GALATI 5:3 - Lacid Common Language Bible

³ Hau: tho' moo gootu: athang: shau" yham" kham, bye: su: gi toung: to" tarha" dangain" ziri cang pyeing ca"- ein: wigi athang: yham" kham: ci: bye: bang: ri ngoo dalheing" doem tid poin" nyid.

GALATI 5:3 Referans Kwoze

GALATI 3:10

Hau: toung: to" da" tarha" cang pyeung da" khyoo: ri myid loem nyid mo, hang" nghoid loug we' tarha" dang: phyed' da" akhoug: moo boo mo, nghoid nyid Khasu" wim gari jhoem: mungdang: gi hau: tarha" moo lhid" too" matoo" yo' dakhyoo" ti"- khanham we' ayo" cang pyeing bang: hang" nghoid loug- tarha" dang phyed' zi shau" wa,, ga: lhid" to".

Roma 2:25

Nang gi Yuda tarha" ri cang" su nghoid lho: re" da sho" yid thang: yham" ziri phoug" tab' ga nghoid loug we' nang gi gyeing" nyang: Yuda tarha" ri atam gyoo: su danghoid nyid rigi sho" yid thang: ayham" ri je gi wa.

TARHA" TID POIN" 27:26

«Mangso da" tarha" joem yo' jhau" shid dang: joem dangain" ri atam" gyoo: su: hang" nghoid loug we' Mangso nheing" khoin" zang" baja". ‹Houg: lang" byumyu" yi dangain" gi ‹Amen› ga: tu" wa zi nghoid.

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

TARHA" TID POIN" 31:21

Houg: lho: gyoug pho" byo, yoin" khyoo: myoo" sho' nyangnu" adang moo ju" loo wa. Nghoid loug we' he: jikhoin" ri dakhoin" nyid shigoo" wa. Houg: lho: hau: zigi nyangnu" ri sagse: bue" jo, wa. Akhid" nghoid loug we' ngoo nyangnu" ri byid: wa ein: dangsoo" byid: to" da" mung" khyoo: ngoo ashu" vang loo" shi" ri nyangnu" cimyid nyid ziri ngoo se' nyid» ga: tid.

TARHA" TID POIN" 8:19

Nanu" Aseing Mangsoo ri khanham we' ato" myhid goo". Gootu: yu phara" joem ri no' wa yo' nyangnu" ri dei byid: wa shid re" alheing: loo" goo". Nanu" hougsu" koid boem nghoid rigi nanu" gi gi nyang: said toem" pyam zi shau" boem ri" goo" wa ein: akhid" nyid" ngoo nanu" ri tid poin" byid: bye:.

MATHE 23:18

Hang" nghoid loug Mangso da" phoin: ri nheung" rigi ci: aca" ga: myid: boem nghoid loug we' phoin: tho' mo ri nheung" su: gi nya: da" nheing" myeing" ri cang pyeing ca" jhau" ga: jhau" boem rigi nanu" shid re" khoyhi gyoug phoo" nghoid.

1THESALONI 4:6

Hid: yhang: te" da" moozoo" moo nanu" mo hang" nghoid loug we' nyang: nya: da"Khristain mang nhung phoo ri shoid vhang: da" khyoo:- houg: su" anghoid lang" gi mang: nhung" pho, da" atho' moo lhoid, sham: zain: da" khyoo: ge, koid -he: khyoo: xang: shed" moo nanu" ri tid kyo" yu" bye nghoid yoomo Mangsoo gishoid vhang: bang: ri shen" yhen wa da" khyoo: nanu" rithain: thain: nyang: tid poin' kaid' bye.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 2:40

Houg: lang" Petru gi gootu: dang: khyoo" myoo" sho' yo' nyangnu" ri tid poin" tid kyeing" byid: zoore- nanu" gi he: akhyeing" ashoeb da" byu yi tho' moo ju" lo nyid da- yoobo dam mo loid byoin loo: ge'- ga: tid poin" da.

LUKA 16:28

Houg: moo nga" nhung" yi wim: yug nyid shi"- nyangnu" we' hid: yhi' kyi" khyeug jamjau jang" moo azheing: ju" loo wa shid' re" nyangnu" ri lo" tid poin" nhang: we'.

MATHE 23:16

«Khyoo: shid da" myo, jed mo, we"- nanu" gi joem: lo" abye: go. Hang" nghoid loug we' Noku yhoem: moo" myeing ri lang: lho: nheung" rigi ci: aca" ga: myid boem nghoid loug we' hau: zigti nanu" shid' re' yhoem: mo da" sheing: ri nheung" su gi hau: nheing" khoin" ri cang pyeing ca" ga: jhau" boem rigi nanu" shid re" khayhi' gyoug: hoo" nghoid.

NEHEMIA 9:34

Ngoonu" da" phoug" phyid" yi ngoonu" da" khokham yi vhujhung: yi yo' khainjung yigi re" tarha" ri acang goo" nghoid ago". Nyangnu" gi re" amyeing" dang: joem yo' tid poin" dang: joem ri atam" gyoo: nghoid ago".

ACTS 15:1

Byu dayham" bang: gi Yuda mung" mo zi Antioki voo moo zheung: ju" re" boem lho-loem" jeing" bang: ri nyangnu" gi Moshe da" tarha" yo' dakhyoo" ti" shooyid' thang: yham" zi akoid boem nghoid rigi khyoid yu zi ayo" shau" ga- yhe: jhoug" byid: shed" lo" ago".

GALATI 5:2

Tam" gyoo: ge' nanu" athang: yham" boem bye: nghoid rigi Khristu gi nanu" shid' re" ce" akyu" we' aboo- ein: ngoo Polu nyang: nanu" ri tid kyoo" ba'.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.