HOSEA 13:15 - Lacid Common Language Bible

¹⁵ Israela byumyu" yigi myo, gam yo' dakhyoo" ti" yug mung" ri" nghoid loug we' ngoo gi bidthu shoid dain" pyoid yoo mo lid lung ri nhang: kaid lho: hau: lid lung gi nyangnu" da" gyid bug yo' gyid thung" joem ri kyug hei' pyam nhang: wa. Hau: zigi phoug" dab da" ja: khang" moo" ri yu pyam byid: loo wa.

HOSEA 13:15 Referans Kwoze

EZEKIEL 19:12

Nghoid loug we' nheig yo: da" lo, joem wigi hau: ziri agyi: mo lang: phoin' pyam lho: Myid gung khyoo: she: pyam khyo' pyam ago". Bid thu shoid mo lid gi hau: ziri hau' kyug pyam da:. Hau: da" akung: joem gi gyau: gyoo" lo" ago". Hau: joem gi kyug lo" wigi nghe' pyam zi shoug" ago".

EZEKIEL 17:10

Nghoid- hau: ziri zhung" too" bye:. Nghoid loug we' hau: zigi yug gyi: sheung: loo wa la". Bid thu shoid mo lid lo hau' zang" kaid ri ashoem: byug wa rhe". Houg: gi nyang: yug jo, da" jang" moo ayhau" shid: loo" wa rhe".

YEREMIA 4:11

Yerusalem mo byu yiri dain pyoid yoomo lid loung gi nyangnu" jhang hau' lo nyid da ga: tid shed da" ayo, ju" loo wa. Hau: zigi phei" ri za: moid hau' pyam da" lid zoo" gi yen yoo" za: moid wa zi anghoid wa.

APOEM AYANG: 49:22

Yoseb gi gyid zoo: lang yam mo kyang: da" loo zei: dadu: yhang: ti" nghoid. Boem moug: mo kyang: da" myang: dadu: nghoid.

APOEM AYANG: 41:52

Nyang: gi «Mangsoo gi ngoo kyi" khyeug shau" nyid da" moug: moo ngoo ri zooshang: byid: bye:» ga: wigi nya: zoo: laid yug ri Ephrim ga: myeing byid: da:.

NAHUM 2:9

Ngei ri lhoid yu we'. Sheing: ri lhoid yu we'. Voomoo" gi ngei sheing: jonu" yo' byeung" jo, da:.

HOSEA 10:1

Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

HOSEA 9:11

Israela da" gyi: sheung: zigi ngho' yo' dakhyoo" dang: phang: byug loo wa. Houg: lho: nyangnu" mo zooshang: akhu: loo goo" wa.- myiyi: yi we' zoo: gung abui" loo: wa.- zoo: we' avoin loo goo" wa.

HOSEA 4:19

Nyangnu" gi lid hau wigi hau tang" kaid yhang: ti" shu" yu pyam zi shoug" loo goo" wa. Houg: lho: nyangnu" gi nyangnu" da" tungbau yu phara" ri no' da" moo" zoo" yoomo sho' phu" loo goo" wa.

DANIELA 11:8

Nyang: gi nyangnu" da" yu phara" lhoo: joem yo' hau: yu phara" joem ri shugbyid: to" da" sheing: ziyo' ngei zi joem ri Egutu khyoo: de" phang: loo" wa. Yug yoo da" zain loem myoo sho' lid lo" thang: ri

YEREMIA 51:36

Hau: thang: Aseing gi Yerusalem byu yiri «Ngoo gi re" khyoo: ri shu" vhu" shi: wa wigi nang ri koid bye: da" khyoo: shid re" re" gyivoo yiri aphoug" byid: nhang: wa. Ngoo gi Babelon mung" mo gyid thu' ri kain" loo" nhang: lho: gyid gyung: joem ri kyug hei' loo" nhang: wa.

YEREMIA 20:5

Ngoo gi nyangnu" gyivoo yiri he: voomoo" da" jonu" dangain" ziri lhoid yu pyam nhang: wa. Houg: lho: houg: mo jonu" dangain" ri seing: yu pyam' nhang: wa. Yuda khokham yi phoug" dab da" jonu" joem rilang" yu seing: pyam nhang: wa. Ja: khang" moo" ri Babelon khyoo: ci: loo" nhang: wa.

ESAIA 41:16

Nang gi nyangnu" ri moug: tho' khyoo: jhu" to' kaid wa. lid gi houg: bang: ri moid tang" lo" byug wa. Nyangnu" gi uglid wigi hau' tang" pyam zi shoug" wa. Hau: thang: nanu" ngei pyo: loo wa. Ciwim gari ngoo gi nanu" Mangsoo nghoid. Nanu" gi Israela da" gyeung" shang: da" ngoo Mangsoo ri coung" nghei loo goo" wa.

