HOSEA 10:12 - Lacid Common Language Bible

¹² Ngoo gi «Nanya: shid re" yoo seig ri phug yu we' deungmain" zi sho" lho: ngoo ri tam" gyoo: yoomo yo" re" wa da" mainkaid jeju" ri yhoem" yu we'. Re" Aseing-nga" jhang khyoo: doem lheing: lo wa ayo, ju" bye:. Ngoo ju" re" lho: re" adang moo mainkaid jeju" foid shoin" byid: wa» ein: tid bye:.

HOSEA 10:12 Referans Kwoze

YAKU 3:18

Myenjham" khyoo: vhoo: mo' - myenjham" tung" sho" to" da" amyoug: ashi" mo zei: thu' lo da" ashi" gi ge, lho, da" khyoo: za: nghoid nyid.

ESAIA 45:8

Moug: vo yhang: ti" oung: doid ziri mougkhung: mo ngoo nhang: kaid byid: wa. Mougmyid gi hau: ziri kham yu wa shid re" phang byid: loo wa. Houg: lho: loid byoin ziyo' tarha" deing byeung" zigi bue" thu loo wa. Ngoo Aseing gi he: ziri bui" nhang: wa.

DANG: ZHOEM 11:18

Akhyeung" da" byu yigi gyeing" nyang: ci" we' yo" yu wa zi anghoid. Nghoid loug we' deingmain" da" khyoo: ri nang dazei: nyid nghoid rigi coung" nghei ngi: shab jhungshug ri nang deing" deing shoug" khau: yu wa zi nghoid.

ESAIA 55:6

Aseing jhang lheing: lo lho: nyang: ri akyu" mho' ge'. Akhid" nyang: gi jang" moo nyid.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

PHAJHI" DANG: 11:6

Nab soin: ri we' myen" thang: ri we' shivoo: shigam zhung" nyid ge'. Hau: joem gi dangain" yug gyi: loo wa lug- anghoid lang" dayham" gi gootu: tho' je yug gyi: loo wa lug ga: ziri nang khanham we asi.

COUNG" NGHEI 105:4

Pang" thug baja" ga: mho' wa shid re" Aseing jhang khyoo: yu: zeung yhi: we'. Yaku amyed ashen yi we' Mangsoo zei: shug bye: da" alho: again joem yo' nyang: byid: too" bye: da" tarha" dang: kho khyoo: ri boin: so" nyid we'.

LUKA 13:24

Yesu gi Nanu" gi jhab' da" khoem" duang: moo vang wa yoem: kaid ge" byu myoo" sho' mo, we' hau: khoem" duang: moo vang wa ga: yoem: kaid boem wa. Yo" vang wa yoem: bo boem zi anghoid wigi ngoo nanu" ri tid.

AMO 5:15

Akhyeing" ashoeb da" khyoo: ri ngheung" lho: ge da" khyoo: ri jheddab nyid we'. Hau: lho: tarha" yung" moo we' tarha" deingmain" khyo" bui" nhang: we'. Aseing gi he: byumyu" mo ashid: loo: nyid deing gyoo" mo, ri nheig to khyeug shi" abe.

AMO 5:6

Aseing jhang khyoo: yhi: we'. Houg: lang" nanu" gi kangso' shau" dei nyid boem wa. Nanu" ayhe: nghoid rigi Israela byumyu" yi da" atho' moo myi: yo' dakhyoo" ti" nyang: gi jhoid" koid pyam loo wa. Myi: gi Bethela mo da" byu yiri nge" pyam lo lho: hau: myi: ri hang" we" ayo" said pyam wa zi nghoid.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

AMO 5:4

Aseing gi Israela byumyu" yiri tid nyid «Israela byumyu" yi we" nga" jhang ri" we'. Houg: lang" nanu" gi kangso' shau" dei nyid goo" wa.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

AMO 5:8

Aseing gi Kyi: gyo: lakhyoin- Boo" kyi: ga: da" kyi: joem ri phain" so: to". Nyang: gi moug: coid ri bidbang bui" nhang: lho: nyid" dang: gung rilang" myen" moo" bue" loo nhang:. Nyang: gi Panglai: gyid ri khe: yu lho: mougmyid tho' moo foid shoin" kaid nyid. Nya: myeing gi Aseing ga: zi nghoid.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

ACTS 2:18

Nghoid bye- hau: da" bidnyid ri Nga" da" dei zoo: yug gi myi: yi: dangain" mo, da" atho moo nga" Venyi: foid shoin" byid: wa Houg: lang" nyangnu" gi Nga" mungdang: ri tid fu" loo" wa nghoid.

