HEBRE 1:3 - Lacid Common Language Bible

³ Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

HEBRE 1:3 Referans Kwoze

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

YOHAN 1:4

Hau: mungdang: gi kangso' ajhung nghoid- hau: da" kangso' gi Byu yi da" bidbang nghoid.

HEBRE 10:12

Khristu koem gi youg: noo yooboo ri khyoid pyam byid: wa shid' mo pyaid didu moo akyu" bo da' xoin" daja: yo' za: bain to' byid: pyam' thang: ri Mangso lo, yo shoid moo lo" zhoung: jo, bye.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

HEBRE 9:26

Houg: su" xoin" myo" sho' lheing: dato' nyid ca" shi" nghoid rigi mougmyid' ri phain" shed" jang" mo nyang- myo" sho' lheing: doem: shid: kham: kham: koid nyid wam: bye. Akhid" koem' gi mougmyid pyaid thang wa zi jhang lo nyid uri pyaid didu shid mo dalheing: dam, bain sho' nya: gung du: ri xoin" to' pyam' bye: ziyo' youg: noo yooboo ri shoem" shoung: pyam byid: bye.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

HEBRE 4:14

Hougsu" nghoid nyid yoomo ngoonu" yhen: yu lho: loem" jeing" bye: da" loem khau: khyoo: moo nheigloem: zug jo, shang- Khasu" wim gari Mangso da" shid khoin" moo khyang: vang loo" bye: Mangsoo da" nya: zoo:- Yesu ga: da" Khainjung zeing dayug- ngoonu" yoo" nyid bye.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.

2PETRU 1:16

Ngoonu" da" Aseing Yesu Khristu da" yoem: moo" phung" yoeb yo' ju" re" da" khyoo: nanu" ri si' nhang: wa da" shid re" ngoonu" gi byu yi koid: zheung" koid to" da" moomyed: ri ayang: koid khyoo: akoid boem loo. Ngoonu" nya: myu, jid" yo' nyang:- nya: da" gyi: sheung reung: da" khyoo: ri nyang:- shau" myang boem bye.

1PETERU 3:22

Hau: da" Aseing: gi moug: khung: khyoo: vang lo" lho: akhid" Mangso lo, yo shoid moo zhoung: jo, bye- moug: lagyoo: yi yo' moug: khung: mo aya: yoo" mo, yo' myonhoo: phung" yoeb, boo mo, tho' moo oung: doid' lo" wigi vhoeb khang" nyid bye.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

HEBRE 8:1

Akhid" ngoonu" tid kyo" nyid da" khyoo: joem mo yhau: gyeung: thang da" dang" zeing khoin" gi Houg: yhangte" da" khainjung agyi moo" ngoonu" yo" boem bye. Nyang: gi moug: khung: moug: di tho' mo amyeing" akhang" bo da" zhung: tang lo, yo shoid moo lo" zhoung: jo, bye.

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

COUNG" NGHEI 75:3

Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

HEBRE 7:27

Nyang: gi gootu: da" khainjung agyi yi yhangti"-xang shed" ri nyang: tu: nya: da" youg: noo yooboo shid re"-nyid" khang" moo" xoin" nghei" byid: nyid wa ca" su: anghoid. Nyang: gi nya: da" gung du: ri xoin" du: koid lho:-xoin" to' byid: uri-dalheing: za: yo' bain' sho' ngei" byid: pyam bye.

ACTS 2:33

Nyang: gi nya: pho, lo, yo shoid' moo zhoung: jo, wa shid re" to' yu zi shau" lho: Nya: pho, dang: soo" khoin" byid: too" bye: ziyo' dakhyoo" ti" Nya: pho jang" mo gyeungshang: da" Venyi ri yo" shau" kham: yu bye. Akhid" nanu" shau" myang ziyo' shau" gyo: nyid khyoo: gi nyang: nga" da" atho' moo foid shoin" byid: da-nya: jeju" jhung: shug nghoid bye.

