HOSEA 14:2 - Lacid Common Language Bible

² Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

HOSEA 14:2 Referans Kwoze

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

YOBA 7:21

Nang gi nga" yooboo ri ayo" khyoid byid: loo wa la" Ngoo koid shoid ziri nang yooboo ayo" khyoid byid: loo rhe" Daso' ri ngoo gi nga" loeb khoug: moo ju" jo, wa bye:. Houg: lho: nang ngoo ri cang sho: nyid uri ngoo gi lo" byug wa bye:.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

YOELA 2:17

Xoin" ngei" wa phoin: yo' Noku Yhoem: Moo" khyoo: vang lo" da" khoem" duang: agyoo: moo Aseing ri xoin" ngei" byid: nyid da" khainjung yigi «Aseing we" re" da" byumyu" yiri nheig khyeug yu shi" we' gootu: byumyu" yi wigi nanu" da" Mangsoo gi khayoo: nyid lha" ga: ngoonu" ri aphoug" akhyoid koid lho: ajuang" yi pyam nhang:» ga: wigi koug ngau lho: akyu" mho' boem ca" wa nghoid.

2 SAMUELA 24:10

Nghoid loug we' David gi byu zhayhen" ri bain koid: thang: ri nya: emyed moo akhyi" akhyoid bue" lo ziyo' nyang: gi Aseing ri «Ngoo gi he: moo" zoo" ri koid lho: gyoug pho" da" yooboo ri shoid bye:. Jeju" mo yooboo ri khyoid pyam byid: we'. Ngoo gi koodoug: moo" zoo" ri koid bye: nhung:» ga: tid.

2 SAMUELA 12:13

Houg: lang" David gi «Hau: Aseing ri ngoo yooboo shoid bye:» ga: tid. Nathan we' «Hau: Aseing nang ri yooboo khyoid byid: nyid bye:- nang shid: wa zi anghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

HEBRE 10:4

Khasu" wim garinushain: lo da" suid" yo' shoobaid' suid" gi youg: noo yooboo ri khanham we' yo" ced" shang: pyam' byid: wa zi anghoid.

Roma 11:27

Ngoo Mangsoo: gi houg: bang: da" yooboo dangain" ri khyoid' byid: uri nyanu" yo" he: thang" cab' too" wa ga: wigi tid to" zi yo" dakhyoo" ti" nghoid.

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

LUKA 11:13

Nanu" akhyeing" mo lang" nya: zoo: yi ri ge zi se' byid: rigi Mougkhung: Aseing:- Nanu" da" nya: phoo gi mho' mo, ri gyeungshang: Venyi: je wigi byid: wa anghoid goo" la"» ga: tid.

MATHE 7:11

Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhung: shug se' byid: nghoid rigi hau: tho' re" je ge da" mougkhoung: tho' mo nanu" da" nya: phoo gi nyang: ri mho' mo, ri ge da" jhung: shug abyid: wa ein: go" la".

ZEKHARIA 3:4

Houg: lang" moug: lagyoo: gi nya: shidkhoin" moo yab jo, da" moug: lagyoo: yiri - «Yoshua void ci: da" nheig yu" no da" byimi ri khyoid pyam' byid: ge'» ga: tid. Hougsu" wigi nyang: gi Yoshua ri «tam" gyoo: we' re" da" yooboo ri ngoo yu pyam' byid: bye:. Ngoo gi byimi seig nang ri byid: foid wa» ga: tid.

ESAIA 6:7

Nyang: gi myi: dab da" myigyu: wigi nga" nhoid yid moo tain" lho: «He: zi re" nhoid yid moo tain" bye: yoomo akhid" re" yooboo joem adab loo:- re" yooboo joem ri khyoid pyam byid: bye:» ga: tid.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 51:16

Nang gi xoin" du: joem ri vho: ngei nyid su: anghoid. Hougsu" anghoid rigi ngoo ngei" byid: wa zi nghoid. Nang gi myi: nghi, xoin" ri we' vho: ngei nyid zi anghoid.

COUNG" NGHEI 51:17

O" Mangsoo we"- nga" da" xoin" du: gi khyo' nyhoem: da" nheigloem: soozoo: nghoid. Nang gi khyo' nyhoem: khyoo: yo' gyau: moin" da" nheigloem: ri nang ngeug pyam wa zi anghoid.

COUNG" NGHEI 119:108

Aseing we"- jeju" coung" nghei da" nga" akyu" mho' thui: ri lhoem: yu byid: lho: re" da" amyeing" dang: joem ngoo ri jhau" byid: we'.

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

YONA 2:9

Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

YEREMIA 3:12

Nyang: gi ngoo ri Israela jhang yhe: wigi hid su" ga: tid nhang: da:. «Jhug azug da" Israela we"- nga" jhang doem tau" loo we'. Ngoo gi nheig khyeug myid bo wigi nheig ayoo: wa. Ngoo gi nang ri apyaid atoo: moo nheig yo: nyid wa anghoid.

HOSEA 5:5

Israela byumyu" yi da" khuang khyoo: gi nyangnu" ri thougtheung nyho: yoid ago". Nyangnu" da" yooboo joem gi nyangnu" ri khyid: vhu" thung" lho: leung loo" nhang: da:. Houg: lho: Yuda byumyu" yi we' nyangnu" yo' dage" leung lo" ago".

HOSEA 12:7

Aseing gi «Israela byumyu" yigi Khanan byumyu" yi yo' dayhang: ti" adeingmain" nghoid ago". Nyangnu" gi nyangnu" mo ziyoo qei mo, ri amain" da" jangshi" ci: lho: mhoug zo: khyoo: ri vho: ngei boem ago".