HOSEA 2:11 - Lacid Common Language Bible

¹¹ Ngoo gi nya: pui" joem nghoid da" zain khang" moo" mo pui"- lhammoo" khyab khang" moo" mo pui"- Dougno: Bidnyid pui"- noku thung" khyo" foem: phung: da" pui" dangain" ri thang loo" nhang: wa.

HOSEA 2:11 Referans Kwoze

AMO 5:21

Aseing tid nyid zigi «Ngoo gi nanu" da" laloem lakhoug: pui" joem ri ngheing" bye:. Hau: ziri ngoo avhoo:.

AMO 8:5

Nanu" gi nanu" nyang: ri ngoonu" da" gug zoo yo" ung" wa shid re" gyeung" shang: bidnyid khanham yo" lid: loo" wa au: ein: lang" ngheung" nyid boem bye:. Dougno: Bidnyid khanham yo" lid: loo" wa lug au. Houg: lang" ngoonu" gi zi gu to' lho: jang fain" ci: ziyo' zi qei mo, ri mhoug zoo: wa zi nghoid o".

YEREMIA 7:34

Hau: mougmyid gi dain" pyoid yoo bue" jo, wa Yuda voomoo" joem akhoug: moo yo' Yerusalem mo fu" mo" khyoo: joem mo gau yi thui:- ngei pyo: thui: yo' lo, xo' pui" joem mo thui: joem ri thang lo" byug nhang: wa.

YEREMIA 16:9

Ngoo myhang: thang Aseing- Israela da" Mangsoo tid ziri tam" gyoo: we'. Ngoo gi gau yi thui: yo' ngei pyo: thui: joem ri yo' lo, xo' pui" mo pyo: da" thui: joem ri jham" coug: youg bue" lo" byug nhang: wa. Hid moo nyid da" bang: gi he: khyoo: bue" ziri shau" myang goo" wa.

NAHUM 1:10

Zukyen: gyoem" yo' khoofoo: kyug yhang: ti" yhid: yed bang: nanu" gi nghe' pyam zi shoug" goo" wa nghoid.

AMO 8:3

Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

EZEKIEL 26:13

Ngoo gi re" jikhoin" dangain" zi thang nhang: pyam lho: re" teing joem da" coung" thui: ri tam" loo" nhang: wa.

YEREMIA 25:10

Ngoo gi nyangnu" da" pyo: ziyo' gau wigi nyho: da" thui: joem lo, xo' pui" mo pyo: da" thui: joem ri jo, tam" lo" byug nhang: wa. Nyangnu" myikug joem shid re" xu: ayoo" wa. Shivoo: we' ayoo" loo goo" wa.

1 KHOKHAM 12:32

Yeroboam gi Yuda pui" yo' du da" noku thung" pui" da loem: ri we' lhammoo" shed khyab daxe: wim: nyid" nyid" ri koid wa khyo" soin' tu' to" da:. Nyang: koid to" da" sheing: nuloo: soolhoo: joem shid re" Bethela phoin: tho' moo nyang: gi xoin" to' byid: wigi nyang: koid to" da" noku joyoo moo: moo" zei: wa shid re" nyang: gi Bethela moo khainjung yi to" too" bye:.

HOSEA 5:7

Nyangnu" gi Aseing ri jhug azug goo" nghoid da:. Nyangnu" da" nya: zoo: yiri nyang: wigi ayo" seing: nghoid da:. Houg: yoomo akhid" amyang" ri nyangnu" yo' nyangnu" da" mougmyid ri phyo' shoin shau" wa nghoid.

XOIN" NGEI" 26:20

Nanu" yoem: kaid lho: koid to" da" moo" gi nanu" shid re" akyu" abyid: wa. Ciwim gari: nanu" mougmyid gi shivoo: shiloem athu ziyo' seiggam joem gi ashi" azei: wa.