HOSEA 5:8 - Lacid Common Language Bible

⁸ Gibea moo: gyi khaid yhi: wa shid re" laboo" mhoid kaid we'. Rama moo: gyi ri tid poin" da" thui: ri khyo' kaid ge'. Bethaven moo meing: zain: wa yoem: kaid thui: ri myhang: kaid ge'. Benyamin kung: mo yuggi yi we"- gyi khaid yhi: we'.

HOSEA 5:8 Referans Kwoze

HOSEA 9:9

Nyangnu" gi Gibea moo yo' dakhyo" nyangnu" koid moo" moo myid byu jang: aboo loo: sho' akhyeing" ashoeb nghoid ago". Mangsoo gi nyangnu" da" yooboo xoem" ci: wigi hau: gang mo nyangnu" ri yooboo dam byid: loo wa.

HOSEA 4:15

Israela byumyu" nanu" gi ngoo ri jhug azug goo" nghoid loug we' Yuda gi houg: yo' dakhyo" yooboo ayo" baja". Gilgala moo we' Bethaven moo we' ano' goo". Hau: joyoo mo dei nyid da" Aseing myeing ri dangsoo" atoo" goo".

YOELA 2:1

Mangso da" gyeung" shang: bouggung Ziun tho' moo gyi: poin" da" laboo" ri moid kaid loo ge'. Yuda byumyu" yi we' nain nyid ge'.- Aseing da" bidnyid gi jhang loo bye:.

YEREMIA 4:5

Damung" goin" moo laboo" moid kaid ge' Thui: zeing yo' jang jang za: nyhoo: we'. Yuda yo' Yerusalem mo byu yiri gyi pyuzung- vang khyam: kyam' to" da" voomoo" joem Khyoo: tang" phang: wa shid re" tid kyoo" we'.

1 SAMUELA 15:34

Hau: thang: Samuela gi Rama khyoo: lo" wigi khokham Sholu we' Gibea mo nya: yhoem: khyoo: loo" bye:.

HOSEA 8:1

Aseing gi «Gyi tid poin" thui: ri myheing kaid we'. Gyivoo yigi zoin bung yo' dakhyo" da" mougmyid moo dang: gyoo" re" nyid ago". Nga" byumyu" yigi ngo wigi nyangnu" yo' koid to" da" dang: theing ri phyo' shoin' pyam lho: ngoo jhau" shed ziri thougtheung gyi koid pyam ago".

ESAIA 10:29

Nyangnu" gi koo lhang ri lid phyed yhe: lho: myen" ri Geba voo moo yhe: theing: nyid ago". Rama voogung moo nyid boem da" byu yigi gyoug pyam ago". Khokham Sholu da" voogung Gibea voobyu yigi tang" phang: byug ago".

TARHA" AGYI 5:14

Nyangnu" gi Ephrim mo zi janggyoin: khyoo: ju" re" ago". Benyamin kung: yo' hau: byumyu" yi nungthang moo nghoid da:. Gyi zoug: moo" yigi Makhira mo gyoo" lo da:. Gyizoug: yigi Zebulun- mo gyoo" lo da:.

YOELA 2:15

Ziun boem tho' mo laboo" ri moid kaid ge'. zoo: noem jang" wa amyeing" byid: lho: byu phung: foem: wa zi khe: kaid we'.

HOSEA 10:5

Samari voomoo" moo nyid da" byu yigi gyoug lho: Bethaven mo sheing: nujung loo: byug wigi koug ngau loo goo" wa. Hau: nujung loo: ri dei byid: nyid da" nyangnu" yo' khainjung yigi hau: gang mo khau" ngoug loo goo" wa. Hau: da" sheing: phung bang khyeug pyam uri nyangnu" gi kougshu: yoid: ngoug loo goo" wa.

YEREMIA 6:1

Benyamin byumyu" yi we"- goem loem khyoo: yo" yu wa shid re" tang" phang: we'. Yerusalem mo phang: loid loo" ge'. Tekoa moo laboo" moid wigi Bed Hakherem moo: myi: moid lho: asoo" byid: ge'. Byo, yoin" ziyo' phyo' shoin' zigi mougzhung: shoid khyo" gyoo" lo nyid abye:.

1 KHOKHAM 12:29

Nyang: gi sheing: nuloo: soolhoo: joem mo dadu: ri Bethela moo to" to" wigi Dan moo dadu: to" to" da:.

2 SAMUELA 21:6

Houg: yoomo nya: akung: mo yug gi zoo: nyhed yug ab byid: ge'. Aseing: khyen: yu bye: khokham Sholu da" Gibea voogung moo Aseing da" shidkhoin" moo nyangnu" ri lhang" too" wa» ga: tid. Khokham gi «Ngoo nyangnu" ri ab byid: wa» ga: tid.

1 SAMUELA 8:4

Hau: thang: Israela byumyu" yi da" vhujhung: yi dangain" coem' zeung: foem: boem wigi Rama moo nyid da" Samuela jhang khyoo: yhe: wigi

1 SAMUELA 7:17

Hau: thang: ri nyang: gi Rama voogung mo nya: yhoem: khyoo: lo" wigi houg: moo we' tarha" agyi moo" zoo" ri lo" zei: nyid da:. Rama voogung moo we' Aseing shid re" xoin" to' phoin: daloem: ri we' nyang: koid too" bye:.

YOSHU 7:2

Yoshu gi Yerikho mo byu dayham" ri Bethela bidthu shoid Bethaven voo nam mo Ai voomoo" khyoo: hau: mougmyid ri yhe: jooyu" wa shid re" amyeing" byid: lho: nhang: kaid da:. Nyangnu" hougsu" bain koid lang"

AMO 3:6

Voo byu yiri agyoug dain nhang: loo: za: voomoo" khoug: moo gyi khe: da" laboo" lhoung moid yu" boem la". Aseing wigi akoid kaid ri voo khoug: moo yau: khe" kyi" khyeug moo" lhoung thu lo yu" la".