HOSEA 6:6 - Lacid Common Language Bible

⁶ Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

HOSEA 6:6 Referans Kwoze

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

MATHE 12:7

‹Xoin" to' byid: zi anghoid- nheig khyeig da" khyoo: ri ngoo vho:› ga: da" jhoem: dang: ri nanu" se gyo: boem nghoid rigi ce: yooboo ayoo" mo, ri yooboo foin: boem wa zi anghoid.

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.

AMO 5:21

Aseing tid nyid zigi «Ngoo gi nanu" da" laloem lakhoug: pui" joem ri ngheing" bye:. Hau: ziri ngoo avhoo:.

ESAIA 1:11

Nyang: tid zigi «Nanu" ngoo ri ngei" byid: nyid boem da" xoin" hau: joem dangain" ri ngoo vho: da: ein: jhoo: go" rhe". Nanu" xoin" khyo" nghe' ngei" da" yang joem yo’ young" da" gougnyhoug joem da" xu: tho' ngoo je yo" da:. Ngoo gi nu loo: joem yang joem coidbaid joem da" suid" ri ngheing" bye:.

PHAJHI" DANG: 5:1

Noku Yhoem: Moo" khyoo: yhe: da" ziri lhid' we'. Houg: khyo: xoin" ngei" byid: wa shid re" shoid ziyo' jo ziri ase' kho' da nheig agyeing: mo yhe: yhang: ti" yhe: tho' jhau" yu wa shid re" yhe: zigi je ge da:.

YEREMIA 22:16

Nyang: gi myung shoo" bang: ri tarha" deing byeung" da" khyo" tarha" dang: phyed wigi dangain" bang: nyid gi yab ge ago". Hau: zigi Aseing ri se' da" dang: kang: nghoid da:.

MATHE 5:7

«Subi" ri nheing se' khyeig mo, gi ngilho' boem wa. Khasu" wim gari nyanu" nyang: ri Mangsoo nheig khyeig zi doem shau" boem wa.

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

YEREMIA 7:22

Ngoo gi nanu" da" phoug" phyid" yiri Egutu mo ngoo shu" thu lo uri nghe' ngei" xoin" joem yo' sen: wigi anghoid lang"- gootu: xoin" joem yo' sen: wigi we' ce: amyeing" abyid: too" kho'.

1YOHAN 3:6

Houg: su" nghoid yoomo Khristu moo nyid bang: hang" Nghoid loug we' yooboo ri axo, koid loo: nghoid da- yooboo ri daxo, nyhen" koid loo" su: hang" nghoid loug we' Yesu ri amyang asi shi" su: nghoid.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.

MIKHA 6:6

Ngoo gi Aseing ri noku yhe: uri mougkhung: moug: de Aseing Mangsoo jhang khyoo: ce: noem se' ci: yhi: wa lha". Nyang: ri myi: nghe' xoin" to' byid: wa shid re" ge thang da" nujung nu" ci: yhi: wa lha".

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

ESAIA 58:6

«Ngoo vho: da" zoo: shug jang" khyoo: gi hid: su" nghoid. Doin: zeig too" shau" bang: da" jangcoo" joem ri yo' tarha" adeingmain" da" kyoug: ri khyoid pyam' byid: wigi doin: zeig too" shau" bang: ri pyoin' kaid khyoo:.

HOSEA 2:20

Ngoo gi nga" dangsoo" ri zoem: ci: wigi nang ri nga" re" bui' nhang: wa. Houg: lho: nang gi ngoo ri re" Aseing khyo" kham: yu loo wa.

COUNG" NGHEI 50:8

Nang gi ngoo ri khanham we' re" da" joeb byeung" xoin" yo' myi nghi, xoin" ngoo ri to' byid: nyid yoomo ngoo nang ri gyikoid wa zi anghoid.

MARKU 12:33

Houg: lang" byu gi Mangsoo: ri nya: ung: khoug nheigloem: dangain" yo' nya: nheigloem: E" myed dangain" yo' gungdu: yoem: so' dangain" yo' jheddab ca" ga; ziyo' yhoem: kyoo: cang" ri nyang nya" gung yo' dakhyoo" jheddab ca" ga: da" a myeing" tarha" eig khoin" ri-tam" gyo: zigi Mangsoo ri ngei" byid: da" xoin" dangain" tho' moo je gyi: nyid. xoin" du: joem yo' xoin"- ga: tid.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.