HOSEA 12:10 - Lacid Common Language Bible

¹⁰ Ngoo gi Lapi: yiri dang: ji wigi nyangnu" ri yoeb myang myoo" sho' byid: bye:. Ngoo gi Lapi: yi khyo" wigi nga" byumyu" yiri tid poin" byid: bye:.

HOSEA 12:10 Referans Kwoze

2 KHOKHAM 17:13

Aseing gi Israela yo' Yuda ri tid poin" byid: wa shid re" nya: lagyoo: yi yo' lapi: yiri nhang: kaid da:. «Nanu" da" akhyeing" khyoo: joem ri to' pyam lho: nanu" phoug" phyid" yiri ngoo byid: to" da" tarha" moo yo' nga" dei zoo: yi nhoid khyo" nanu" ri byid: to" da" tarha" moo bo da" nga" amyeing" dang: joem ri tam" gyo: cang yhe: nyid ge'» ga: zi nghoid.

EZEKIEL 20:49

Nghoid loug we' ngoo gi «Yoem: moo" bo Aseing we". Ngoo ri hau: ziri akoid nhang:. Ngoo khanham we' qeishoem joem khyo" tid ziri yugkhang" moo" gi se' gyo: gu nghoid boem ago" ein: tid ngeug he: kaid bye:.

YOELA 2:28

Hau: thang: ri ngoo gi yugkhang" mo" da" atho' moo: nga" Venyi: foid shoin" byid: loo wa nanu" da" myiyi: zoo:- yug gi zoo: yigi nga" mungdang: tid fu" lo" boem wa nghoid- nanu" da" mang: zoo: yi we' yhoebmo, myang lo boem wigi nanu" da" zoolu: yi we' yoeb myang myang lo boem wa.

YEREMIA 19:1

Aseing gi ngoo ri myid vhu" nug jhuang: daloem: yhe: qei wa shid re" tid da:. Nyang: gi byumyu" yi da" ludaid yi dayham"- apyaid gyi: da" khainjung yi dayham" ri shu" wigi

YEREMIA 7:25

Nanu" da" phoug" phyid" yi Egutu mo thu lo da" bidnyid mo akhid" nyid" ju" sho' nyang: ngoo gi nanu" jhang nga" dei zoo: Lapi: yiri nhang: kaid byid: bye:.

2~KORINTHU 12:7

Ngoo myang da" lo" thang aved' alhoo: yoomo ngo moo nheugloem: gyi: phau: khuang da" khyoo" aboo baja". Nga" da" gung moozu: no da" zi daja kham‹ zo: nyid. Hougsu" zu" nho: da" ziri satan wigi nhang" kaid da" lagyoo: phoo yhang: ti"- ngoori baid nhoug wigi nga" da" phau: khuang zi ri khyau" pyam' byid: nyid.

2~KORINTHU 12:1

Phau: khuang khyoo: gi akyu" aboo nghoid loug we hau: Aseing: jang" mo pang shuog da" khyoo: yo' myo, myang yo' sen: wigi ngoo phau: khuang kyoo shi" wa.

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

AMO 7:14

Amo tid zigi «Ngoo gi phoug" phyid" mo ngei yo' lapi: pi: zo: loo su: anghoid. Ngoo gi gougnyhoug myhu: zoo: su: yo' lafoem' khyam: ri coung: su: danghoid.

HOSEA 3:1

Aseing gi ngoo ri «Doem yhe: wigi jheddab su: dayug yo' myi: shoid lang shoid da" myiyi: ri jheddab myid yhe: toin" shed we'. Israela byumyu" gi gootu: yu phara" joem shoid khyoo: lheing: lo" lho: soolhoo: joem ri zabyid kyug joem ri shugbyid: boem sho' nghoid loug we' ngoo dajheddab nyid nyid shi" yhang: ti" nang we' nyang: ri jheddab ca"» ga: tid da:.

YEREMIA 25:4

Aseing gi nya: da" dei zoo: Lapi: yiri xo' wigi nanu" jhang nhang: kaid byid: sho' nghoid loug we' nanu" gi anau tam" gyoo: nyeing" atam" gyoo: nghoid ago".

YEREMIA 19:10

Hau: thang: Aseing gi ngoo ri ngoo yo' dage" cang ri" bang: shidkhoin" moo jhuang: ri kho' mhoin' pyam wa tid lho:

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

1 KHOKHAM 19:10

Nyang: gi «Myhang: thang Aseing Mangsoo we"- ngoo gi nang dayug ri khyeing" dei byid: nyid. Nghoid loug we' Israela byumyu" yigi nyangnu" nang yo' koid to" da" dang: theing ri phyo' pyam bye:. Phoin: ri we' baid phyo' pyam bye: ziyo' re" lapi: yi dangain" ri we' said pyam bye:. Ngoo dayug kyeing" dadeing lo: wigi nyangnu" ngoo ri said wa shid re" yoem: kaid nyid boem» ga: phoug tid.

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

1 KHOKHAM 13:1

Yeroboam gi xoin" to' wa shid re" phoin: nam moo yab jo, uri Aseing amyeing" dang: yo' dayhang: ti" Yuda mung" mo lapi: dayug gi Bethela khyoo: ju" ri" bye:.

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

EZEKIEL 17:2

Nyang: tid zigi «shid: se' da" byu we"- Israela byumyu" yiri

THU' LO" MOUGSOUG" 20:2

«Nanu" join koid nyid da" Egutu mo shu" thu lo da" nanu" Aseing Mangsoo gi ngoo nghoid.

XOIN" NGEI" 23:42

Israela byumyu" dangain" bang: gi zoem" khoug: moo nyhed nyid" byeung" sho' nyid nyid wa zi nghoid.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.