khaid pui: da" pyijoem: sho: khaid said khyoo: moo kyi" khyeug shoug" nhang: da:. Nya: nheig joem yo: zigi myi: yhang: ti" Israela mung" goin" ri nge" lo byug da:. nghoid loug we' cibue" nyid ziri ngoonu khanham we' asi'.. Ngoonu" gi hau dangain" mo ciri we' ajhau" yu nghoid da:.

ESAIA 42:13

Aseing gi gyi khaid sarhi dayug yhang: ti" gyikhaid wa thu lo" da:. nyang: gi gyi khaid pui" shid re" jen" jen" nghoid wigi gau gau yi yi nghoid nyid da:. Nyang: gi meing: zain: wa mho' yoid- gyi khaid jang: moo nyho: nyid da:. Nyang: gi nya: gyivoo yiri nya: yoem so' ci: shug byid: da:.

ESAIA 29:23

Ngoo gi nanu" ri byid: wa da" zoonu" yiri nanu" shau" myang boem lang" ngoo gi Israela da" gyeung" shang: da" Mangsoo nghoid ziri nanu" yhen: yu loo goo" wa. Nanu" gi ngoo ri ngi: shab byid: wigi gyoug phoug" loo goo" wa.

COUNG" NGHEI 106:21

Egutu mung" moo nya: da" mau" pho" moo" zoo" joem yo' Nyangnu" ri khyoid yu to" da" Mangsoo ri nyangnu" to" myhed pyam boem bye:.

2 KHOKHAM MHOOMYID: 27:4

Yuda mung" mo boem joem cang voomoo" joem de: da:. Seig moo" yoo cang gyidab joem yo' pyuzung joem koid da:.

2 KHOKHAM MHOOMYID: 26:10

Nyang: gi dain" pa: moo we' gyidab pyuzung joem koid wigi gyid teing thoem" myoo: sho' we' du: to" da:. Ciwim gari nyang: gi bidvang shoid boem khyid: moo yo' dain" pa: joem moo gougnyhoug phung: myo: sho' yoo" yoomo nghoid da:. Nyang: gi yoo koid ziri myid boo su: nghoid yoomo boem moug: cang zabyid khyam: koid goo" wa yo' myidxu: ge da" mougmyid moo yoo koid zoo: goo" wa shid re" mung" byu yiri yoem: byid: da:.

1 KHOKHAM 16:31

Khokham Yeroboam yhang: ti" yooboo koid wa zigi nya: shid re" atham: boin: nghoid da:. Nyang: gi vi: khyoo: yhe: wigi Sidon khokham Etbala nya: myiyi: zoo: Yezebela ri lo, xo' yu lho: Bala ri no' bye:.

1 KHOKHAM 12:31

Yeroboam gi bouggung cang noku joyoo joem ri we' koid to" boem lho: nyang: gi Levi akung: ako'' anghoid da" ikoin deungkhu: joem mo khainjung yiri khyen: too" bye:.

2 KHOKHAM 18:13

Khokham Hezakia vhoeb zi daxe: myid: zain ein: zain moo Asuri khosen Senakherib gi geing: teung da" Yuda voomoo" joem ri yhe: khaid zain: wigi houg joem ri oung: pyam da:.

COUNG" NGHEI 95:6

Ri" ge'- nyhang" nyang: ri poid thug thug lho: noku coung" nghei nyid boem shang. Yha" da" Aseing phain" so: soo: su da" shidkhoin" moo: poid thoug thug to" boem shang.

ESAIA 9:9

Nyang: he: ziri koid bye: khyoo: ri Israela byu yi dangain"- Samari moo nyid da" bang: yugkhang" moo" se' loo goo" wa. Akhid" nyangnu" gi nghoid boin: wigi phau: ago". Nyangnu" gi

ESAIA 9:10

«Zhoothung" yo' koid da" yhoem: joem gi gyoeb gyo" byug bye:. Nghoid loug we' ngoonu" gi hau: joem ri lugboem yhoem: doem thid koid wa zi nghoid da:. Phofoem yam khyang joem ri phyed khyo' pyam nghoid loug we' hau ziri ge thang da" shamu ngoonu" doem thid kaid wa» ga: tid ago".

YEREMIA 5:17

Nyangnu" gi nanu" da" shivoo: shiloem joem yo' zoo: noem joem ri lhoid zo: pyam loo goo" wa. Nyangnu" gi nanu" da" yuggi zoo: myiyi: zoo: yiri said pyam loo goo" wa. Nyangnu" gi nanu" da" coid kyung yang kyung yo' nu: kyung joem ri said pyam wigi nanu" da" zabyid nei joem yo' lafoem' gam joem ri phyo' shoin' pyam byid: goo" wa. Nanu" loem khau: nyid da" gyidab voomoo" joem gi nyangnu" gyidab wigi phyo' shoin' pyam zi shau" boem wa.

EZEKIEL 23:35

Akhid" he: zigi yoem: moo" bo Aseing tid nyid zi nghoid. «Nang gi ngoo ri to" myhid pyam lho: ngoo ri nungthang phug pyam boem yoomo nang gi re" mhain: myid yo' shava myhi' moo" zoo" gang mo yau: khe" kyi" khyeug zi shoug" wa.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.