HOSEA 6:11 - Lacid Common Language Bible

¹¹ Houg: lho: nanu" Yuda byumyu" yi shid re" nanu" koid nyid da" moo" yoomo nanu" ri ngo wigi yooboo dam byid: wa ayo, dayo, soin' too" byid: bye:.

HOSEA 6:11 Referans Kwoze

YOELA 3:13

Nyangnu" gi gye" akhyeing" ashoeb yoomo nyangnu" ri gug yham" yo, mo gug ri yhang: ti"- yham" pyam we'. Zabyid pyeig jang: xoem: mo zabyid yhid: byeung" shoin: lo" yhang: ti"- nyangnu" ri pyeig pye" pyam ge'.

YEREMIA 51:33

Da so' zoo: moo gyivoo yigi thoug khyo' pyam wigi nyangnu" ri gug nang: jang: moo gug ri yhang: ti" nang: nhe" pyam boem wa. Israela da" Mangsoo- myhang: thang Aseing ngoo tid too" bye:» ga: tid.

YOBA 42:10

Houg: lho: Yoba gi nya: da" byencang" soem" yug shid re" akyu" bain mho' byid: thang: ri Aseing gi nyang: ri dalheing: doem nyid gi yab ge yoo" zoo: yoo" shug nhang: lho: shid phyang" nyang: lhoung yo" lid: lo tho' eig boem doem byid: da:.

Pang Shug 14:15

Mouglagyoo: gootu: dayug gi noku yhoem: moo" khoug: mo thu' re" lho: jhoem: phyu: thei" atho' moo zhoung: jo, su: ri " Moug: myid tho' moo gug myeung jo, bye: yoomo gug yham" yo, ju" bye"- re" da" gyen: goem: ri ci: tho:- gug yham" re',, ga: thui: zeing yo' nyho: kaid.

ZEPHANI 2:7

Deung nyid shi" da" Yuda byumyu" yigi nanu" da" mougmyid ri lhoid yu pyam boem wa nghoid. Nyangnu" gi hau: moug: moo coidbaid kaid yang kaid jang: bui" nhang: pyam wa zi nghoid. Nyangnu" da" Aseing Mangsoo gi nyangnu" yo' dage" nyid lho: ngei pyoo: myenjham" nhang: wa zi nghoid.

MIKHA 4:12

Nghoid loug we' he: byumyu" yigi Aseing da" nheigloem: moo cenoem bo ziri asi' nghoid ago". Gug shi"- Lamei shi" nang: wa shid re" vu, boem to" yhang: ti" Aseing wigi nyangnu" ri yooboo dam kaid wa shid re" dage" zheung" boem too" wa ziri nyangnu" aboin: goo" nghoid da:.

COUNG" NGHEI 126:1

Aseing gi ngoonu" ri Yerusalem voomoo" khyoo: doem: shu" tau" lo" da" uri houg: gi yhoeb mo, ti" za: nghoid.

COUNG" NGHEI 85:1

Aseing we" nang gi re" da" mougmyid ri nheug khyeug nyid. Israela byumyu" yiri dalheung: doem nyid gi yab gi nhang: loo bye:.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.