HOSEA 8:10 - Lacid Common Language Bible

¹⁰ Nghoid loug we' akhid" gi ngoo gi nyangnu" dangain" ri shoem" zheing" to" wigi yooboo dam byid: wa bye:. Khamyhang amyang" ri nyangnu" gi Asuri khosen ge' nyangnu" ri doem zeig zoo: lang" dam no wigi lang: thain: nyid goo" wa.

HOSEA 8:10 Referans Kwoze

EZEKIEL 16:37

He: gang mo ngoo gi shid phyang" mo nang jheddab ziyo' nang ngheung" da" re" zooyam phoo yi dangain" ri khe: zheing" yu wa. Ngoo gi nyangnu" ri re" lheing khoem moo shu" nyhid: to" lho: re" byimi joem ri khyoid pyam byid: wigi nyangnu" wigi nang ri shoo" cen: doem: shau" myang nhang: wa.

HOSEA 10:10

Ngoo gi he: yooboo yo" da" byumyu" yiri khaid zain: lho: yooboo dam byid: wa. Gootu: byumyu" yigi nyangnu" shoin" wigi nyangnu" ri gyikhaid loo wa. Israela byu yi da" myoo" sho' da" yooboo joem gang mo yooboo dam byid: zi shoug" loo goo" wa.

EZEKIEL 26:7

Yoem: moo" bo Aseing tid zigi «Ngoo gi khokham dangain" jang" mo gyi: thang su:- Babelon khokham Nebukhadneza ri shu" yu wigi Turu ri zain: nhang: wa. Nyang: gi mougzhung: shoid khyo" myang: joem gyi myang: rheing" joem yo' myang: dab bo bo wigi gyidab moo" dadab yo' re" loo wa.

ESAIA 10:8

Nyang: gi «Nga" gyizoug: moo" yi yugkhang" moo" gi khokham nghoid ga: phau: da:.

HAGI 2:6

Kha: myhang anghoid ri ngoo gi mougkhung: yo' myidjang ri Nammugdara yo' bouggung ri lang: nhoid kaid wa nghoid.

DANIELA 2:37

Aseing khokham we"- nang gi khokham dangain" mo je gyi: sheung: thang su: nghoid da:. Mougkhung: mo Mangsoo gi nang ri khosen bui" nhang: wigi nang ri yoem: so' yoem: moo" yo' ngi: shab byid: bye:.

EZEKIEL 22:20

Hau: zigi ngei joem:- gyid: ni- joto'- to' phyu: joem ri phoid shau' kyeing yu da" khyoem' moo" myikhyoem khoug: moo zheing" kaid to" yhang: ti" du da:. Ngei joem ri myi: wigi nghe' shau' kaid yhang: ti" nga" nheig joem: yo: ziyo' nheigloem: nge" lung zigi nyangnu" ri nghe' shau' pyam wa.

YEREMIA 42:2

Ngoo ri «Jeju" mo ngoonu" tid ziri koid byid: la. Ngoonu" da" Aseing Mangsoo ri ngoonu" shid re" akyu" mho' byid: la. Nyid deing gyoo" bang: dangain" shid re" akyu" mho' byid: la. Goonham' ngoonu" gi myoo" sho' nghoid. Nang myang ziyo' dayhang: ti" akhid" gi ngoonu" dajhi' khyeing" dadeing lo.

ESAIA 36:13

Hau: thang: gyizoug: to' yab wigi Hebre myeing" khyo" «Asuri khosen nanu" ri tid nyid da" dang: ri tam" gyoo: we'.

1 KHOKHAM MHOOMYID: 5:26

Houg: yoomo Mangsoo gi Asuri Khosen Pula (Tiglad Pilesa ga: we' myeing yo") ri nyangnu" mung" khyoo" jhen" vang yhi: nhang: da:. Nyang: gi Ruben- Gad- Bidthu Shoid Manashe byumyu" kung: yiri meing: pyoung" pyam lho: nyangnu" ri Hala- Habora- Hara yo' Gozan gyid yam moo apyaid atoo: de: nyid nhang: da:.

2 KHOKHAM 17:3

Asuri khosen Shalmanesa gi nyang: ri meing: re" zain: da:. Hoshea gi Shalmanesa ri asoem" byid: wigi zain khang" moo" khang" doug byid: da:.

2 KHOKHAM 14:26

Aseing gi Israela byumyu" yi gyoug pho" yau: khi" kham zo: nyid ziri myang da:. Nyangnu" ri pang" thoug wa dayug we' anyid nghoid da:.

EZEKIEL 16:33

Shava myhi' rigi ngei byid: ago". Nghoid loug we' nang gi re" da" zooyam phoo yiri jhungshug byid: wigi nyangnu" khyi' khang" moo" mo re" lho: nang yo' yhoeb wa shid re" khougvhoid jhungshug byid: da:.

EZEKIEL 23:5

Ohola gi ngoo seing: su: bain nghoid bye: thang: ri shava myhi' xo' koid wigi Asuri mung" mo nya: zooyam phoo yi da" jheddab myid ri myid mhain: nyid da:.

2 KHOKHAM 17:4

Nghoid loug we' dazain moo Hoshea gi Egutu khokham So jhang lagyoo: nhang: wigi nyang: ri pang" yu wa mho' nhang: kaid da:. Houg: lho: zain khang" moo" Asuri ri byid: nyid da" khang" doug ri abyid: loo theung: pyam da:. Shalmanesa gi hau: khyoo: ri si' lang" nyang: gi Hoshea ri myheig yu lho: thung: lhung to" da:.

ESAIA 30:2

Nga" phajhi" byid: dang: ri amho' loo: pang" thoug byid: wa shid re" Egutu khyoo: nyangnu" yhe: ago". Nyangnu" gi Egutu byu yi wigi nyangnu" ri goem loem byid: wa zi vho: ago". Houg: yoomo nyangnu" gi Egutu khokham ri khau: nghe: ago".

HOSEA 12:2

Aseing gi Yuda byumyu" yiri yooboo zhug wa yo" da:. Nyang: gi Israela byumyu" yiri nyangnu" da" lo, moo" yoomo yooboo dam byid: wa bye:. Nyang: gi nyangnu" ri nyangnu" koid lo da" moo" shid re" aphoug" tau" byid: loo wa.