HOSEA 7:16 - Lacid Common Language Bible

¹⁶ Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 7:16 Referans Kwoze

HOSEA 9:3

Israela byumyu" yigi Aseing da" mougmyid moo nyid loo: wigi Egutu khyoo: doem tau" loo" ca" lho: toem' to" da" zoo: noem ri Asuri moo zoo: ca" loo goo" wa.

COUNG" NGHEI 78:57

Nyangnu" da" phoug" phyid" yi yhang: ti" dang: azung" loo: za: tu: lhoin" mo, nghoid nyid boem ziyo' guid" da" myookhaid yhang: ti" loem age" bang: nghoid nyid boem.

EZEKIEL 23:32

Yoem: moo" bo Aseing tid «Nang gi re" be da koem: mo shug loo wa. Hau: zigi gyi: wigi no, da:. Yugkhang" moo" gi nang ri juang" wigi coem' nyhab' loo wa. Koem: gi byeung" jo, abye:.

COUNG" NGHEI 73:9

Nyangnu" gi Mougkhung: tho' mo Mangsoo ri lang- age da" gei sang: shang pyang: nyid boem lho: mougmyid tho' mo byu yiri nheigloem: thain: ziyo' amyeing" byid: nyid ago".

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

Pang Shug 13:5

Hau" akhyeung" da" gougnyhoug gi phau: khuang lo lho: wigi Mangsoo ri aphoug" akhyoid tid wa da" akhang" yo". Lham" moo" myid: xe: eig khyab, shid mo yoem: so' amyeing" yo" yu ci: abye:.

2PETRU 2:8

Hau: deungbyeung" da" byu gi nyangnu" da" akhoug: moo nyid nyid shi" uri nyid" khang" moo" nyangnu" nya: da" akhyeung" ashoeb da" moozoo" ri-bo myang bo shau" gyo: nyid yoomo nheugloem: moo atho tid loo sho' jamjau jamkhi" shau" nyid.

YAKU 3:5

Yhoo: we' houg: yo" dakhyoo" ti" nghoid- hau: zigi gunggoin" jang" moo nge thang da" ako zoo: te: nghoid loug we' gye" yo" phau: khuang nyid. Houg: yo' dakhyoo: ti" dajhi' kyeung" da" myi: we' houg: yhi' gyi: da" siyoo zeing ri yo" nge" pyam' ziri myid, yu" ge'.

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

MATHE 12:36

«Aseing Yesu tid zigi tarha" dang: khoo' da" bidnyid moo byu yug khang" moo" gi nyang: tid da" age da" dang: yo" dakhyoo" ti"- tarha"

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

HOSEA 7:13

Nyangnu" gi joem lo" abye:.Nyangnu" gi ngoo ri too" kho' wigi ngoo ri thougtheung gyi koid ago". Nyangnu" gi said toem" pyam zi shoug" loo wa. Ngoo gi nyangnu" ri khyoid yu noug nghoid loug we' nyangnu" wigi ngoo ri ajoo aeung: khyo" noku loo bye:.

HOSEA 6:4

Nghoid loug we' Aseing gi «Israela yo' Yuda we" Ngoo gi nanu" yo' ci sen: la". Ngoo ri nanu" wigi jheddab zigi nab soin: mo lang" khyoem' yo' dakhyo" myab myab bei: byug wa. Hau: zigi nyid" ri no' mo byug lo" da" nghain: yo' du: da:.

EZEKIEL 36:20

Nyangnu" khakhyoo: yhi: nghoid loug we' nga" da" gyeung" shang: myeing ri ngi: yoem" nhang: ago". Ciwim gari subi" goobang: hid su" ga: tid da:. ‹Hid: bang: gi Aseing da" byumyu" yi nghoid ago"- nghoid loug we' nyangnu" gi nyangnu" da" mougmyid mo phang: yen" ago"› ga: tid boem.

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

ESAIA 3:8

Nghoid bye:- Yerusalem gi doem: abye:. Yuda gi leung gyoeb gyo" abye:. Nyangnu" tid ziyo' koid zi ja: khang" moo" gi Aseing ri thougtheung ago". Nyangnu" gi Mangsoo ri di: di: za: rue" pyam ago".

