HOSEA 7:10 - Lacid Common Language Bible

¹⁰ Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

HOSEA 7:10 Referans Kwoze

HOSEA 5:5

Israela byumyu" yi da" khuang khyoo: gi nyangnu" ri thougtheung nyho: yoid ago". Nyangnu" da" yooboo joem gi nyangnu" ri khyid: vhu" thung" lho: leung loo" nhang: da:. Houg: lho: Yuda byumyu" yi we' nyangnu" yo' dage" leung lo" ago".

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

Roma 3:11

Deingmain" tarha" ri si su: we' anyid. Mangsoo: ri noku su: we' anyid.

ZEKHARIA 1:4

Nanu" da" phoug" phyid" yi yhang: ti" akoid goo"- shid phyang" mo lapi: yigi nyangnu" ri ‹Akhyeing" khyoo: moo anyid goo"- yooboo moo" azei: goo"› ga: nga" mungdang: ri tid kyo" boem nghoid loug we' nyangnu" gi atam" gyoo: acang yhi: nghoid ago".

HOSEA 7:7

Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

YEREMIA 3:3

Hau: gang mo moug: gyid ri toem' pyam wigi xung" ri moug: zoo" agyoo" loo:. Nang gi shava myhi' yo' du wigi sho' ga: zi asi nghoid da:.

DANG: ZHOEM 27:22

Byugang: dayug ri alug shid: sho' baid nghoid loug we' nyang: moo: bo jo, da" nheig agyeung: khyoo: rigi ayo" baid thu pyam, byid: nghoid da:.

COUNG" NGHEI 53:2

Nyang: ri noku loem khoug: wa ziyo' phajhi" boo mo, hang" nghoid loug to' nyid nghoid rigi hau: ziri yu" wa shid re" Mangsoo gi mougkhung: mougdi mo wigi xangsu: byu yiri goeb yu" nyid.

COUNG" NGHEI 14:2

Aseing gi yeug mo, si mo, yo' nyang: ri loem khoug: mo, nyid la". Anyid la". Ziri si wa shid re" mougkhung: mo wigi xang: su byu yiri: goeb yu" nyid.

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.

ZEPHANI 1:6

Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.