HOSEA 4:16 - Lacid Common Language Bible

¹⁶ Israela byumyu" yigi Loo kung" joem yo' dakhyo" nheigloem: thain: ago". Ngoo gi nyangnu" ri khasu" koid wigi yang joem ri yo' dakhyo" mhain" yoo moo yo" zhoo" wa lha".

HOSEA 4:16 Referans Kwoze

ZEKHARIA 7:11

Hougsu" nghoid loug we" nga" byumyu" yigi atam" gyoo: loo: nukhyab jhid ci: ago". Nyangnu" gi nyangnu" da" nheigloem: khoem" myhid" to" lho:

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

YEREMIA 8:5

Houg ri nga" da" byumyu" nanu" gi nga" jhang adoem phang: toug" loo loo: za: ciwim yoomo nga" jang" mo phang: loo" nyid go" la". Nanu" gi nanu" da" soolhoo: joem khyoo: nheig dab wigi nga" jhang alheing: tau" loo nghoid ago".

YEREMIA 7:24

Nghoid loug we' nyangnu" gi acang atam" gyoo: nghoid ago". Hau: gungthid nyangnu" gi nyangnu" da" nheigloem: thain: ziyo' akhyeing" da" myid wigi nyangnu" ri koid nhang: da" ci ri we' koid lho: nyangnu" gi je ge loo wa gungthid je agi loo dam xo: lo" ago".

YEREMIA 5:6

Hougsu" yoomo siyoo mo khangkhyi gi nyangnu" ri said pyam loo wa. Dain pyoid yoo mo zeigni joem gi nyangnu" ri adu du ngaid phyed ceig pyam loo wa. Houg: lho: zooloo: joem gi nyangnu" da" voogung joem moo shoo: zo: lam" yen" loo goo" wa. Hau: byumyu" yi so" thu lo" nghoid rigi nyangnu" agang gang lang: khyam" pyam zi shoug" wa. Ciwim gari nyangnu" da" yooboo joem gi sung myo: wigi Dalheing: thang: dalheing: nyangnu" gi Mangsoo mo lheing: thu lo" ago".

YEREMIA 3:11

Hau: thang: Aseing gi ngoo ri Israela gi nyang: mo lheing: phug loo" nghoid loug nyang: gi jhug azug da" Yuda tho' je ge shi" khyoo: ri ci: shug da:.

YEREMIA 3:8

Nyang: gi hougsu" ngoo mo phug lo" wigi shava myhi' bue" byug da" gang mo Israela ri ngoo kang" pyam wigi phang: nhang: pyam bye: ziri we' Yuda shau" myang da:. Nghoid loug we' Israela da" jhug azug da" bi: nhung" Yuda gi agyug nghoid da:. Nyang: we' shava myhi' bue" re" wigi

YEREMIA 3:6

Yoshia khokham bue" nyid uri Aseing ngoo ri «Hau: jhug azug da" myiyi: Israela cikoid ziri nang shau" myang bye: rhe". Nyang: gi nga" jang" mo phug lo" wigi myhang: da" bouggung khang" moo" dang moo yo' nyau young" da" seiggam yoeb khang" moo" moo nyang: gi shava myhi' yhang: ti" koid da:.

ESAIA 22:18

Nyang: gi nang ri bo: lung" yhang: ti" koid: yu wigi je gyi: da" mungdain: khyoo: du" zei kaid wa. Nang gye" ngi: shab lo da" gyi myang rheing" joem anam moo shid: loo wa. Nang gi re" aseing: da" yhoem: byu yiri ngi: yoem" nhang: da:.

ESAIA 5:17

Byu yoin" jo, da" voomoo" joem mo yang nu" joem gi mhain" lham" zo: wigi coidbaid nu" joem gi mhain" yoo' se' sho: loo goo" wa.

1 SAMUELA 15:11

«Ngoo Sholu ri khokham koid nhang: zi gye" nheig koug bye:. Nyang: gi nga" jang" mo nung phug lo" wigi nga" amyeing" ri we' atam" gyoo: nghoid da» ga: tid. Samuela gi nheigloem: yoin wigi damyen goin" Aseing jang" moo mho' yoid nyid da:.

XOIN" NGEI" 26:33

Ngoo gi nanu" adang moo: meing: byo, nhang: wa wigi nanu" ri tungbau meing: khyo: byo: sain" loo" nhang: wa. Nanu" mougmyid gi jham" coug: youg bui" byug wa. Nanu" da" voomoo" joem gi byo, yoin" jo, boem goo" wa nghoid.

COUNG" NGHEI 78:8

Gyivoo joem yo' atam" gyoo: bang- Mangsoo ri loem" jeung" khyoo: moo khanham we' ageung: teing mo, yo' nyang: moo: nheigloem: azoung" da" nyangnu" phoug" phyed yi yhang: ti" Nyangnu" gi bui" loo: wa nghoid

ESAIA 30:23

Nanu" da" myoug: shi" joem ri sain" kaid khang" mo"- hau: joem ri yug nhang: wa shid re" Aseing gi moug: voo nhang: wigi myoo" sho' yhoem" yu nhang: wa. Nanu" da" gougnyhoug joem gi coung" yoo agoin agoo" yoo" wa.

YEREMIA 31:18

«Israela byu yigi koug wigi tid da" dang: ri ngoo shau" gyo:. Hau: zigi ‹Aseing we"- ngoonu" gi mi" sho' ajhau" to" da" gougnyhoug yo' du da:. Nghoid loug we' nang ngoonu" ri tid dang: tam" gyoo: wa jhau" byid: bye:. Ngoonu" ri doem shu" tau" loo" la. Ngoonu" gi nang ngoonu" da" Aseing Mangsoo jhang doem tau" loo wa jen" jen" nghoid.

HOSEA 10:11

Israela gi goonham' dalheing: gug nang: wa jen" jen" nghoid sho' jhau" too" bye: da" nu bam nu" yo' du lo ago". Nghoid loug we' ngoo gi nya: da" yung" da" leung zeung: moo kyoug: tab lho: nhoo: shu' cu' byid: ziyo' je yau: da" moo" moo ci: wa myid phyed bye:. Ngoo gi Yuda ri yoothung" phug nhang: lho: Israela ri kyi pa: ri shi: nhang: bye:.

HOSEA 11:6

Nyangnu" voomoo" joem moo meing: zain: zi dang: gyo" lo wigi voomoo" vang khyam: khoem" moo" duang: ri phyo' khyo' pyam byid: loo wa. Nga" byu yigi nyangnu" myid moo ge thang ga: myid ziri koid da" gang mo hau: ze wigi nyangnu" ri said toem" pyam wa.