HOSEA 14:7 - Lacid Common Language Bible

⁷ Nyangnu" gi ngo wigi goem loem byid: da" ayoeb khoug: moo dalheing: doem nyid loo goo" wa. Nyangnu" gi gug zoo mei: loem: sho" wigi zabyid khyam: yo' dakhyo" ashi" zei: loo goo" wa. Nyangnu" gi Lebanon mo zabyid yhid: yo' dakhyo" myeing gyi: loo goo" wa.

HOSEA 14:7 Referans Kwoze

COUNG" NGHEI 91:1

Goem loem byid: khyoo: shoug" yu wa shid re" Aseing jhang ju" ri bang: hang" nghoid loug we' gyi: myhang da" goem loem byid: su: akhoug: moo shoug" khau: nghe: nyid su: nghoid bye:.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

ZEKHARIA 8:12

Nyangnu" gi nyangnu" da" shivoo: joem ri voin: tang: za: yo" yham" yu boem wa zi nghoid. Nyangnu" da" zabyid nei joem gi ashi" myoo" sho' zei: lho: myid jang mo shivoo: shiloem joem ri yug loo nhang: wigi houg: moo agoin ayu: moug: ri voo byid: loo wa zi nghoid. Nyid deing da" nya: byumyu" mung" byu yiri ngoo gi he: da" agyid asoo: joem dangain" byid: loo wa zi nghoid.

HOSEA 14:5

Ngoo gi Israela byumyu" yi shid re" kyug hei' da" mougmyid mo moug: gyid yo' dakhyo" nghoid loo wa. Nyangnu" gi bain: joem yo' dakhyoo" ti" bo" yung" loo goo" wa. Nyangnu" gi Lebanon mo seiggam joem yo' dakhyoo" ti" agyi: teing za: cen' loo goo" wa.

HOSEA 6:2

Eig soem" nyid" agyoo: moo nyang: ngoonu" ri yoem: seig kaid byid: wa houg: lho: ngoonu" gi nya: shidkhoin" moo yo" nyid loo wa.

EZEKIEL 17:23

Hau: zigi Israela mo myhang: thang da" boem nghoid wa. Hau: zigi akung: ako'' joem thu re" wigi ashi" zei: loo wa. Houg: lho: atho' tid mung" da" shamu gam bue” loo wa. Byumyu" cang: joeb da" ngho' joem gi houg: moo nyid wigi hau: seig yoeb moo khau: nghi: joyoo myang boem wa.

ESAIA 61:11

Myoug: shi" joem anyug toid lo wigi yug lo zi nghoid zigi gyeing" nghoid ziyo' dayhang: ti" Myhang: thang Aseing gi nya: byumyu" yiri khyoid yu wa. Houglho: byumyu" yi dangain" gi nyang: ri coung" nghei byid: loo goo" wa.

SHOLUMON JIKHOIN" 6:11

Langkhung" mo agam nu" joem ri yu" wa shid re" we'- zabyid gam moo afu' nu" yiri yu" wa shid re" we' lamei shigam moo aboo" ri yu" wa shid re" we' ngoo gi Lashab khyam: khyoo: gyoo" loo bye:.

SHOLUMON JIKHOIN" 2:3

Nga" jhed ri gootu: yuggi yi yo' tu' yu" ri siyoo gyoem" mo shisang" gam yo' du nyid da:. Ngoo hau: bid shoem: moo zhung: nau wigi agam moo shi" gi nga" shid re" gye" coug: nyid zi nghoid.

COUNG" NGHEI 138:7

Ngoo ri: yau: khe" kyi" khyeug khyoo: lheung khoem to" uri nang gi nga" kangso' ri lhoug zung" byid: nyid. Ngoo ri: gyivoo joem nheig yo: nyid jang" mo re" da" yoem: moo" yo' khyoid yu byid: nyid.

COUNG" NGHEI 85:6

Ngoonu" ri yoem dalheing: doem foin' byid: we'. Hougsu" nghoid lang" gi ngoonu" re" da" byumyu" yi nang ri coung" nghei nyid boem wa zi nghoid.

YOHAN 12:24

Deing" deing nanu" ri ngoo tid ba- gug cab' gi myidjang: moo agyo"- aboeb ayoin" nghoid rigi dacab tho' moo myo: loo zi anghoid. Boeb' yoin" lo" nghoid ri koem gi ashi" myoo" sho' ri yo" bue" loo nhang: zi nghoid.

HOSEA 2:21

Hau: ayo, ri ngoo gi nga" byumyu" Israela da" akyu" mho' thui: ri gyoo: byid: wa. Ngoo gi myidgung moo moug: vo khyoo' nhang: wa. Houg: lho: myidgung gi shivoo: zabyid yo' zhainloin: ri thu nhang: loo wa.

SHOLUMON JIKHOIN" 4:11

Nga" nheugdeug su: we"- re" nhoid kug gi byoo: yhid: yhang: ti" cau: da:. Re" yhoo: gi nga" shid re" nunoug" yo' byoo: yhid: nghoid nyid da:. Re" byimi joem moo Lebanon mo nam pyo: ja: dangain" bo nyid da:.