HOSEA 5:14 - Lacid Common Language Bible

¹⁴ Ngoo gi Israela yo' Yuda byu yiri khangkhyi dadu: yo' dakhyo" khaid zain: wa. Nyangnu" ri ngoo nyang: nyang: wigi adu du lang: ceig pyam lho: nyangnu" ri too" khoo' wa. Nyangnu" ri ngo wigi she: khyoid lo" ri hang" wigi we' ayo" khoid yu wa.

HOSEA 5:14 Referans Kwoze

MIKHA 5:8

Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.

COUNG" NGHEI 7:2

Hougsu" anghoid ri nyangnu" gi khangkhyi yhang: ti" ngoo ri hang" we' ayo" khyoid yu lo: da" joyoo moo she: khyoid lo" lho: hougmoo: ngoo ri adu atoem koid ngaid ceung pyam goo" wa zi nghoid.

COUNG" NGHEI 50:22

Ngoo ri: asi, goin koid su: nang we' he: da" dang: khoin" ri tam" gyo: yu" we'. Hougsu" anghoid rigi ngoo nanu" ri lhu: phyo' sain" pyam, byid: wam: bye:. Nang ri khyoid yu wa zi dayug we' nyid loo: wa zi anghoid.

AMO 2:14

Gye" yo" tang" mo, lang" gi ayo" phang: loid loo" goo" wa. Yoem: boo mo, we' nyangnu" da" yoem: goin byug goo" wa nghoid. Hau: lho: gyizoo: yi we' nyang: da" kangso' ri ayo" khyoid yu goo" wa.

ESAIA 5:29

Gyizoo: yigi gougnyhoug dadu: ri yo" ngaid boem da" khangkhyi joem yhang: ti" hung: wigi hang" we' hau joem lo, mo ayhe: yo" yu nghoid ago".

NGOUG JI: 3:10

Nyang: gi voem, dadu: yhang: ti" ngoo ri lhoem: nyid wigi nyang: gi khangkhyi dadu: yhang: ti" nga" tho' moo: byam ne' da:.

YOBA 10:16

Ngoo oung: doid zi dayo" yu nghoid rigi Nang gi ngoo ri khangkhyi yo' dayhang: ti" kuang pyam da:. Ngoo ri dam yo" tab wa shid re" nang gi mau" pho" moo" koid da:.

YOBA 10:7

Ngoo yooboo ayo" ziyo' ngoo ri hang" wigi we' re" lo, mo ayo" khyoid yu ziri nang se' da:.

TARHA" TID POIN" 28:31

Nanu" nu: joem ri nanu" shidkhoin" moo said nghoid loug we' nanu" gi hau: shoo" ri dajhi' we' ashau" zoo: wa. Nanu" yu" nyid uri nanu" loo zei: joem ri she: lo" boem wigi nanu" ri hau joem adoem tau" byid: wa. Nanu" yang joem ri nanu" gyivoo joem ri byid: pyam wigi nanu" ri pang" thoug wa dayug we' anyid wa.

YEREMIA 25:38

Khangkhyi: gi nya: lug-ug ri she: pyam pyam yhang: ti" Aseing gi nya: byumyu" yiri she: pyam bye:. Yu" gyoug yu" dain sho' da" gyipui" yo' Aseing da" thain: da" nheig yo: zigi mungdain: ri dain" pyoid yoo bui" nhang: bye:.

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

TARHA" TID POIN" 32:39

«Ngoo- ngoo nyang: kyeing" za: Mangsoo nghoid. Gootu: yu phara" gi Mangsoo anghoid. Ngoo gi said pyam wigi ngoo gi kangso' byid: su: nghoid. Ngoo gi dam tab byid: ziyo' dam ri gi nhang: nyid. Ngoo koid ziri hang" we' ayo" ngeug thug pyam wa.

HOSEA 2:12

Nya: da" vho: ngei bang: ri nyang: wigi dei byid: da" aphoug" khyo" nyangnu" wigi byid: to" zi nghoid ga: tid da" nya: zabyid nei joem yo' nya: lafoem shigam joem ri ngoo phyo' shoin' pyam byid: wa. Ngoo gi nya: da" zabyid khyam: joem yo' shi" khyam: joem ri siyoo bui" nhang: pyam wa. Siyoo gougnyhoug joem wigi hau: gu: ri phyo' shoin' pyam byid: loo wa.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.