HOSEA 7:15 - Lacid Common Language Bible

¹⁵ Ngoo gi nyangnu" ri khu: gyi: lho: nyangnu" ri yoem: boo nhang: yug nghoid sho' nghoid loug we' nyangnu" gi ngoo ri thougtheung gyi khau" koid da:.

HOSEA 7:15 Referans Kwoze

NAHUM 1:9

Aseing ri thougtheung wa shid re" ce: ja: phajhi" khyoug" nyid boem go" lha". Nyang: wigi nanu" ri phyo' sain" pyam wa zi nghoid. Hang" nghoid loug we' Aseing ri dalheing: mo jain" lho: ayo" thougtheung.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

HEBRE 12:5

Jhoem: mungdang: moo Mangsoo tid to" zigi " Nga" zoo: we' hau" Aseung: wigi nang ri so' koid so nyheung uri tam" gyoo: we'. Nyang: nang ri gyi koid lho: jhau" mho' nyid uri nheigloem: abyo, ayoin" loo".

2~KORINTHU 10:5

Ngoonu" gi Mangsoo ri yo" se' koung lo da" phajhi" ri lhu: keug lhu: kyo' khyoo: dangain" ri zain: said lo" boem. ngoonu" gi byu yi myid soin: khyoo: dangain" ri myeug tei" to" wigi Khristu da" dang: ri tam" gyoo: nhang: nyid boem.

Roma 1:21

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

ACTS 4:25

Nang gi re" join, phoo nghoid da- ngoonu" da" nya: phoug" David da" nhoid khoin" thui: khyo" gyeungshang: da" Venyi wigi tid to" da" mungdang: gi Tungbau byumyu" yi ci: wim wigi-nheig yo: nyid go" lha". byumyu" yi dangain" bang: gi ci: wim wigi akoem: moo phajhi" khyau" nyid go" lha".

YEREMIA 17:9

«Xangsu: byu yi da" nheigloem: ri hang" yo" tho' si wa la" Houg: yhi' mhoug fain" zigi gootu: ci: ajo, nghoid da:. Byang" gi wa shid re" age bui" loo: sho' no zi sung xo: byug bye:.

DANG: ZHOEM 3:11

Nga" zoo: we"- nang ri Aseing tid poin" uri hau: ziri goolhoo: gyo: xoem" yu wigi ato" myhid loo: kham: yu, ci: we'.

COUNG" NGHEI 94:12

Aseing we" nang khyoo" shed ziyo' nang jhau" byid: tarha" khyoo: moo cang loo" su: gi khayhi' ngilho' nyid la.

COUNG" NGHEI 62:3

Nanu" gi gyau: gyoeb leung lo" da" khyam: yhi' lang- yoem: abo da" byu dayug ri kha: yo, ju" sho' nanu" dangain" zain: go" nyid wa ein: go" la".

COUNG" NGHEI 2:1

Byumyu" yi ciyoomo tu: lhoin" wa soin' nyid go" lha". Byumyu" yigi: nyangnu" shid re" ce" akyu" we' abo da" gau" koid moo" ri cikoid soin' nyid go" lha".

YOBA 5:17

Mangso wigi jhau" shid zi shoug" su: gi ngei bu: nyid da:. Nyang: wigi nang ri nheig yo: uri nheig aphoug yoo:.

2 KHOKHAM 13:23

Nghoid loug we' Aseing gi nyangnu" ri nheig khyeug nheig myen: byid: da:. Nyang: gi nyangnu" ri asaid toem" pyam nhang: nghoid da:. Nyangnu" ri pang" thoug byid: da:. Ciwim ga: ri Abraham- Isag- Yaku yo' koid to" da" nya: dang: theing yoomo nghoid da:. Nyang: gi nya: byumyu" yiri khanham we' ato" myhed pyam nghoid da:.

2 KHOKHAM 13:5

Aseing gi Israela ri vhujhung: dayug nhang: kaid byid: da:. Hau: yug gi Suri byu yi lo, mo nyangnu" ri loid byoin nhang: da:. Houg: yoomo Israela byumyu" yigi shid phyang" yo' dakhyo" ngei pyo: yug yoo za: yo" nyid ago".

COUNG" NGHEI 140:2

Nyangnu" gi khanham we' akhyeing" ashoeb da" moo" ri dasoin' go" nyid ziyo' khanham we' myeing" myoo: yhoo: she: khyoo: joem za: lhu: pau: thu' nyid boem ago".

HOSEA 13:9

Israela byumyu" yi we"- Nanu" ri ngoo said toem" pyam wa. Houg: lang" nanu" ri hang" yo" pang" yu wa la".