HOSEA 11:5 - Lacid Common Language Bible

⁵ Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

HOSEA 11:5 Referans Kwoze

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 10:6

Hau: soolhoo: ri Asuri khyoo: khosen moo" shid re" kheing" khyo" dang loo" goo" wa. Israela byumyu" yigi nyangnu" da" phajhi" dang: ri cang yoomo ngi yoem" lho: sho' phu" loo wa.

HOSEA 9:3

Israela byumyu" yigi Aseing da" mougmyid moo nyid loo: wigi Egutu khyoo: doem tau" loo" ca" lho: toem' to" da" zoo: noem ri Asuri moo zoo: ca" loo goo" wa.

AMO 5:27

Damasku da" thei: shoid mungdain: khoug: khyoo: nanu" ri pyoung" she: lo" uri hau: soolhoo: joem ri nanu" shoug" dang loo" ca" goo" wa» ga: wigi myhang: thang da" Mangsoo ga: myeing yoo" su: Aseing tid nyid.

AMO 4:6

Ngoo gi nanu" da" voomoo" joem dangain" jang" moo zooyoid phang" khoug ri khyo' kaid nghoid loug we' nanu" gi nga" jhang khyoo: aphug lo boem nghoid ago".

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

TARHA" TID POIN" 17:16

Khokham phoo gi nya: da" gyidab shid re" myang: myoo: sho' du: age yoo" wa. Houg: lho: nya: mung" byu yiri myang: qei wa shid re" Egutu khyoo: ayo" nhang: kaid wa. Ciwim gari Aseing gi nya: byumyu" yiri hau: mung" khyoo: khanham we' age doem tau" yhi: ga: tid da:.

AMO 4:11

Ngoo gi Sodom yo' Gomora voo ri phyo' shoin' pyam yhang: ti" nanu" mo deung nyid mo, gi myikhyoem mo she: thu to" da" myi: zoo" toem' te" zi danghoid lo ago". Nghoid loug we' nanu" gi nga" jhang khyoo: adoem tau" loo shi" nghoid ago» ga: Aseing tid nyid.