HOSEA 10:14 - Lacid Common Language Bible

¹⁴ Meing: zain: pui: gi re" byu yi jhang ju" re" lho: nanu" gyidab vang dangain" re" phyo' shoin' pyam zi shau" loo wa. Hau: zigi Shalman khokham wigi Bethebela voomoo" ri gyi khaid lho: phyo' shoin' pyam ziyo' myhi' zeing yiri yo' nyangnu" da" zooshang: yiri khyoeb moin' said pyam da" bidnyid yo' dayhang: ti" nghoid loo wa.

HOSEA 10:14 Referans Kwoze

HOSEA 13:16

Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

HABAKU 1:10

Nyangnu" gi khokham yiri juang" lho: zoug: yiri we' aphoug" akhyoid koid boem wa zi nghoid. Gyi pyu zung joem moo myidzhoo" nhang do, lo" lho: gyidab ri zain: yu pyam' boem bye:.

NAHUM 3:12

Re" da" gyi khau: zung: joem dangain" gi ashi" myheung jo, da" lafoem' gam joem yhang: ti" bue" loo wa. Shi" gam joem moo yhe: nhoid kaid ri ashi" gi re" nhoin khoug: moo nyang: gyo" vang loo wa nghoid.

NAHUM 3:10

Akhid" koem' gi Thebe mung" byu yigi goo" moug: khyoo: pyoung" lo" zi shau" ago". Khyoo: kang" khang" moo" moo nyangnu" da" zooshang: yigi baid said to" zi shau" boem bye:. Nyangnu" da" vhu" she: ludaid yigi jangcoo" wigi tei" she: lo" zi shoug" lho: nyangnu" ri re" tei" shi: mo, gi gam go" lo boem bye:.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

AMO 3:8

Khang khyi myeung kaid ri agyug mo, hang" boo wa la". Myhang: thang Aseing tid kaid lang" nya: mungdang: atid fu" kaid loo: za: hang" yo" nyid wa la".

YEREMIA 48:41

Voogung joem yo' gyidab vang joem ri seing: yu pyam wa. Hau: bidnyid moo Moba gyizoo: yigi zookhu: da" myiyi: gyoug dain yhang: ti" gyoug dain wa.

ESAIA 33:14

Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".

ESAIA 17:3

Israela gi goem loem khyoo: ajo, wa. Damasku gi loid byoin khyoo: byug byug wa. Nyid deing da" Suri byu yigi Israela byu yi yo' dayhang: ti" ngi: yoem" loo wa. Ngoo myhang: thang Aseing tid bye:» ga: tid.

2 KHOKHAM 18:33

Kha: mungdain: mo yu phara" joem gi nyangnu" mung" ri Asuri khosen jang" mo yo" khyoid yu yu" go" rhe".

2 KHOKHAM 17:16

Nyangnu" gi nyangnu" Aseing Mangso da" tarha" joem dangain" ziri phyo' pyam lho: no' wa shid re" to' nu: nu" soolhoo: eig loem: ri koid ago". Nyangnu" gi yu phara" myhi' Ashera da" soolhoo: ri we' koid lho: kyi: joem ri no' ago". Bala yu phara" ri we' dei byid: ago".

APOEM AYANG: 32:11

Ngoo ri nga" mang: Eso jang" mo khyoid yu we' ngoo mho' nyid. Ngoo gyoug nyid. Nyang: gi ngoonu" ri re" zain: lho: myiyi: yo' zooshang: yiri we' ngoonu" dangain" ri said pyam loo wa ziri gyoug nyid o".

YEREMIA 13:14

Hau: thang: ngoo gi jhuang: daloem: yo' daloem: ri ko' kho' pyam ziyo' dakhyoo" ti" nyangnu" ri mang: zoo:- zoo shang:- akhyen: loo: kho' mhoin' pyam wa. Nyangnu" ri ngoo said pyam wa ziri ce: nheig khyeug myid- seing" no myid anghoid lang" nheig myen: khyoo: yo' ayo" toem' pyam wa.

2 KHOKHAM 17:3

Asuri khosen Shalmanesa gi nyang: ri meing: re" zain: da:. Hoshea gi Shalmanesa ri asoem" byid: wigi zain khang" moo" khang" doug byid: da:.

HOSEA 10:15

Bethela mo byu yi we"- Nanu" koid lid lo da" akhyeing" ashoeb moo" zoo" joem yoomo nanu" moo hougsu" nyang: bue" loo goo" wa. Gyi khaid shid" ri" yo' dage" Israela khokham shid: loo" wa.

AMO 3:14

Israela byumyu" yiri nyangnu" da" yooboo joem yoomo yooboo dam kaid wa da" bidnyid moo Bethela mo phoin: joem ri we' ngoo phyo' sain" pyam wa. Phoin: loem: khang" moo" mo akhyoug: joem gi gyau: lo" wigi myidjang khyoo: gyoeb gyo" pyam wa.

MIKHA 5:11

Ngoo gi nanu" da" mougmyid mo voomoo" joem ri phyo' shoin' pyam lho: nanu" da" khoug: goo zung: joem dangain" ri we' doin: lheung: pyam byid: wa.