ESAIA 17:13

Byumyu" yigi being: lhung" joem yo' dakhyo" jhen" yhe: lo" ago". Nghoid loug we' nyangnu" ri Mangso wigi nheig yo: kaid lho: boem khyid: mo pheilhoug: joem ri hau' tang" kaid ziyo' dakhyoo" ti" lid shoem' mo khoofoo: yo' dayhang: ti" nyangnu" doem tau" lo" ago".

ESAIA 14:21

Said pyam nhang: loo we'. Nya: da" yuggi zoo: yi shid: wa zi nghoid. Ciwim gari nyangnu" da" phoug" phyid" yooboo yoomo nghoid. Nyangnu" mo dayug we' mougmyid ri yo" vhoeb goo" wa zi anghoid. Voomoo" joem ri yo" de: goo" wa zi anghoid.

COUNG" NGHEI 109:13

Nya: amyed ashen" yi dangain" we' shid: doem: lo" byug goo" baja" nya: myeing: ri thang: phyang" pyaid moo: aboin: soo" loo: goo" baja".

COUNG" NGHEI 1:4

Nghoid loug we' akhyeung" da" byu yigi hougsu" anghoid. Nyangnu" gi lid hau' tang" lo" da" pheipyang" yo' du nyid ago".

YOBA 18:16

Nya: da" agyi: joem yo' akung: joem gi yhau" lho: kyug loo" bye:.

TARHA" TID POIN" 33:17

Yoseb gi nuloo: dadu: yhi' yoem: bo da:. Nyang: moo nulam" yhang: ti" khyau: joem yug da:. Nya: khyau: joem gi Manashe da" khyeing" khyeing" yo' Ephrim da" moin moin nghoid da:. Nyang: gi hau: khyau: joem yo' byumyu" yiri thung" ceig pyam da:. Houg: lho: nyangnu" ri mougmyid thang sho' khaid jhen" pyam da» ga: zi nghoid.

APOEM AYANG: 48:19

Nya: phoo ngeug lho: «Ngoo se' nga" zoo: we"- ngoo se' Manashe da" amyed ashen yi we' byumyu" zeing bue" lo wa nghoid. Nghoid loug nya: nhung" yug gi nya: tho' je' gyi: wa zi nghoid. Houg: lho: nya: amyed ashen yigi gyi: sheung: da" byumyu" zeing bue" loo wa nghoid» ga: tid.

APOEM AYANG: 41:6

Hau: thang: dain" pyoid mo lo da" uglid wigi moid hau' soem: pyam da" gug soem: gug pyang nyhed nham: gi zung" zung" yab jo, wigi

ESAIA 27:8

Nyangnu" ri pyoung" shu" loo" nhang: pyam da" khyo" Aseing gi nya: byumyu" yiri yooboo dam byid: da:. Nyang: gi nyangnu" ri bidthu shoid mo thain da" lid wigi shu" lo" pyam nhang: wa.

YEREMIA 4:12

Aseing da" amyeing" khyo" ju" lo da lid gi hau: tho' je thain: da" zi nghoid wa. Hau: zigi nya: byumyu" yiri dang: phyed khyoo: tid fu" da" Aseing nyang: nghoid loo wa.

YEREMIA 51:1

Aseing tid zigi «Ngoo gi Babelon yo' nya: byumyu" yiri gyi koid phyo' shoin' pyam wa da" lid ri shu" lo.

HOSEA 2:3

Nyang: atheing: nghoid rigi ngoo gi nyang: ri khu: re" da" bidnyid moo gung cen khu: re" ziyo' dakhyo" ngoo gi nyang: ri byimi khyoid pyam byid: wa. Ngoo gi nyang: ri myid kyug myid gang: yo' dakhyoo" ti" koid pyam wa. Houg: lho: nyang: gi gyid shed lho: shid: lo" byug wa.

YONA 4:8

Hau: lho: Mangsoo gi bid thu ri" lang" bidthu shoid mo lid lung ri houg nhang: kaid wigi bid gi Yona vhuloem moo nge" nyid yoomo coid lo" nyid bye:. Houg: yoomo nya: gung nyang: shid: nau da:. Shid lo" zigi dei nyid tho' mo nga" shid re" je ge ga: wigi tid nyid.

APOEM AYANG: 41:23

Hau: thang: dain" pyoid mo uglid wigi moid hau' soem: pyam da" gug soem: gug pyang nyhed nham: gi zung" zung" yab jo, wigi