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

KOLOSE 3:1

Nanu" gi Khristu yo' dage" doem dei to'' loo bye: ziri shau" kham: yu boem, bye: yoomo Mangsoo, yo shoid mo nya: Khokham" zhung: tang moo zhoung: jo, da" Khristu nyid da" moug: khung: mo zi joem ri nheig danhei: nyid ge'.

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

ACTS 7:56

Houg: lang" Stephain gi yu" ge' - moug: khung: gi bang" lo" wigi byu da" nya: zoo: gi Mangso da" lo, yo shoid moo yab, jo, ziri ngoo myang kaid' bye- ga: tid.

COUNG" NGHEI 110:1

Aseing gi re" gyivoo joem ri re" da" khoovoo khoug: moo: kaid pyam da" ayo, ju" sho' hid: nga" da" lo, yo shoid moo: zhoung: jo, we' ga: wigi: nga" Aseing khokham pho ri tid bye:.

1 KHOKHAM MHOOMYID: 29:11

Nang gi gyi: sheung: su:- yoem so' boo su:- phung" yoeb gyi: su:- khid su:- phung gyi: su: nghoid da:. Mougkhung: yo' myidjang tho' moo: jo, moo jo, gi nang seing: zi nghoid da:. Nang gi dangain" ziri vhoebkhang" nyid da" myhang: thang khokham nghoid da:.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

MIKHA 5:4

Nyang: ju" ri" lang" nyang: gi Aseing jang" mo yo" yu da" yoem: vhoo" yo' Aseing Mangsoo nyang: nya: da" yoem: so' moo" yo' nya: byumyu" yiri vhoebkhang" loo wa zi nghoid. Moug: gyab goin" mo byumyu" dangain" bang: gi nya: gyi myang: khyoo: ri boin loo wa yoomo nya: byumyu" yi gau: nyu: za: shoug" nyid wa nghoid wigi

PHAJHI" DANG: 8:4

Khokham gi amyeing" akhang" yo" koid da:. Houg: lho: nyang: koid ziri hang" we' pyi: ayo" shoo: nghoid da:.

YOBA 37:22

Mougzhung: shoid khyoo: yu" kaid ri sheing: yhang: ti" bang jo, da:. Houg: lho: Mangso da" bidbang gi ngoonu" ri gyoug mau" byug nhang: da:.

HEBRE 9:16

Agyid asoo: yo' sen: da" dang: soo: khoin" ri bue" thu' loo nhang: wa da" shid re" dang: theing go" too" bye. Gyeing" nyang: shid: bye: khyoo: sagsi: ri toin" shid' ca" nyid.

MATHE 22:24

Nyangnu" gi «sara: we"- Yuggi dayug gi zoo: aboo shi" ri shid: lo" ri nya: mang: da" cougmoo" myhi, ri nya: nhung" yug lo, doem xo' yu lho: yo" da" zooshang: gi nya: mang: yhoemkhung: xo' void zi nghoid ga: Moshe tid to.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 1:13

Mangsoo gi nya: moug: lagyoo: yi ri doem tid zigi " Re" da" gyivoo joem ri re" da" khyid: nang: wa da" tang khug ngoo bui" nhang: jang" moo ju" sho' nga" lo, yo shoid moo dazhoung: jo, shi" we' ga: wigi kha: moug: lagyoo: ri we' khanham we' atid yu".

2PETRU 1:17

Nyang: ri phoo Mangsoo mo nyang- myonhoo: ngalang" phung" yoeb byid: da" uri we' je" gyi: thang da" phung" yoeb khoug: mo wigi nya: jang" moo ju" re" da" thui: gi He" yug gi ngoo vho" ngei da" ngoo jheddab da" nga" zoo: nghoid, ga: wigi tid uri we' ngoonu" houg moo nyang: yo' dage" nyid.

XOIN" NGEI" 15:15

Khainjung phoo gi ngho' dadu: ri yooboo khyoid xoin" khyo" gootu: dadu: ri myi: nghe' xoin" khyo" bo ngei" byid: wa zi nghoid. He khyoo: khyo" nyang: gi hau: yug da" shid re" thung" khyo" kyeing" sain khyoo: ri koid wa zi nghoid.