HOSEA 12:2 - Lacid Common Language Bible

² Aseing gi Yuda byumyu" yiri yooboo zhug wa yo" da:. Nyang: gi Israela byumyu" yiri nyangnu" da" lo, moo" yoomo yooboo dam byid: wa bye:. Nyang: gi nyangnu" ri nyangnu" koid lo da" moo" shid re" aphoug" tau" byid: loo wa.

HOSEA 12:2 Referans Kwoze

MIKHA 6:2

Boem joem yo' apyaid atoo: geung: teing jo, da" mougmyid apoem: ayang: joem we' Aseing da" moo" ri tam" gyoo: we'. Aseing gi nya: byumyu" yiri yooboo foin: lho: tid nyid da:. Nyang: gi Israela ri yooboo foin: zi nghoid bye:.

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

ESAIA 10:6

Ngoo gi Asuri ri ngoo ri nheig yoo: nhang: boem da" byumyu" nghoid da" Mangso abo da" byumyu" yiri gyi: zain: wa shid re" ngoo nhang: kaid da:. Lanyhoeb lhoid wa khoug" wa byumyu" yiri fu" moo" khyoo: moo jo da" phei" lhoug: ri yo' dakhyoo" ti" nang: nhe" pyam wa shid re" nyangnu" ri ngoo nhang: kaid» ga: tid.

GALATI 6:7

Nanu" gi nyang: nya: da" gung du: ri mhau' lho wigi khyoo: avhang: loo" goo"- Mangsoo ri hang" we' aphoug" akhyoid yo" koid wa zi anghoid- byu yi gi nyang: tu: nyang: sho" kaid ziyo' dakhyoo" shau" yham" yu wa zi nghoid.

Roma 2:6

Hau: bidnyid ri byu yug khang" moo" gi nyang: nya: da" koid' moozoo" yo" dakhyoo" ti" - Mangsoo: gi aphoug" shang: byid wa zi nghoid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 4:9

Hau: byumyu" yi yo' dakhyo" nanu" we' yooboo dam loem zo: loo goo" wa. Ngoo nanu" ri yooboo dam byid: wigi nanu" shoid vhang: da" akhyeing" ashoeb yooboo shid re" aphoug" xab nhang: wa.

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

YEREMIA 25:31

Houg: lho: thui: gi mougmyid thang sho' lang: thang: tu" loo wa. Aseing gi byumyu" yiri yooboo zhug wa moo" daja: yo" da:. Nyang: gi byu dangain" ri joeb ca: yu" wa shid re" shu" loo" wa. Houg: lho: akhyeing" bang: ri said pyam wa. Aseing tid too" bye:» ga: tid da:.

ESAIA 59:18

Nyang: gi nya: gyivoo yiri nyangnu" koid zi yo' dakhyoo" ti" cang wigi moug: ve: mung" moo nyid boem da" bang: rilang" yooboo dam byid: loo goo" wa.

ESAIA 24:21

Atho' mo yoem: so' yoo" bang: yo' mougmyid mo vhoebkhang" bang: ri Aseing wigi yooboo dam byid: wa ayo, ju" loo wa.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

ESAIA 3:11

Nghoid loug we' akhyeing" bang: gi doem byug ago". Nyangnu" wigi subi" ri koid lo yhang: ti" akhid" nyangnu" ri doem koid byid: zi shoug" loo goo" wa.

HOSEA 9:9

Nyangnu" gi Gibea moo yo' dakhyo" nyangnu" koid moo" moo myid byu jang: aboo loo: sho' akhyeing" ashoeb nghoid ago". Mangsoo gi nyangnu" da" yooboo xoem" ci: wigi hau: gang mo nyangnu" ri yooboo dam byid: loo wa.

HOSEA 7:2

He: akhyeing" ashoeb moo" zoo" ri ngoo myid boin: wa ga: ziri nyangnu" nheigloem: moo khanham we' avang nghoid da:. Nghoid loug we' nyangnu" da" yooboo joem gi nyangnu" ri lheing khoem to" da:. Houg: lho: nyangnu" ri amyang sho' ngoo ayo" jang" pyam nghoid da:.

HOSEA 9:15

Aseing gi «Nyangnu" da" akhyeing" ashoeb da" moo" dangain" gi Gilgala mo koid shid" lo da:. Hau: jo, yoo moo nyangnu" ri ngoo xang: shi" ngheing" shid" bye:. Houg: lho: nyangnu" koid lid lo da" akhyeing" ashoeb moo" yoomo ngoo gi nyangnu" ri nga" mougmyid mo khaid thu pyam wa. Ngoo gi nyangnu" ri ajheddab loo: wa. Nyangnu" da" vhujhung: yi dangain" bang: gi ngoo ri thougtheung ago".

AMO 2:4

Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

2 KHOKHAM 17:4

Nghoid loug we' dazain moo Hoshea gi Egutu khokham So jhang lagyoo: nhang: wigi nyang: ri pang" yu wa mho' nhang: kaid da:. Houg: lho: zain khang" moo" Asuri ri byid: nyid da" khang" doug ri abyid: loo theung: pyam da:. Shalmanesa gi hau: khyoo: ri si' lang" nyang: gi Hoshea ri myheig yu lho: thung: lhung to" da:.

COUNG" NGHEI 78:36

Nghoid loug we' nyangnu" da" tid sang: da" dang: khoin" moo mhau, fain' da" dang: khoin" thui: joem za: nghoid nyid ziyo' nyangnu" tid nyid da" dang: gi nheigloem: dain: khyoo: ci" we' aboo.

PHAJHI" DANG: 5:15

Ngoonu" gi he: mougmyid khyoo: ci: aci: loo: vang re" ziyo' dakhyoo"- thu' lo" da" uri we ci: aci: loo doem thu lo" da:. Ngoonu" khayhi' moo" zei: nghoid loug we' ngoonu" yo' dage" yo" ci: lo" zi ci: ajo,.

ESAIA 30:6

He: zigi mougpyi: shoid dain" pyoid yoo mo gougnyhoug joem yo' sen: da" Mangso da" mungdang: nghoid da:. Hau: zigi «Lagyoo: zeing yigi gyoug ci' ca" da" mungdain: ri jang: sho' so" yen" ago". Houg moo khang khyi joem dug thain: da" lhangmyu joem dang: yen" da" mainjung: joem nyid ago". Nyangnu" gi pang" thoug khyoo: ce: daja: we ayo" byid: da" byumyu" shid re" phoug" dab da" jhungshug joem ri loo zei: yo' gola-ug doo: moo nyangnu" soin' voin ago".

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 8:9

Israela byumyu" yigi loo zei: lam" yhang: ti" nheigloem: thain: wigi nyangnu" vho: da" jang khyoo: yhe: lo" ago". Nyangnu" gi Asuri mo pang" thoug yu zi shoug" wa shid re" jhen" yhe: lo" ago". Houg: lho: nyangnu" ri goem loem byid: wa shid re" gootu: byumyu" yiri aphoug" byid: ago".

HOSEA 8:10

Nghoid loug we' akhid" gi ngoo gi nyangnu" dangain" ri shoem" zheing" to" wigi yooboo dam byid: wa bye:. Khamyhang amyang" ri nyangnu" gi Asuri khosen ge' nyangnu" ri doem zeig zoo: lang" dam no wigi lang: thain: nyid goo" wa.