COUNG" NGHEI 78:37

Nyangnu" gi nyang: moo nheigloem: zung" mo, anghoid boem ziyo' nyang: yo' dang: theing go" to" da" khyoo: moo: we' loem: lug bang: anghoid boem.

COUNG" NGHEI 57:4

Byu shoo" zo: da" khangkhyi joem yhang: te" da" gyivoo joem wigi lheung khoem to" zi ngoo shoug" nyid. Nyangnu" da" zei joem gi lham: toid joem yo' shamcoin" yo' myoo: yhang: ti" du, wigi nyangnu" da" yhoo: joem gi tho' da" lhab' sham: ti" nghoid nyid.

COUNG" NGHEI 52:2

Nang gi gooji byo, yoin" loo" wa khyoo: soin nyheung nyid Re" da" yhoo: gi tho' da" sham: soo" yhang: ti" nghoid nyid. Nang gi mhau, fain" dang: ri khanham we' damyhu: thu nyid.

COUNG" NGHEI 12:3

O" Aseing we" mhau coung" byid: se' da" yhoo: joem ri tam" loo" nhang: we'. Se, phoug: bang: gi «Ngoonu" gi ngoonu" nya: da" dang: yo' ngoonu" civhoo: ciyo"- ngoonu" gi cimyid ri ciyo" tid wigi hang" wigi we' ngoonu" ri yo" toem too" wa zi anghoid» ga: phau: khuang nyid mo, da" nhoid ri myhed" pyam byid: we'.

COUNG" NGHEI 17:10

Nyangnu" gi nheug khyeug shoo" myen: khyoo: to" lho: phau: khoug: dang: ri tid nyid ago".

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

HOSEA 11:5

Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

MALAKHI 3:13

Aseing gi hidsu" tid nyid «Nanu" gi nga" khyoo: ri dang: thain: daja: khyo" tid nyid ago". Nghoid loug we' re" khyoo: ri ngoonu" citid bye: lha"» ga: myid nyid ago".

MALAKHI 3:14

Apyaid ato: Mangso moo" zei: nghoid loug we' ce: akyu" aboo- nyang: byid: to" da" tarha" ri cang lho: yoem: moo" bo da" Aseing Mangso shid moo khyo' nyhoem: lho: zei: so' nyid yab nghoid loug we' ce: noem jeju" boo wa lha".

COUNG" NGHEI 12:5

Aseing gi «Nghoid loug we' akhid" ngoo re" loo wa. Khasu" wim ga: ri ca" yo' sho" jhen: mo, doin: zeug zi shoug" ziyo shen" yhen zi shoug" nyid yoomo nookyeing" kyeung" nyid boem. Nyangnu" vho: nyid da" lhoug zung" shoem" goem khyoo: ri ngoo byid: wa» ga: tid nyid.

YEREMIA 42:18

«Israela da" Aseing Mangsoo tid zigi ‹Nanu" Egutu mung" khyoo: yhe: nghoid rigi nga" nheig yo: ziyo' nheig joem: yo: ziri Yerusalem voobyu yi dang moo foid shoin" byid: ziyo' dayhang: ti" nga" nheig joem: yo: zigi nanu" adang moo foid shoin" byid: wa. Nanu" gi yu" gyoug yu" lhung: sho' da" myo, jang bui" wa. Byu yigi nanu" ri juang" wigi nanu" myeing ri nheing" khoin" khyo" ci: loo goo" wa. He: joyoo ri khanham we' adoem myang goo" wa› ga: tid da:.

HOSEA 9:4

Hau: tungbau meing: joem moo nyangnu" gi Aseing ri zabyid yhid: ayo" ngei" byid: goo" wa. Nyang: ri xoin" we' ayo" ci: yhi: byid: goo" wa. Nyangnu" da" zooshug gi byu shid: yhoem: moo zoo: shug boem da" zooshug yo' dakhyo" hau: ziri zoo: bang: yugkhang" moo" gi ayung" alho' bang: bue" loo wa. Hau: ziri nyangnu" zhoo yoid bei: wa shid re" za: zooshug ca" loo goo" wa. Hau: gu: mo daja: ri we' Aseing da" Noku Yhoem: Moo" khyoo: xoin" khyo" aci: yhi: goo" wa.