HOSEA 2:20 - Lacid Common Language Bible

²⁰ Ngoo gi nga" dangsoo" ri zoem: ci: wigi nang ri nga" re" bui' nhang: wa. Houg: lho: nang gi ngoo ri re" Aseing khyo" kham: yu loo wa.

HOSEA 2:20 Referans Kwoze

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YEREMIA 24:7

Ngoo gi nyangnu" ri ngoo Aseing nghoid ziri si' wa vho: ngei myid kaid byid: wa. Houg: lang" nyangnu" gi nga" byumyu" yi nghoid loo wa wigi ngoo gi nyangnu" da" Mangsoo nghoid loo wa. Ciwim gari nyangnu" nheigloem: dangain" yo' nga" jhang tau" lo boem goo" wa.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

HOSEA 2:19

Israela we"- ngoo nang ri nga" yhoem: seing: myhi bui" nhang: wa. Ngoo gi deingmain" wigi jhug zug wa. Ngoo gi nang ri abei abyo, da" jheddab myid yo' nheig khyeug ziri ci: shug byid: wa. Houg: lho: nang ri apyaid atoo: moo nga" re" bui" nhang: wa.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

EZEKIEL 38:23

Hid: su" khyo" wigi ngoo gi gyi: sheung: ziyo' gyeung" shang: yug nghoid ziri byumyu" dangain" ri ngoo ci: shug wa. Houg: lang" nyangnu" gi ngoo Aseing nghoid ziri se' loo goo" wa.

YEREMIA 9:24

Byu dayug yug phoug: nau nghoid rigi Nyangnu" gi ngoo ri se' ziyo' se' gyo: khyoo: moo phoug: eung: da:. Ciwim gari nga" da" jheddab myid gi abei: abyo, geing: teing jo, da:. Houg: lho: ngoo gi tarha" deungmain" ziyo' jo ziri koid da:. Hau: joem gi ngoo ri vho: ngei nhang: da:. Ngoo Aseing tid too" bye:.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

HEBRE 8:11

Nyangnu" mo hang" nghoid loug we' nyang: nya: da" moug: seing: byu yi nghoid loug we' nyang: nya: da" seing" tain" byumyu" nyang: cang" nghoid loug we' Mangsoo ri se' lo boem sho' jhau" mhoo, byid: ca" loo: wa zi anghoid. Khasu" wim gari nge thang jang" mo zi gyi: thang jang" moo ju" sho' nyangnu" dangain" mo, gi ngoori se' lo boem bye.

ESAIA 62:4

Nang ri «She: pyam' pyam' bye:» ga: tid loo goo" wa. Re" mougmyid ri «She: pyam' too" shau" da" yhoem: seing: myhi'» ga: tid loo goo" wa. Re" myeing seig gi «Mangsoo nyang: ri vho: ngei abye:» ga: zi nghoid loo wa. Re" mougmyid gi «Ngei pyoo: tung" lo, xo' to" da» ga: myheing wa. Ciwim ga: ri Aseing gi nang ri vho: ngei wigi Nyang: gi re" mougmyid da" yhoem: seing: phoo yhang: ti" nghoid loo wa.

YEREMIA 32:41

Nyangnu" shid re" gi koid jang" moo ngoo pyoo: wa. He: mungdain: moo ngoo nyangnu" ri abei: abyo, de: nyid nhang: wa.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

APOEM AYANG: 9:10

Houg: lho: nanu" yo' dage" gyid lhid moo" zeing mo loid thu da" ngho' zoo: yen" zoo:- gougnyhoug gougdoo:- dei moodei nyid moonyid dangain" yo' we' thang" cab to" too" bye:.

XOIN" NGEI" 26:5

Nanu" da" gugzoo meiloem joem gi gye" gi yoomo zabyid shi" phyo' yu wa ayo, ju" rilang" nanu" gi gugzoo meiloem joem ri yham" yu nyid shi" wa. Houg: lho: nanu" gi gugzoo meiloem joem doem shoo" wa ayo, ju" rilang" zabyid shi" daphyo' yu nyid shigoo" wa. Nanu" zoo nau zi dangain" yo" yu wigi nanu da" mungdain: moo goug: nyu: tung" yo" nyid wa zi nghoid.

XOIN" NGEI" 26:6

Ngoo gi nanu" mungdain: ri ngei pyoo: yug yoo nhang: wigi nanu" gi hang" ri we' agyug ca" loo: yo" yhoeb wa zi nghoid. Ngoo gi nanu" mungdain: khoug: mo gyoug ca" gougnyhoug joem ri yu pyam byid: wa wigi houg moo meing: byo, zi ajo, loo: wa.

ESAIA 2:4

Nyang: gi gyi: sheung: da" byumyu" yi agyoo: moo tid ngeug ziri tid veing" byid: wa. Nyangnu" shamcoin" joem ri khoin’ baid lho: Nyangnu" lham: toid joem ri sham: thoo" baid yu goo" wa. Byumyu" yigi khanham we meing: adoem zain: loo: wa. Meing: zain: pa: shid re" khanham we’ adoem soin' loo: wa.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

EZEKIEL 16:62

Ngoo gi nang yo' to" to" da" dang: theing ri aseig doem koid lho: nang gi ngoo Aseing nghoid ziri se' loo wa.

EZEKIEL 34:25

Ngoo gi nyangnu" da" goem loem khyoo: shid re" loem ge" da" dang: theing daloem: ri nyangnu" yo' koid too" wa. Ngoo gi hau: mougmyid mo gyoug ca" ja: gougnyhoug joem dangain" ri shoem" yu pyam wa. Houg: lang" nga" yang joem gi coung" yoo moo goem loem tung" yo" nyid wigi siyoo khoug: moo yo" yhoeb loo wa.

EZEKIEL 34:27

Seiggam joem gi ashi" zi: loo wa. Mougmyid gi gug shi" mei: shi" thu byid: wa. Houg: lho: yugkhang" moo" gi nyang: nya: mougmyid moo goem loem tung" yo" nyid loo wa. Ngoo gi nga" byumyu" yi da" jangcoo" joem ri phyed pyam byid: lho: nyangnu" ri join koid bang: da" lo, mo loid byoin nhang: kaid da" uri ngoo Aseing nghoid ziri nyangnu" se' lo boem goo" wa.

MIKHA 4:3

Nyang: gi byumyu" yi da" agyoo: moo we' Moug: ve: mung" yo' jang" mo yoem: so' gyi: bang: da" agyoo: moo we' tarha" dang: phyed byid: wa zi nghoid. Nyangnu" gi nyangnu" da" shamcoin" joem ri khoin' cam" baid lho: nyangnu" da" lham: toid joem ri bainren" baid pyam goo" wa nghoid. Byumyu" yigi khanham we' meing: zain: ayhi: noo" loo wa meing: zain: go" wa shid re" we' khanham we' asoin' ca" loo: wa.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.