HOSEA 2:7 - Lacid Common Language Bible

⁷ Nyang: gi nya: vho: ngei bang: jang" khyoo: cang khaid yhi: wa nghoid loug we' nyangnu" ri cang myhi: wa zi anghoid. Nyang: gi nyangnu" ri cang sho: nghoid loug we' nyangnu" ri ashoug" wa. Hau: thang: nyang: gi «Ngoo gi xang: shi" mo nga" yhoem: seing: pho jang" khyoo: doem tau" loo" wa. Ngoo gi nyang: yo' dage" nyid zigi akhid" tho' mo je ge da» ga: tid loo wa.

HOSEA 2:7 Referans Kwoze

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

EZEKIEL 23:4

Nya: be da" myeing gi Ohola ga: zi nghoid. (Nyang: gi Samari da" gungthid nghoid). Nya: nhung" yug da" myeing gi Oholiba ga: zi nghoid. (Nyang: gi Yerusalem da" gungthid nghoid). Ngoo gi nya: eig tang: goin" ziri lo, xo' yu wigi nya: eig tang: ngoo ri zooshang: khu: byid: da:.

YEREMIA 14:22

Byumyu" yi da" yu phara" soolhoo: joem kha: zi we' moug: ri ayo" voo nhang: nghoid da:. Mougkhung: gi nyang: nyang: kyeing" lid jhoem" moug: ri ayo" voo nhang: nghoid da:. Ngoonu" gi nang moo myid byu nyid boem o" ngoonu" Aseing Mangsoo we"- Ciwim ga: ri he: gu: ri nang koid da:.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 5:15

Ngoo gi nga" byumyu" ri nyangnu" nya: yooboo yoomo gi" sho' yooboo dam kham zo: lho: ngoo ri sho: boem da" ayo, ju" sho' she: pyam too" wa. Nyangnu" da" kyi" khyeug khoug: mo nyangnu" ngoo ri sho: loo goo" abe» ga: tid.

DANIELA 5:21

Nyang: gi byu xangsu: phung: mo khaid thu pyam zi shoug" lho: nya: da" nheigloem: gi gougnyhoug dadu: da" nheigloem: yo' dayhang: ti" bue" byug da:. Nyang: gi loo zei: lam" joem yo' dage" nyid wigi nuloo: dadu: yhang: ti" vufu" zo: lho: nghain: goo joem ajo, da" jang: pa: moo yhoeb da:. Lo" thang moo nyang: gi byu xangsu: da" mungdain: dangain" ri gyi: sheung: myhang: thang da" Mangso wigi vhoeb lho: nyang: byid: wa khyen: too" bang: kha: yug ri we' yo" byid: pyam ga: ziri yhen: yu da:.

DANIELA 4:32

Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

EZEKIEL 23:22

Oholiba we"- akhid" ngoo yoem: moo" bo Aseing nang ri tid nyid. Nang ri re" jheddab bang: gi ngheing" byug abye:. Nghoid loug we' nyangnu" gi nang ri nheig yo: wigi nang ri lheing khoem too" sho' ngoo koid nhang: wa.

EZEKIEL 20:32

Nanu" gi gootu: mungdain: joem yhang: ti"- gootu: mungdain: mo nyid lho: seiggam yo' lugboem joem ri no' da" gootu: byumyu" yi yhang: ti" du nau ga: myid phyed to" ago". Nghoid loug we' hau: zigi khanham we' bui" wa anghoid.

EZEKIEL 16:18

Nang gi nang ri ngoo byid: to" da" za: thau" byimi joem ri yu wigi hau: joem ri soolhoo: joem atho' moo yhe: ke" to" da:. Houg: lho: nang gi nang ri ngoo byid: to" da" zhainloin: xu: yo' nam pyo: xu: joem soolhoo: joem ri ngei" byid: da:.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

YEREMIA 31:32

Ngoo gi nyangnu" ri lo, mo she: wigi Egutu mung" mo shu" thu lo uri nyangnu" phoug" phyid" yi yo' ngoo koid to" da" dang: theing axoug" yo' adu wa. Ngoo nyangnu" ri yhoem: seing: phoo yhang: ti" koid sho' nghoid loug we' nyangnu" nga" dang: theing ri aphoug" cang nghoid ago".

YEREMIA 31:18

«Israela byu yigi koug wigi tid da" dang: ri ngoo shau" gyo:. Hau: zigi ‹Aseing we"- ngoonu" gi mi" sho' ajhau" to" da" gougnyhoug yo' du da:. Nghoid loug we' nang ngoonu" ri tid dang: tam" gyoo: wa jhau" byid: bye:. Ngoonu" ri doem shu" tau" loo" la. Ngoonu" gi nang ngoonu" da" Aseing Mangsoo jhang doem tau" loo wa jen" jen" nghoid.

