HOSEA 7:12 - Lacid Common Language Bible

¹² Nghoid loug we' ngoo gi goin kham: to" wigi nyangnu" lid lo" uri ngho' joem ri yhang: ti" myheig yu wa. Ngoo gi nyangnu" ri nyangnu" koid lid loo bye: da" akhyeing" ashoeb moo" zoo" joem yoomo yooboo dam byid: wa.

HOSEA 7:12 Referans Kwoze

EZEKIEL 12:13

Nghoid loug we' ngoo gi nga" goin ri pei: myu" kaid wigi hau: ze wigi nyang: ri myheig yu wa. Houg: lho: ngoo gi nyang: ri Babelon voomoo" khyoo: shu" loo" wa. Hau: joyoo moo nyang: amyang loo: shid: lo" byug wa.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

EZEKIEL 32:3

Byumyu" myoo" sho' zeing: foem: lo uri ngoo gi nang ri nga" da" goin yo' myheig yu lho: hau: goin ri nyangnu" ri gyid yam khyoo: lang: shi: nhang: wa.

EZEKIEL 17:20

Ngoo gi shoo" khaid su: da" goin ri yu myhu" lho: hau: ziyo' nyang: ri kuang wa. Ngoo gi nyang: ri Babelon khyoo: shu" lo" wigi nyang: ri hau: joyoo moo yooboo dam byid: wa. Ciwim gari nyang: gi nga" dang: ri jhug azug yoomo nghoid da:.

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

YOBA 19:6

He: ziri koid su: gi Mangsoo nghoid ziri nanu" ashau" myang goo" rhe". Nyang: wigi she' ngoo ri myhi' wa shid re" lhid thung: to" da:.

HOSEA 5:9

Yooboo dam byid: wa bidnyid gi ju" lo nyid abye:. Houg: lho: Israela gi byo, yoin" loo" wa. Israela byumyu" yi we"- he: zigi gyeing" gyeing" nyang: bue" wa.