HOSEA 7:14 - Lacid Common Language Bible

¹⁴ Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

HOSEA 7:14 Referans Kwoze

YAKU 4:3

Nanu" gi mho' nghoid loug we' ashau" yu nghoid ago- Khasu" wim gari nanu" da" myid soin: khyoo: agi nghoid ago- nanu" gi nyang: tu: nya: da" gung du: pyoo: wa da" khyoo: za: damho, nyid ago".

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

ZEKHARIA 7:5

Nyang: tid zigi «mungdain: mo mung" byu yi dangain" yo' khainjung yiri hidsu" ein: tid kyoo" we' lid: loo" bye: nyhed xi: zain- khau: moo lhammoo" 5 khyab yo' 7 khyab moo zoo: noem zeung: lho: ngoug khyang" fang" nyid zigi ngoo ri phoug" tab ngi: byid: khyoo: anghoid.

AMO 2:8

Nyangnu" gi sho" jhen: mo, jang" mo jhen: kham: khyo" yu to" da" byimi ri noku joyoo khang" moo" moo myhu" yhoeb ago". Nyangnu" ngei jhen: boo mo, jang" mo yu to" da" zabyid yhid: ri nyangnu" gi Noku Yhoem: Moo" khoug: moo zheung: shug boem.

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

ESAIA 65:14

Nyangnu" gi nyid pyo: wigi jikhoin" khoin" loo goo" wa. Nghoid loug we' nanu" gi nheigloem: thang wigi ngau loo goo" wa.

TARHA" AGYI 9:27

Nyangnu" dangain" bang: nyangnu" da" zabyid khyam: joem khyoo: yhe: lho: zabyid shi" joem ri yhe: phyo' yu wigi hau: joem ri zabyid yhid: koid yu lho: pui" koid ago". Nyangnu" gi nyangnu" da" yu phara" yhoem: khyoo: vang yhe: lho: houg: moo zoo: shug wigi Abimeleg ri yi juang" pyam ago".

YAKU 5:1

Yoo" mo, di mo, we' nga" da" thui: ri tam" gyoo: ge'. nanu" gi nanu" nyang: moo ju" lo nyid da" sho" jhen kyi" khyeug wa khyoo: yoomo jha" yoid ngau nyid loo: ge

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

AMO 8:3

Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.

HOSEA 13:16

Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

HOSEA 3:1

Aseing gi ngoo ri «Doem yhe: wigi jheddab su: dayug yo' myi: shoid lang shoid da" myiyi: ri jheddab myid yhe: toin" shed we'. Israela byumyu" gi gootu: yu phara" joem shoid khyoo: lheing: lo" lho: soolhoo: joem ri zabyid kyug joem ri shugbyid: boem sho' nghoid loug we' ngoo dajheddab nyid nyid shi" yhang: ti" nang we' nyang: ri jheddab ca"» ga: tid da:.

ESAIA 52:5

Akhid" Babelon moo we' dayhang: ti" za: bue" abye:. Nanu" gi thung: byu yi nghoid boem. Nanu" shid re" ciwe' abyid: nghoid ago". Nanu" ri vhoeb da" bang: gi phau: wigi byeing abyid ngoo ri aphoug" akhyoid koid ago".

THU' LO" MOUGSOUG" 32:6

Nyangnu" gi thang: nab soin: no' mo myi: nghe' xoin" shid re" yo' zoem" khau: xoin" khyoo" zoo: wa shid re" gougnyhoug ri ci: re" ago". Byumyu" yigi pui" koid wigi agyeing: asoo" loo: sho' zo: lho: shug lho: gung shoo" zoem" khoug: nyid ago".

NGOUG JI: 2:18

O" Yerusalem we"- re" vang khyam: joem Aseing jhang khyoo: yoid mho' goo" baja". Re" da" ngoug byid joem gi: gyid lang joem yhang: ti" nyid" ri myen" ri yau nyid baja". Nanya: gung nanyang: ri ngau lho: kougshu: wigi wigi joem: thang loo" nhang: we'.

HOSEA 8:2

Nyangnu" gi ngoo ri nyangnu" da" Mangsoo ga: myheing lho: nyangnu" nyang: gi nga" byumyu" yi nghoid- nyangnu" ngoo ri se' ga: tid nghoid loug we'

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

YEREMIA 12:2

Nang gi nyangnu" ri sho" to" wigi nyangnu" agyi: yug cen' re" boem. Nyangnu" yug gyi: re" wigi ashi" zei: da:.

HOSEA 13:9

Israela byumyu" yi we"- Nanu" ri ngoo said toem" pyam wa. Houg: lang" nanu" ri hang" yo" pang" yu wa la".