YEREMIA 2:36

Nanu" gi gootu: byumyu" yi da" yu phara" joem jhang phug lo" boem da" khyo" nanu" nya: gung ri nanu" nyang: gu gyo" loo" nhang: pyam boem. Nanu" gi Asuri yi wigi nheig adeug bui" nhang: yhang: ti" Egutu yi wigi we' nheig adeug bui" nhang: zi shau" loo wa.

YEREMIA 2:28

«Nanu" nya: shid re" nanu" koid yu da" yu phara" joem gi khakhyoo: loo" bye: la" Nanu" yau: khi" shoug" nyid uri nanu" ri nyangnu" yo" khyoid yu boem nghoid ri khyoid yu boem baja". Yuda we" nang moo voomoo" joem jo, myhoo' yu phara" joem yo" da:.

ESAIA 30:16

Hau: gungthid myab da" myang: joem ri zhung: wigi nyangnu" da" gyivoo yi lo, mo phang: loid wa nanu" soin' boem ago". Nanu" jo ago". Phang: loid khyoo: gi nanu" koid ca" da" moo" nghoid boem wa. Nanu" da" myang: gi gye" myab ga: jho: ago". Nghoid loug we' nanu" ri cang khaid bang: gi je myab loo wa.

COUNG" NGHEI 116:7

Nga" da" emyed we' Aseing gi nga" da" atho' moo ge da" jeju" ri toin" shed byid: bye: yoomo loem khed" nheugshid: nyid we'.

YEREMIA 3:1

Aseing tid zigi «Yuggi dayug gi nya: da" yhoem: seing: myhi' ri kang" pyam wigi hau: myiyi: gi gootu: yuggi dayug da" yhoem: seing: myhi' bue" lo" nghoid ri nyang: we' adoem ge yu loo wa. He: moo" zoo" gi mougmyid ri bain sho' ayung" alho' bui" nhang: loo wa. Nghoid loug Israela we"- nang gi zooyam phoo myoo" sho' yug yo" lid: lo abye:. Houg: lho: akhid" nang gi nga" jhang doem tau" phang: loo nau da:.

HOSEA 2:16

Hau: thang: nyang: gi ngoo ri nya: yhoem: seing: phoo khyo" doem ji loo wa. Nyang: gi ngoo ri nya: da" Bala ga: amyheing loo wa.

2 KHOKHAM MHOOMYID: 28:23

Nyang: gi nyang: ri oung: pyam da" Asuri byu yi phara ri xoin" ngei" byid: da:. Nyang: gi «Asuri yu phara" joem gi Asuri khokham yiri pang" thoug byid: boem yhang: ti" ngoo ri we' nyangnu" yo" pang" thoug byid: goo" wa ein: ngoo hau: joem ri xoin" ngei" byid: zi nghoid» ga: tid da:. He: zigi nya: adang moo yo' nya: byumyu" yi adang moo kyi" khyeug zi bui" nhang: da:.

YEREMIA 44:17

Ngoonu" koid wa ein: tid to" da" ja: khang" moo" ri ngoonu" koid wa. Ngoonu" yo' ngoonu" phoug" phyid" yi ngoonu" khokham yi yo' vhujhung: yi Yuda voomoo" joem moo yo' Yerusalem fu" moo" khyoo: moo ngoonu" lhung koid lo ziyo' dayhang: ti"- ngoonu" da" yu phara" myhi' joem mougkhung: moo khokham myhi' joem ri ngoonu" xoin" ngei" byid: wigi nyang: ri zabyid yhid: foid shoin" byid: wa. Houg: lang" ngoonu" gi zoo: noem agoin agoo" yo" wigi nyid de lho: yau: khi" ashau" wa.

EZEKIEL 23:12

Nyang: we' Asuri mo nheigboo yi yo' gyizoug: yi yung" da" khin' byimi void ci: da" gyizoo: yiri yo' myang: ju: zoug: yi yung" da" zoolu: yiri yu" mhain: nyid da:.

HOSEA 1:2

Hosea khyo" Israela byumyu" yiri Aseing wigi xang: shi" dang: tid uri nyang: gi Hosea ri «Yhoem: seing: myhi' yhe: yu we'. Re" yhoem: seing: myhi' gi jhug azug su: nghoid wa. Houg: lho: re" zoo: yigi nyang: yo' dakhyoo" ti" nghoid loo goo" wa. Houg: yo' dakhyoo" nga" byumyu" yigi ngoo ri too" kho' lho: jhug azug bang: bue" ri" goo" wa» ga: tid da:.