HOSEA 11:10 - Lacid Common Language Bible

¹⁰ Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.

HOSEA 11:10 Referans Kwoze

AMO 1:2

Amo tid zigi «Aseing gi Ziun mo wigi thui: zeing yo' yoid nyid. Nya: thui: gi Yerusalem mo thu lo da:. Mhain" nu" yoo gi kyoug lo" lho: Kharmela boem tho' moo vufu" yoo we' yhau" loo" khari" bye:.

YOELA 3:16

Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.

ESAIA 31:4

Aseing gi ngoo ri «Yang zung" bang: khayhi' kyi: nyhoo: nyhoo:- gougnyhoug ri ngaid said da" khangkhyi ri nyangnu" ayo" kyug tang" kaid nghoid ago'. Hougsu" nyang:- Ziun boem ri goem loem nyid da" myhang: thang Aseing nga" lo, mo hang" we' ayo" toem' pyam nghoid ago".

YEREMIA 25:30

«Nang Yeremia we"- ngoo tid to" gu: dangain" ri tid fu" ca" da:. Nang gi he: byu yiri ‹Aseing gi mougkhung: mo nyho: loo wa. houg: lho: myhang: da" mougkhung: mo mouggoem: goem: loo wa. Nyang: gi nya: byumyu" yiri thougtheung wigi nyho: loo wa. Nyang: gi zabyid shi" nang: su: yhang: ti" nyho: loo wa. Mougmyid tho' mo yugkhang" moo" nya: thui: ri shau" gyo: loo goo" wa.

YEREMIA 31:9

Nga" byumyu" yigi ngoo nyangnu" ri shu" tau" lo uri ngau zoo" re akyu" mho' wigi tau" loo goo" wa. Ngoo gi nyangnu" ri gyid zoo: gyung: khyo" nyangnu" khyid: vhu" azang" thung" wa da" khyoo: dam khyo" shu" yhi: wa. Ngoo gi Israela da" nya: phoo nghoid wigi Ephrim gi nga" zooshid" yuggi zoo: nghoid da» ga: tid.

ESAIA 64:2

Nyangnu" gi lung da" myi: atho' mo zhu: nyid da" gyid yhang: ti" ko' ko' nain" boem goo" wa. Re" gyivoo yiri re" yoem: so' re" ci: shug byid: we'. Re" shidkhoin" moo byumyu" yiri ko' ko' nain" nhang: we'.

2PETRU 2:10

Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

ZEKHARIA 10:12

Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

ZEKHARIA 8:7

Nyangnu" ri shu" byo sain" loo" shau" da" mungdain joem mo nga" mung" byu yiri ngoo khyoid yu shi" wa zi nghoid lho:

HABAKU 3:16

He: khyoo: dangain" ri ngoo shau" gyo: lho: ngoo gi gyoug nain" nyid. Nga" nhoid yid we' gyoug wigi nain" nyid bye:. Nga" gung du: gi ayo" dei loeb loo: nga" khyid: we' khyid: vhu" thung" bye:. Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re" ngoo gi sam: zoo: lang" nyid wa nghoid.

MIKHA 4:5

Byumyu" yi ja: khang" moo" gi nyang: nya: da" yu phara" joem ri coung" pid boem wigi tam" gyo: nyid ago". Nghoid loug we' ngoonu" koem' gi ngoonu" da" Aseing Mangsoo ri apyaid atoo: moo coung" pid lho: nya: ji dang: ri tam" gyo: nyid boem wa nghoid.

AMO 3:8

Khang khyi myeung kaid ri agyug mo, hang" boo wa la". Myhang: thang Aseing tid kaid lang" nya: mungdang: atid fu" kaid loo: za: hang" yo" nyid wa la".

AMO 3:4

Khangkhyi gi siyoo moo shoo" amyang shi" ri lhoung myeing yu" la". Khangkhyi nu" we' khyung: khoug: moo daja: ja: ri ashoug" ngaid ci: shi" ri lhoung myeung yu" la".

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

YEREMIA 33:9

Yerusalem gi ngei bu khyoo:- ngi: shab khyoo:- nga" gang mo phau: khyoo: joem da" ajhung: bue" loo wa. Mougmyid dang moo nyid boem da" byumyu" khang" moo" gi Yerusalem byu yi shid re" ngoo koid byid: da" ge da" moo" zoo" joem yo' ngo wigi voomoo" ri nyid gi yab gi nhang: da" khyoo: joem yo' sen: wigi nyangnu" shoug" gyoo: lang" gyoug wigi ko' ko' nain" loo goo" wa» ga: tid da:.

YEREMIA 7:9

Nanu" gi khau" zo:- byu said- myi: shoid lang shoid- jham' tang: wigi mhau'- Bala ri xoin" ngei" byid:- nanu" shid phyang" khanham we' ase' lo da" yu phara" joem ri no' ago".

YEREMIA 7:6

Tungbau byu yi coug" zoo: yi cougmoo" yiri akho: akhang" yu wigi mhau' zo: ziri theing: pyam we'. He: mougmyid moo yooboo ayoo" bang: ri said khyoo: ri theing: pyam ge'. Yu phara" gootu: no' khyoo: ri theing: pyam ge'. Ciwim ga: ri hau: ziri koid zigi nanu" ri phyo' shoin' pyam loo goo" wa.

YEREMIA 5:22

Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

ESAIA 49:10

Nyangnu" gi khanham we' zooyoid wa gyidshed wa zi anghoid. Bid yo' dain" pyoid yoo loung zigi nyangnu" ri dam tab wa zi anghoid. Ciwim gari nyangnu" gi nyangnu" ri jheddab su: wigi shu" vhu" she: yhe: zi shoug" loo goo" wa. Nyang: gi nyangnu" ri gyid boug joem khyoo: shu" vhu" she: yhe: loo" wa.

ESAIA 42:13

Aseing gi gyi khaid sarhi dayug yhang: ti" gyikhaid wa thu lo" da:. nyang: gi gyi khaid pui" shid re" jen" jen" nghoid wigi gau gau yi yi nghoid nyid da:. Nyang: gi meing: zain: wa mho' yoid- gyi khaid jang: moo nyho: nyid da:. Nyang: gi nya: gyivoo yiri nya: yoem so' ci: shug byid: da:.

ESAIA 2:5

Akhid"- Yaku da" amyed ashen yi we"- Aseing wigi ngoonu" ri byid: to" da" bidbang moo so" nyid shang.

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 2:11

Aseing ri gyoug phau" myang: ziyo' noku coung" nghei nyid ge'.

YOBA 37:1

Uglid gi nga" nheigloem: ri phibu phaxeig seing" gug thung" nhang: da:.

Pang Shug 10:3

Khang khyi, myeung yhang: ti" - nyang: gi thui: zeing yo' nyho: thu' kaid. Nyang: houg: su" ga: nyho: thu' kaid da" thang: ri moug: goem: thui: nyhed, loem: yo' phug tu" myeung thu lo.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

EZEKIEL 26:16

Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

YEREMIA 50:4

Aseing tid zigi «Hau: ayo, ju" loo lang" Israela yo' Yuda byu yigi ngougbyid ngougnhab yo' nyangnu" Mangsoo ngoo ri sho: loo goo" wa.

ZEKHARIA 10:10

Ngoo gi Egutu yo' Asuri mo nyangnu" ri yhoem: khyoo: shu" yu wa. Hau: lho: nyangnu" ri nyangnu" da" moug: moo doem nyhed: too" wa. Gilead yo' Lebanon moo we' nyangnu" ri doem nyhed: too" wa. Damung" goin" jang" moo nga" byu yi za: byeung" loo wa.