HOSEA 13:8 - Lacid Common Language Bible

⁸ Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

HOSEA 13:8 Referans Kwoze

2 SAMUELA 17:8

Re" phoo David yo' nya: byu yi gi meing: zain: gye" bui" mo, nghoid wigi nyangnu" gi voem myhi' dadu: nya: zoo: yi ri khoem lho: gyi koid nyid yhang: ti" voem" nyid ziri nang se' wa zi nghoid. Re" phoo gi thung" shoug" yu" zi myoo: bye: da" gyizoo: nghoid yoomo myen" ri nya: byu yi yo' dage" anyid.

YEREMIA 12:9

Ngoo khyen: yu to" da" byumyu" yigi zoin bung: joem wigi shoid khang" moo" khyo" coem' khaid thei" zi shau" da" ngho' yo' du da:. Hau: zooshug pui" moo bo boo wa shid re" gougnyhoug joem dangain" ri khe: kaid we'.

ESAIA 56:9

Aseing gi tungbau byumyu" yiri siyoo gougnyhoug lam" joem yo' dakhyoo" ju" re" wigi nya: byu yiri re" zo: pyam goo" wa shid re" tid too" bye:.

ESAIA 5:29

Gyizoo: yigi gougnyhoug dadu: ri yo" ngaid boem da" khangkhyi joem yhang: ti" hung: wigi hang" we' hau joem lo, mo ayhe: yo" yu nghoid ago".

DANG: ZHOEM 17:12

Ce" dang: kang: thu' moo" zei: nyid da" byugang: yo' shoug" goo" wa tho' re" gi nya: zoo: lhoid yu pyam shau" da- voem, myhi' yo' shoug" goo" wa je we'.

COUNG" NGHEI 80:13

Hau: shigam' ri vhujhung: joem gi nang: nhe" khyoid lid lo" wigi gougnyhoug goug: doo: joem gi hau: ziyo' voem: gyi: nyid abye: go.

COUNG" NGHEI 50:22

Ngoo ri: asi, goin koid su: nang we' he: da" dang: khoin" ri tam" gyo: yu" we'. Hougsu" anghoid rigi ngoo nanu" ri lhu: phyo' sain" pyam, byid: wam: bye:. Nang ri khyoid yu wa zi dayug we' nyid loo: wa zi anghoid.

YEREMIA 25:38

Khangkhyi: gi nya: lug-ug ri she: pyam pyam yhang: ti" Aseing gi nya: byumyu" yiri she: pyam bye:. Yu" gyoug yu" dain sho' da" gyipui" yo' Aseing da" thain: da" nheig yo: zigi mungdain: ri dain" pyoid yoo bui" nhang: bye:.

HOSEA 2:12

Nya: da" vho: ngei bang: ri nyang: wigi dei byid: da" aphoug" khyo" nyangnu" wigi byid: to" zi nghoid ga: tid da" nya: zabyid nei joem yo' nya: lafoem shigam joem ri ngoo phyo' shoin' pyam byid: wa. Ngoo gi nya: da" zabyid khyam: joem yo' shi" khyam: joem ri siyoo bui" nhang: pyam wa. Siyoo gougnyhoug joem wigi hau: gu: ri phyo' shoin' pyam byid: loo wa.

HOSEA 5:14

Ngoo gi Israela yo' Yuda byu yiri khangkhyi dadu: yo' dakhyo" khaid zain: wa. Nyangnu" ri ngoo nyang: nyang: wigi adu du lang: ceig pyam lho: nyangnu" ri too" khoo' wa. Nyangnu" ri ngo wigi she: khyoid lo" ri hang" wigi we' ayo" khoid yu wa.