GALATI 4:8 - Lacid Common Language Bible

⁸ Lai loo" bye: da" ayo, moo nanu" gi Mangsoo ri ase' boem shi" yoomo adeung amain" da" phara" yi da" join, yi bue" nyid boem bye.

GALATI 4:8 Referans Kwoze

1Korinthians 8:4

Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

1PETERU 4:3

Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

ESAIA 37:19

Houg: lho: nyangnu" yu phara" ri we' nghe' pyam byid bye:. Hau zigi yu phara" dangain" anghoid- byu lo, yo' koid to" da lug boem yo' seig soolhoo: joem za: danghoid.

2 KHOKHAM MHOOMYID: 13:9

Nanu" gi Aseing da" khainjung- Arun da" amyed ashen yiri yo' Levi byu yiri khaid pyam ago". Houg: bang: da" khoo: moo nanu" gi gootu: byumyu" yi koid yhang: ti" khainjung yiri sain' to" ago". Nuloo: dadu: anghoid lang" yang nyhed du: yo' dage" ju" ri" yug hang" we' nyang: nya: gung ri nanu" nya: yu phara" joem ga: myheing boem da" yu phara" joem da" khainjung khyo" yoovoin yo" yu da:.

Ephesu 4:18

Nyang: nu" da" se' yeug nyain: phajhi" gi moug: coid nghoid nyid wigi bain sho' nyang: akoo" afang: nghoid nyid nheigloem: thain: nyid boem yoomo Mangsoo byid: da" kangso' gam boem' moo nyangnu" gi aboo bang: nghoid nyid ago".

1Korinthians 12:2

Nanu" gi tungbau byumyu" yi danghoid nyid boem shi" ayo, moo: khyoo: aja" ja: moo: khyoo: vhang: vhang: loo" bang: nghoid boem wigi- kangso abo da" soolhoo: joem ri- noku lai lo boem bye: ziri: nanu" nyang: si' gu nghoid.

YEREMIA 10:25

Nang ri anoku da" byumyu" yi jhang yo' Nang ri ngeug he: pyam da" byumyu" yi jhang re" nheig yo: khyoo: ri lheing: phug kaid we'. Nyangnu" gi re" byumyu" yiri said pyam ago". Nyangnu" gi ngoonu" ri bain sho' phyo' shoin' pyam wigi ngoonu" da" mungdain: ri byo, yoin" jo, nhang: to" kho' bye:.

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

YOSHU 24:2

Yoshu gi byumyu" yi dangain" bang: ri «He: zigi Israela da" Aseing Mangsoo tid da" dang: nghoid da:. Hau: zigi ‹Goonham- nanu" phoug" phyid" yigi Uphrad thei: tab moo nyid wigi yu phara" gootu: ri no' bang: nghoid ago". Hau: phoug" phyid" yi mo dayug gi Abraham yo' Nahora tang: da" nya: phoo Tera nghoid da:.

THU' LO" MOUGSOUG" 5:2

Khokham koem' gi nyang: ri tam" gyoo: wa ziyo' Israela byumyu" yiri nhang: kaid wa shid re" «Aseing ga zi hang" nghoid. Ngoo Aseing ri asi'. Israela byumyu" yiri we' ayo" nhang: kaid» ga: tid bye:.

1YOHAN 3:1

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

ACTS 17:23

Khasu" wim gari ngoo nanu" da" voogung khoug: moo so" yen" ri nanu" da" coung" pid' joyoo joem ri cang yu" yen" ri" Ngoonu" ase' da" Mangso shid mo, , ga: lhid" tab to" da" phoin: daloem: ri ngoo myang. Hau: nanu" asi looza: noku nyid da" Mangso khyoo: ri akhid" ngoo tid khyo" nyid zi nghoid.

ACTS 14:12

Nyang: nu" gi Barnaba ri ze-u ga: Polu rigi shu" kho" kyoo" gu: nghoid yoomo Herma ga: myheing myheing byid: boem.

YOHAN 1:10

Mungdang: gi mougmyid moo jo, jo bye. Mangsoo gi mougmyid ri Mungdang yo" phain" too" bye: nghoid loug we' mougmyid gi nyang: ri asi.

YEREMIA 2:11

Gootu: kha: byumyu" yi we' Mangsoo gyeing" anghoid da" Nyangnu" yu phara" joem ri athed pyam yu" nghoid da:. Nghoid loug we' nga" byumyu" yigi nyangnu" ri ngi: shab byid lo da" Mangsoo ngoo ri Nyangnu" shid re" ci ayo" koid byid: da" yu phara" joem yo' thid go" pyam abye: go".

Roma 1:23

Ase' shid: da" Mangsoo: ri noku ca" nghoid loug - se' shid: lo" da byu nghoo: joem - myid: khyid: dab da goug: nyoug joem - hougsu" anghoid lang" do: yu: lo" se' da" goug: nyhoug yi ngho' joem da" soolhoo: joem ri no' ku" boem ago"

YEREMIA 5:7

Aseing myid: zigi «Ngoo gi ciwim nga" byumyu" yi da" yooboo joem ri khyoid byid: boem wa la". Nyangnu" gi ngoo ri she: pyam too" kho' lho: Mangso gyeing" anghoid da" yu phara" joem ri no' abye: go". Ngoo gi nga" byumyu" yiri nyangnu" gyi: sho' byid: zhoo" byid: jhug bye:. Nghoid loug we' nyangnu" gi myi: shoid lang shoid wigi Nyangnu" da" ayo, akhyeing: ri shava myhi' yi yo' nyid pyam da:.

YEREMIA 16:20

Byu yigi nyangnu" da" Mangsoo ri yo" koid yu la". Ayo" koid yu. Nyangnu" yo" koid yu nghoid loug- hau: zigi Mangsoo gyeing" anghoid.

GALATI 4:3

Houg: yo' dakhyoo" ti" ngoonu" we' Venyi khyoo: moo nheig boo ung: gyeung: da" byu yi abui" shi" uri mougmyid gyab, goin" ziri vhoeb khang" nyid da" yu join: soo" byoo joem da" join, bue" nyid boem.