HOSEA 8:1 - Lacid Common Language Bible

¹ Aseing gi «Gyi tid poin" thui: ri myheing kaid we'. Gyivoo yigi zoin bung yo' dakhyo" da" mougmyid moo dang: gyoo" re" nyid ago". Nga" byumyu" yigi ngo wigi nyangnu" yo' koid to" da" dang: theing ri phyo' shoin' pyam lho: ngoo jhau" shed ziri thougtheung gyi koid pyam ago".

HOSEA 8:1 Referans Kwoze

HOSEA 6:7

Nghoid loug we' nyangnu" gi Adam yhang: ti" hau: joyoo moo: nyangnu" yo' ngoo koid to" da" dang: theing ri phyo' pyam ago".

TARHA" TID POIN" 28:49

Aseing gi nanu" ri thougtheung wa shid re" nanu" ase' gyo: da" myeing" ji da" byumyu" damyu" ri mougmyid athang: mo shu" loo byid: wa zi nghoid. Nyangnu" gi zoin bung: yo' dakhyoo" ti" nanu" atho' moo re" dang: thei" wa zi nghoid.

HOSEA 5:8

Gibea moo: gyi khaid yhi: wa shid re" laboo" mhoid kaid we'. Rama moo: gyi ri tid poin" da" thui: ri khyo' kaid ge'. Bethaven moo meing: zain: wa yoem: kaid thui: ri myhang: kaid ge'. Benyamin kung: mo yuggi yi we"- gyi khaid yhi: we'.

YEREMIA 4:13

Yu" ge'- gyivoo gi jhoemmoug" joem yhang: ti" lo nyid da:. Nya: da" gyi myang: rheing" joem gi lid shoem' yo' du ago". Houg: lho: nya: da" myang: joem gi zoin bung: joem tho' myab da:. Ngoonu" gi soem" wa bye:. Ngoonu" gi joem: wa bye:.

HABAKU 1:8

Nyangnu" da" ju: myang: joem gi myeing khuid" tho' moo je myab boem wigi zooyoid nyid da" zeig ni joem tho' moo je" akhyeing" zi nghoid. Nyangnu" da" myang: ju: ju: mo, gi moug: vi: mo ju" lo lho: nyangnu" da" myang: joem we' go" xang yab jo, ago". Zoin bung: gi nyangnu" da" zoo: shoo" ri myheug yu wa shid re" nyhau' gyoo" lo yhang: ti"- nyangnu" we' ju" ri: wa zi nghoid.

1Korinthians 15:52

Nghoid loug we'- lo" thang da" laboo" myeung lo da" uri- nyeigdain tung" myo, damyeig mo:- nyhang" dangain" bang: yo, zoo: ti" yoem" khyoid' loo" khari" wa nghoid. Khasu" wim gari- hau: laboo" zeing moid' kaid da" uri- shid: byug bye: bang: ri khanham we' ashid: loo: wa shid re"- doem dei tu: to' kaid wa ziyo'- nyhang" dangain" mo, gi yo, zoo: ti" yoem" khyoid' loo" khari" boem wa nghoid.

MATHE 24:28

«Mang leung jo, da" khyi' khang" moo" moo Langda joem we' zheung: foem: boem wa nghoid.

ZEKHARIA 11:1

Lebanon we" re" da" khoem" duang: joem ri phang too" we' Re" da" Shamu gam joem nge" pyam' wa nghoid.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

ZEPHANI 1:16

Geung: teung" da" voomoo" vang khyam: yo' myhang: da" gyi pyu zung ri zain: lo da" gyizoo: yi gyi to' lo da" thui: zeing- gyi laboo" moid thui: yo' byeung" da" bidnyid nghoid.

AMO 9:1

Aseing gi phoin: nam moo yab jo, ziri ngoo myang. Nyang: amyeung" byid: da" dang: khoin" gi «Noku Yhoem: Moo" mo khungvoin zeing vhu" joem ri yoem: kaid baid kaid wigi apoem: ayang: dangain" ziri lei" loo" nhang: wa. Hau: ziri gyau: loo" nhang: lho: mung" byu yi da" vhuloem moo gyo" zeig baja". Nyid deung da" mung" byu yiri ngo wigi meing: zain: jang: moo said pyam wa nghoid. Hang" dayug we' yo" phang: loid loo" wa zi anghoid.

AMO 8:3

Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.

AMO 3:6

Voo byu yiri agyoug dain nhang: loo: za: voomoo" khoug: moo gyi khe: da" laboo" lhoung moid yu" boem la". Aseing wigi akoid kaid ri voo khoug: moo yau: khe" kyi" khyeug moo" lhoung thu lo yu" la".

YOELA 2:1

Mangso da" gyeung" shang: bouggung Ziun tho' moo gyi: poin" da" laboo" ri moid kaid loo ge'. Yuda byumyu" yi we' nain nyid ge'.- Aseing da" bidnyid gi jhang loo bye:.

HOSEA 9:15

Aseing gi «Nyangnu" da" akhyeing" ashoeb da" moo" dangain" gi Gilgala mo koid shid" lo da:. Hau: jo, yoo moo nyangnu" ri ngoo xang: shi" ngheing" shid" bye:. Houg: lho: nyangnu" koid lid lo da" akhyeing" ashoeb moo" yoomo ngoo gi nyangnu" ri nga" mougmyid mo khaid thu pyam wa. Ngoo gi nyangnu" ri ajheddab loo: wa. Nyangnu" da" vhujhung: yi dangain" bang: gi ngoo ri thougtheung ago".

