HOSEA 6:1 - Lacid Common Language Bible

¹ Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

HOSEA 6:1 Referans Kwoze

TARHA" TID POIN" 32:39

«Ngoo- ngoo nyang: kyeing" za: Mangsoo nghoid. Gootu: yu phara" gi Mangsoo anghoid. Ngoo gi said pyam wigi ngoo gi kangso' byid: su: nghoid. Ngoo gi dam tab byid: ziyo' dam ri gi nhang: nyid. Ngoo koid ziri hang" we' ayo" ngeug thug pyam wa.

YOBA 5:18

Mangsoo gi nyang: wigi tab da" dam ri doem thoeb byid: da:. Nya: lo, wigi nang ri dam noo nhang: wigi nya: lo, wigi dam gi nhang: da:.

1 SAMUELA 2:6

Aseing gi said pyam ziyo' kangso' ri doem byid: nyid da:. Nyang: gi byumyu" yiri moovo moug: khyoo: nhang: kaid wigi houg: bang: ri doem shu" yu nyid da:.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

YEREMIA 30:17

Ngoo gi nanu" ri goolhoo' za: doem koid wa. Nanu" gyivoo yi «Ziun gi tungbau nghoid abye:- nyang: ri hang" ci: asoin: loo» ga: tid sho' nghoid loug we' Ngoo gi nanu" dam ri byang" gi byid: wa. Ngoo Aseing tid too" bye:».

ESAIA 2:3

nyangnu" da" mung" byu yigi «Ngoonu" gi Aseing da" bouggung khyoo: do, lo" lho: Israela Mangso da" Noku Yhoem: Moo" khyoo: do loo" shang Nyang: ngoonu" ri jhau" shed loo wa. Nyang: khyen: to" da" khyoo: moo ngoonu" so" loo wa. Ciwim gari Aseing da" jhau" shid khyoo: gi Yerusalem moo ju" re" lho: Nyang: gi nya: byumyu" yiri Ziun mo dang: tid nyid.

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

YEREMIA 50:4

Aseing tid zigi «Hau: ayo, ju" loo lang" Israela yo' Yuda byu yigi ngougbyid ngougnhab yo' nyangnu" Mangsoo ngoo ri sho: loo goo" wa.

YEREMIA 3:22

Aseing mo lheing: phug loo" bang: nanu" dangain" doem tau" loo we'. Nyang: gi nanu" noo byang" byid: lho: jhug zug nhang: loo wa. Nanu" tid zigi «Nghoid bye:. Nyang: gi ngoonu" da" Mangsoo nghoid yoomo ngoonu" gi Aseing jhang loo" wa.

ESAIA 30:26

Lhammoo" gi bid yhi' bang loo wa. Bid gi nyhed nyid zho: zi danyid" za: zho: yhang: ti" goonham' zho: da" tho' nyhed zhang je zho: loo wa. Nya: byumyu" ri nyang: tab to" da" dam khoo: joem ri Aseing bacu' thoeb byid: wigi byang" byid: uri he: gu: dangain" bue" loo wa nghoid da:.

YEREMIA 33:5

Byu dayham" gi Babelon byu yiri gyi koid wigi khaid zain: loo goo" wa. Houg bang: gi yhoem: joem moo ngoo nheig joem: yo: wigi ngo wigi said khyo' pyam wa nghoid bang: da" manggung joem yo' byeung" sho' koid loo goo" wa. Byumyu" yi koid boem da" akhyeing" da" moo" zoo" joem gang mo he: voomoo" moo ngoo phug lo" byug bye:.

COUNG" NGHEI 30:7

Aseing we" nang gi nga" tho' moo gye" ge nyid. Boem tho' mo gyidab, yhang: ti" ngoo ri lhoug zung" byid: nyid. Nghoid loug we' nang nga" jang" mo myonhoo: goo" khyoo: lheung: loo" lang" gi ngoo gyoug dain' zi shoug" nyid.