EZEKIEL 34:26

«Ngoo gi nyangnu" ri mainkaid byid: wigi nyangnu" ri nga" da" gyeung" shang: bouggung goem sho' moo nyid nhang: wa. Hau: joyoo moo ngoo gi nyangnu" ri nyangnu" ca" da" uri jeju" moug: voo byid: wigi mainkaid byid: wa.

ESAIA 32:20

Shivoo: joem shid re" gyid agoin agoo" yo" lho: loo zei: joem yo' nu: joem shid re" gau: da" coung" yoo khyi' khang" moo" moo yo" da" su: yugkhang" moo" gi gye" ngei pyo: nyid.

ESAIA 30:23

Nanu" da" myoug: shi" joem ri sain" kaid khang" mo"- hau: joem ri yug nhang: wa shid re" Aseing gi moug: voo nhang: wigi myoo" sho' yhoem" yu nhang: wa. Nanu" da" gougnyhoug joem gi coung" yoo agoin agoo" yoo" wa.

YEREMIA 50:4

Aseing tid zigi «Hau: ayo, ju" loo lang" Israela yo' Yuda byu yigi ngougbyid ngougnhab yo' nyangnu" Mangsoo ngoo ri sho: loo goo" wa.

ESAIA 5:6

Ngoo gi hau joem ri myo, se: nhe' pyam nhang: pyam wa. Zabyid nei ri acu: shang: wa. Hau: ziri akhoeb nu" byid: wa. Hau: gungthid hau: jang" moo myo, lam" yo' zu: kyin: joem nghoeb nhang: wa. Hau: adang moo moug: voo byid: wa ziri lang" jhoemmoug" ri toem' pyam byid: wa.

DANG: ZHOEM 18:21

Nang tid thu kaid da" dang: gi kang: so' ri yo" dei nyid nhang: ziyo' dakhyoo" ti"- yo" shid: loo" nhang: nyid. Houg: yoomo re" da" dang: khoin" thui: gang mo bue" lo khyoo: dangain" ri kham: yu ca" nyid.

COUNG" NGHEI 72:6

Yoothung" dain" moo: moug: vo yhang: ti" myidjang tho' moo: byoem: loem: moug: vo gyo" nyid yhang: ti" khokham phoo we' hougsu" nghoid nyid baja".

2~KORINTHU 9:10

Amyoug: sain" su: ri amyoug: byid: wigi zoo: noem shug phoo" bue" loo nhang: nyid da- Mangsoo gi nanu" moo vho: nyid da" amyoug: ashi" myoo" sho' ri we' byid: nyid tho' moo gootu: hau: amyoug: ashi" ri -youg gyi: loo nhang: wigi ashi" myoo: sho' zei: loo nhang: nyid. Houg zigi nanu" jheddab e" nyid mo byid: da" alu jhung: shug: da" gug shi" mei: shi: ri tid nyid zi nghoid.

ESAIA 48:18

Nanu" nga" amyeing" dang: joem ri za: datam" gyo: nghoid rigi Khanham we' akain" da" gyid zoo: gyung: yhang: ti" mainkaid jeju" joem re" shid re" yau nyid wa. Gyid yam mo do, lo da" being: lhung" yo' dayhang: ti" oung: doid zigi re" dang moo ju" loo wa.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

ESAIA 54:14

Tarha" deingmain" ziyo' jo zigi nang ri yoem: boo nhang: loo wa. Nang gi zeig zo: ziyo' gyoug ci' jang" mo goem loem zi shoug" yu wa.