HOSEA 4:10 - Lacid Common Language Bible

¹⁰ Nanu" gi nanu" da" xoin" joem mo gamboem joem ri zoo: nghoid loug we' zoo dayoid nyid shi" goo" wa. Nanu" gi myo: je: ri" wa da" yu phara" joem ri no' nghoid loug we' zooshang: ayoo" bue" nyid shi" goo" wa. Ciwim gari nanu" gi ngoo mo gang: lain lo" wigi yu phara" gootu: jang" moo cang lo" ago"» ga: tid da:.

HOSEA 4:10 Referans Kwoze

MIKHA 6:14

Nanu" gi voem: zo: nghoid loug we' agyi: wa gyeing" nyang: nanu" gi zoo za: dayoid nyid shi" goo" wa nghoid. Nanu" gi ziyoo joem yo' de" loo" goo" nghoid loug we' ashau" seung: ci: boem wa. Nanu" gi yo" seung: ci: boem nghoid loug we' ngoo wigi meing: zain: jang: moo phyo' shoin' pyam byid: wa nghoid.

XOIN" NGEI" 26:26

Ngoo gi nanu" ri pang" thoug da" zoo: noem ri phyed pyam byid: wa. Houg: lang" myiyi: daxi yug gi nyangnu" ca" da" zooyho' dangain" ri koid wa shid re" zooyho' bung: myikhyoem daloem: za: daca" goo" wa. Nyangnu" zoo: noem ri kho' gam byid: ca" goo" wa. Hau: gu: dangain" ri nanu" bain zo: pyam thang: ri nanu" zoo dayoid nyid shi" goo" wa.

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

ZEPHANI 1:6

Ngoo gi nga" jang" moo acang loo: doem tau" loo" bang: ngoo ri acang shoo: bang: anghoid lang" nyangnu" ri khyoo: shid wa shid re" akyu" amho' bang: dangain" ri phyo' shoin' pyam wa nghoid.

HOSEA 4:14

Nghoid loug we' ngoo gi nyangnu" ri he: moo" yoomo yooboo dam abyid: wa. Ciwim gari nanu" nyang: we' noku yhoem: mo shava myhi' joem yo' zoem" yen" ago". Houg: lho: nanu" gi nyangnu" yo' dage" tungbau yu phara" joem ri xoin" ngei" byid: ago". Dang: zhoem' moo ‹Myid lasi abo da" byumyu" damyu" gi byo, yoin" lo" wa› ga: tid to" da:.

EZEKIEL 18:24

«Nghoid loug we' tarha" deingmain" su: dayug ge ziri akoid loo za: theing: pyam wigi akhyeing" bang: koid da" akhyeing" moo" yo' aco' ajhoid moo" dangain" ri koid shid" lo nghoid rigi nyang: hougsu" yo" xo' dei nyid wa la". Ayo" dei nyid wa Nyang: koid bye: da" ge khyoo: daja: ri we' axoem" too" byid: wa. Nyang: gi shid: loo" wa. Ciwim gari nyang: jhug azug ziyo' nya: yooboo joem: yoomo nghoid.

DANG: ZHOEM 13:25

Deing: byeung" da" byu yigi gyi: sho' shoug" zo: nyid. Nghoid loug we' akhyeing" ashoeb bang gi khanham we' zooyoid, gyid dashed nyid ago".

COUNG" NGHEI 125:5

Nghoid loug we' akhyeing" ashoeb bang: ri nang dam kaid byid: nyid da" uri re" khyoo: mo vhang: loo" mo, ri we' dam bo kaid we'. Ngei pyo: myenjham" khyoo: gi Israela yo' dage" dajo, jo, baja" o".

COUNG" NGHEI 36:3

Nya: da" tid sang: dang: gi akhyeing" ashoeb ziyo' mhau, fain" dang: yo' byeung" jo. Nyang: gi phajhi" bo khyoo: yo' ge lho, khyoo: ri dajhi' we' akoid yu.

2 KHOKHAM MHOOMYID: 24:17

Nghoid loug we' Yehoiada shid yo' Yuda vhujhung: yigi nyangnu" dang: ri tam" gyoo: byid: wa shid re" khokham Yosha ri mhid" phyo' yu ago".

YEREMIA 34:15

Akhid" eig soem" nyid" gyoo: moo za: nanu" myid doem thid pyam wigi ngoo ri vho: ngei nhang: da:. Nanu" dangain" bang: gi ngoo ri noku da" joyoo Noku Yhoem: Moo" nga" shidkhoin" moo nanu" da" Israela mang: nhung" yiri nhang: kaid byid: wa myid veing" khyoo: koid abye: go".

EZEKIEL 22:9

Re" da" byu dayham" gi subi" ri yo" said pyam nhang: wa shid re" mhau' dang: tid ago". Nyangnu" mo dayham" gi yu phara" soolhoo: joem ri ngei" byid: da" xoin" joem ri zo: boem. Dayham" bang: gi nyangnu" mhain: khyoo: ri khanham we' nheugdeug sho' koid nyid ago".

HOSEA 7:4

Nyangnu" dangain" gi mhau' fain" ziyo' jhug azug mo, nghoid ago". Nyangnu" da" ngheing" zigi myikhyoem moo" mo myi: yo' du da:. Hau: myi: gi zooyho' bung: su: zooyho' bung: wa jen" jen" nghoid sho' alhu: zhang" kaid da" myi: yo' du da:.

YEREMIA 9:12

Ngoo gi «Aseing we"- hau: mougmyid gi ciwim yoomo byu alid: da" dain" pyoid yoo yhang: ti" jham" coug: youg bue" byug loug la". He: ziri yo" se' gyoo: sho' hang" phajhi" se' la". Subi gootu: ri doem yo" xo' tid kyoo" wa shid re" hang" ri nang tid kyo" yu" la"» ein: myid: bye:.