YEREMIA 30:12

Aseing gi nya: byumyu" yiri «Nanu" da" dam joem gi age byang" nghoid da:. Nanu" da" noo dam joem gi ayo" byang" gi nghoid da:.

ESAIA 30:22

Ngei yo' sheing: wigi thoeb to" da" nanu" da" yu phara" soolhoo: joem ri nanu" yu wigi «Tho"- ngoo amyang jang khyoo:» ga: nyho: wigi anyhoin: athung" ziri yhang: ti" she: lhei" pyam goo" wa.

ZEPHANI 2:1

Sho' ase' da" byumyu" we" re" zeing: foem: nyid ge'.

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.

YOBA 16:9

Mangsoo nheig yo: wigi ngoo ri agang gang lang: khyam" pyam bye:. Nyang: gi ngoo ri ngheing" ziyo' zhug yu" nyid da:.

COUNG" NGHEI 6:2

O" Aseing ngoo gi myoung: dau yoem: nu: su: nghoid nyid wigi ngoo ri nheig khyeug shoomyen: shi" we'. Yoem: dajhi' we' aboo loo: yoomo ngoo ri yoem: byid: shi" we'.

COUNG" NGHEI 71:20

Nang gi yau: khi" phu" zo: khyoo: yo' gyoug nain" khyoo: ri nga" tho' moo: thoung" shoug" nhang: nghoid loug we' Loeb duang: khoug: mo we' nang ngoo ri khyoid yu wa zi nghoid.

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

ESAIA 17:7

Hau: bidnyid ju" loo lang" byu yigi Israela da" gyeung" shang: Mangsoo- nyangnu" da" phain" so: su: shoid khyoo: pang" thoug wa shid re" phug loo goo" wa.

YEREMIA 33:6

Nghoid loug we' he: voomoo" ri yo' hau: da" voobyu yiri byang" byid: wigi nyangnu" ri doem yang" zain: loo nhang: wa. Ngoo gi nyangnu" ri agoin agoo" ngei pyo: yug yo ziyo' goem loem khyoo: ci: shug byid: wa.

YEREMIA 50:5

Ziun khyoo: yhe: da" khyoo: ri nyangnu" myid: loo goo" wa. Houg: lang" hau: shoid khyoo: yhe: loo" goo" wa. Nyangnu" gi apyaid atoo: dang: theing ri ngoo yo' koid loo goo" wa. Hau: ziri khanham we' nyangnu" aphyo' shoin' pyam wa.

NGOUG JI: 3:11

Nyang: gi ngoo ri khyoo: moo cang khaid lo wigi ngoo ri ajab, amoin" bui" sho' lang: khyam" lho: too" khare".

HOSEA 11:10

Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

XOIN" NGEI" 14:48

Yhoem: ri byilaid yo' doem nyheing pho: pyam thang: khainjung yhe: yu" uri mhoug" jung" atoo' loo: yoomo nyang: gi hau: yhoem: ri thung" khyo" younglho' bye: ein: tid fu" wa zi nghoid. Ciwim gari mhoug" jung" ri bain sho' yu pyam bye: da:.

2 KHOKHAM MHOOMYID: 30:6

Lagyoo: yigi khokham yo' nya: gyizoug: yi da" amyeing" ri ci: wigi Yuda mung" dangain" yo' Israela mung" dangain" khyoo: vhoo: moo lhid" to" da" khi: lhid" ri voin wigi yhe: lo" ago". Khi: lhid" moo «Israela byu yi we" nanu" gi Asuri lo, mo mungdain: moo nyid deing nyid bang: nghoid. Akhid" Abraham- Isag- Yaku da" Aseing Mangso jhang tau" lo ge'. houg: lang" nanu" jhang nyang: doem phug loo wa.

YOBA 22:23

Nghoid bye:- nang gi nyhoem: khyo, ziyo' Mangso jhang doem tau" loo ca" da:. Houg: lho: re" yhoem: khoug: moo koid da" akhyeing" moo" dangain" ri to" pyam ca" da:.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.