HOSEA 14:6 - Lacid Common Language Bible

⁶ Nyangnu" gi aseig gyi: sheung: lho: dei nyid wa. Houg: lho: zhainloin: gam joem yo' dakhyoo" ti" yung" wa. Nyangnu" gi Lebanon mo shamu gam joem yhang: ti" shoem: nam pyo: loo goo" wa.

HOSEA 14:6 Referans Kwoze

COUNG" NGHEI 52:8

Nghoid loug we' ngoo gi Mangso da" yhoem: moo: youg jo, da- zhainloin: seiggam' yhang: ti" nghoid nyid. Ngoo gi nya: da" dageung: teung jo, da" jhed khyeing: kang: khyeing: ri pyaid moo: too: moo: daloem khau: nyid wa zi nghoid.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

YOHAN 15:1

Aseing Yesu gi Ngoo gi main" da" zabyidd" nei nghoid. Nga" phoo gi khyam: seing: nghoid.

MATHE 13:31

Aseing Yesu dangtu' gootu: doem tid da" zigi «Mougkhung: mungdain: gi Byu dayug khyam: moo sain" da" nghang" shi" cab yo" du nyid.

YEREMIA 11:16

Shid phyang" dalheing: ngoo gi nyangnu" ri afu' mung" lho: ashi" byeung" sho' zei: da" zhainloin: gam ein: lhung myheing loo bye:. Nghoid loug we' akhid" koem' gi ngoo gi mouggoem: goem: thui: myeing wigi nya: da" seig fu' joem ri myi: nge" pyam lho: hau: da" seig kung: joem ri khyau" pyam byid: wa.

COUNG" NGHEI 128:3

Re" da" yhoem: seing: myhi' gi re" yhoem: khoug: moo ashi" zei: da" zabyid nei yhang: ti" du wa nghoid. re" da" zooshang: yigi zhainloin: seig zoo: gam, joem yhang: ti" re" da" zoobui" loem: lheing khab, moo nyid nyid boem wa nghoid.

APOEM AYANG: 27:27

Yaku we' nyang: ri babug bug wa shid re" tab tab yhe: loo" uri Isag gi Yaku byimi ri nam yu" wigi nyang: ri mainkaid byid: bye:. Isag gi «Nga" zo: da" shoem: gi Aseing mainkaid byid: bye: da" yoothung" shoem: su" nam pyo: nyid.

COUNG" NGHEI 92:12

Deung byeung" da" byu yigi labam gam su" ko' lo, lam: lo wigi Lebanon boem mo shamu gam joem su" nyangnu" gi youg gyi: lo boem wa zi nghoid.

ESAIA 27:6

Ju" lo wa da" bidnyid joem moo Yaku da" amyed ashen yi nghoid da" Israela byu yigi seiggam yo' dayhang: ti" agyi: cen' loo goo" wa. Nyangnu" gi aboo" bo" lo wigi athung dab loo wa. Hau: joem gi ashi" zei: byid: wigi myidgung byeung" sho' boem jo, lo goo" wa.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".