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

EZEKIEL 16:59

Yoem: moo" bo Aseing tid zigi «Ngoo gi nang loem zoo: eung: ziyo' dayhang: ti" koid wa ciwim gari nang gi re" dangsoo" ri byam to" myhid wigi dang: theing ri phyo' shoin' yoomo nghoid.

EZEKIEL 7:14

Laboo" moid kaid wigi yugkhang" moo" gi jen" jen" soin ago". Nghoid loug we' meing: zain: jang: dam khyoo: hang" ayhi: nghoid ago". Ciwim gari: Mangso da" nheig yo: zigi yug khang mo da" adang moo: jo, jo, yoomo nghoid.

YEREMIA 51:27

«Gyi khaid wa avoid asoo" byid: ge'. Byumyu" yi shoug" gyoo: wa shid re" laboo" ri moid ge'. Babelon ri gyi koid wa shid re" byumyu" yiri nyheing soin' ge'. Ararad- Minni yo' Ahkeneza mungdain: khokham yiri gyi khaid zain: wa tid ge'. Gyi zain: jang" moo vhu" shi: wa gyizoug: dayug ri khyen: soin' too" ge'. Jhenkhyeug joem yhang: ti" myang: joem ri she: loo ge'.

YEREMIA 48:40

Aseing dangsoo" byid: zigi dung pei: pyo: ci: da" zoin bung: yhang: ti" byu damyu" gi Moba adang moo dang: gyoo" lo wigi

YEREMIA 31:32

Ngoo gi nyangnu" ri lo, mo she: wigi Egutu mung" mo shu" thu lo uri nyangnu" phoug" phyid" yi yo' ngoo koid to" da" dang: theing axoug" yo' adu wa. Ngoo nyangnu" ri yhoem: seing: phoo yhang: ti" koid sho' nghoid loug we' nyangnu" nga" dang: theing ri aphoug" cang nghoid ago".

YEREMIA 6:1

Benyamin byumyu" yi we"- goem loem khyoo: yo" yu wa shid re" tang" phang: we'. Yerusalem mo phang: loid loo" ge'. Tekoa moo laboo" moid wigi Bed Hakherem moo: myi: moid lho: asoo" byid: ge'. Byo, yoin" ziyo' phyo' shoin' zigi mougzhung: shoid khyo" gyoo" lo nyid abye:.

YEREMIA 4:5

Damung" goin" moo laboo" moid kaid ge' Thui: zeing yo' jang jang za: nyhoo: we'. Yuda yo' Yerusalem mo byu yiri gyi pyuzung- vang khyam: kyam' to" da" voomoo" joem Khyoo: tang" phang: wa shid re" tid kyoo" we'.

ESAIA 58:1

Aseing tid zigi «Nang yo" nyho: yhi' thui: zeing yo' nyhoo: we'. Nga" byumyu" Israela ri nyangnu" yooboo khyoo: ri tid kyoo" we'.

ESAIA 24:5

Byu yigi mougmyid ri Mangso tarha" joem ri shoid da" khyo" apyaid atoo: shid re" nyang: koid to" da" dang: theing ri phyo' shoin' pyam khyo" ayung" alho' koid pyam da:.

ESAIA 18:3

Mougmyid tho' moo nyid da" yugkhang" moo" we" tam" gyoo: ge'. Boem gung joem adang moo to" to" da" asoo" dungkhoin: ri yu" we'. Laboo" moid thui: ri tam" gyoo: ge'.

2 KHOKHAM 18:27

Nyang: gi «Nang yo' khokham phoo ri za: he: gu: dangain" ri tid wa. Khosen pho wigi ngoo ri nhang: kaid zi nghoid ein: nanu" jhoo: go" rhe". Anghoid. Ngoo gi nanu" yhang: ti" nyangnu" khyid" ri zo:- nyangnu" yhed" ri shug goo" wa da" vang khyam: tho' moo zhung: nyid boem da" mung" byu yiri we' ngoo tid nyid zi nghoid» ga: tid.

YOELA 2:15

Ziun boem tho' mo laboo" ri moid kaid ge'. zoo: noem jang" wa amyeing" byid: lho: byu phung: foem: wa zi khe: kaid we'.

YEREMIA 34:18

Yuda yo' Yerusalem mo gyizoug: yi yo' khokham kho" mo gyizoug: yi khainjung yi vhujhung: yi dangain" dage" za: nujung loo: dadu: ri eig gang kho' to" da" agyoo: khyo" so" lid: lo" wigi ngoo yo' dang: theing koid ago". Nghoid loug we' hau: dang: theing ri phyo' pyam wigi aphoug" cang nghoid ago". Houg: yoomo nujung loo ri koid boem bye: ziyo' dayhang: ti" ngoo nyang: he: byumyu" yiri koid wa.

YEREMIA 49:22

Gyivoo gi dung pyo: ci: wigi dang: gyoo" lo da" zoin bung: dadu: yhang: ti" Bozra ri gyikhaid loo wa. Hau: bidnyid moo Edom gyizoo: yigi zookhu: noo no da" myiyi: gyoug dain yhi' nghoid loo goo" wa» ga: zi nghoid.

EZEKIEL 17:3

Ngoo yoem: moo" bo Aseing nyangnu" ri tid nyid ziri se' gyoo: wa shid re" dang: tu' daloem: tid kyoo" we'. Houg: moo gye" yung" da" ngho' moug" yo' gye" rua da" dung ri pyo: ci: da" zoin bung: dadu: nyid. Nyang: gi lebanon boem joem khyoo: dang: yhe: lo" lho: shamu dagam mo anyug ri khyau" yu da:.

EZEKIEL 11:4

Shid: se' da" byu we" akhid" nyangnu" ri tid poin" we'» ga: tid.