GALATI 3:8 - Lacid Common Language Bible

⁸ Hau: jhoem: mungdang: we' Mangsoo gi loem" jeung" ziyo' tungbau byumyu" yi ri deing byeung" nhang: wa,, ga: wigi tid too" bye- Hougsu" wigi jhoem: mougsoug" gi" Byumyu" bain sho' bang: gi nang yoomo-ngilhoo, dang khab, boem wa,, ga: wigi Abraham ri hau: ngei bu: lu dang: ri tid kyoo" bye.

GALATI 3:8 Referans Kwoze

APOEM AYANG: 12:3

Nang ri mainkaid dang: sang: mo, ri ngoo we' mainkaid byid: wa. Nghoid loug we' nang ri nheing" mo, ri ngoo we' nheing" wa. Houg: lho: nang yoomo ngoo gi byumyu" dangain" bang: ri mainkaid byid: wa» ga: tid.

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 28:14

Nyangnu" gi moug: gyab goin" moo zhoophei" su" myo: tham: loo wa nghoid. Nyangnu" da" meing: ri ashoid shoid khyoo: ce" lam yhe: loo" wa zi nghoid lho: nang yo' re" amyed ashen yi khyo" wigi ngoo gi byumyu" dangain" ri mainkaid byid: wa.

APOEM AYANG: 26:4

Ngoo gi re" amyed ashen yiri mougkhung: mo kyi: joem ri te" myo: tham: nhang: wigi he: moug: dangain" nyangnu" ri ngoo byid: wa. Byumyu" dangain" bang: gi re" da" amyed ashen yiri ngoo mainkaid byid: yhang: ti" nyangnu" ri we' mainkaid byid: wa shid re" ngoo ri mho' sang: lo boem wa nghoid.

APOEM AYANG: 18:18

Nya: amyed ashen yigi byumyu" zeing- yoem: bo da" byumyu" bue" loo wa nghoid. Nyang: khyo" wigi ngoo gi byumyu" dangain" bang: ri mainkaid byid: wa.

HEBRE 4:2

Khasu" wim gari ngoonu" gi goonham, mo mo, yo' dakhyoo" ti"- hau: ngei bu lu dang: seig ri shau" gyo: yu boem bye- Nghoid loug we' nyangnu" shau" gyo: da" ngei bu lu dang: gi ngoonu" shid re" ce" akyu" we' aboo- Khasu" wim gari nyangnu" shau" gyo" da" uri nyangnu" gi hau: khyoo: ri loem" jeung" myid' yo' alhoem: yu boem nghoid ago".

GALATI 3:22

Nghoid loug we' mougmyid gyab goin" gi hau: youg: noo yoobo wigi nghoeb, boem" pyam' bye, ga: wigi jhoem: mougsoug" moo tid nyid hougsu" nghoid yoomo Yesu Khristu ri loem" jeung khyo" wigi byid: wa ga: da" dang: soo" jeju" agyid asoo: ri loem" jeing" bang: ri byid: nyid.

GALATI 3:16

Akhid" Mangsoo gi nya: da" dang: soo" khoin" gi Abraham yo' nya: myid: nya: zoo: yi ri byid: too" bye- jhoem: mougsoug" gi nya: myid: nya: zoo: myoo" sho' byu yug myoo" sho' ga: dang: ri aci- re" myid: zoo: ein: da" dayug ri kyeing" tid nyid wigi hau: zigi Khristu ri tid nyid zi nghoid.

YOHAN 7:38

Ngoori loem" jeung" sugi jhoem: mungdang: moo bo ziyo' dakhyoo" ti"- nya: da" nheigloem: khoug: mo we' dei kangso' gyid gyung: joem myoo" sho' yau thu' lo nyid wa zi nghoid.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Roma 9:30

ngoonu" tid nau da khyoo: gi hid: su" nghoid. Mangso: da" shid' khoin" moo deingbyeing" mo bue" loo wa shid' re" - yoem: akaid' da: tungbau byumyu" yi gi - Aseing Yesu ri loem jeing" loem" jeung" khyoo: khyo" - Mangso: shid' khoin" moo deingbyeing" mo yo" bue" lo da akhang" yo" yu boem.

Roma 9:17

Mangsoo: gi Phara U Khokham" ri tid zi gi - nang ri kho: kham" zeing khyo" ngoo tu: to' to" da" khyoo: gi - nang moo nga" da phung yoeb ri thoin" shed' wigi - Moug myid gyab goin" moo nga" myeing fu" loo" nhang: wa shid' re" nghoid. ga: tid da" khyoo: jhoem mungdang: moo bo.

ESAIA 65:9

Yuda akung: ako'' moo bo da" Israela byumyu" yiri ngoo mainkaid byid: wa. Nyangnu" da" amyed ashen' yigi nga" boem joem ri seing: loo goo" wa. Ngoo ri dei byid: bang: ngoo khyen: yu to" da" byu yigi houg: moo nyid loo wa.

GALATI 4:30

Nghoid loug we' jhoem: mougsoug" gi khasu" ga: tid nyid lha". he: da" join, myhi, yo' nya: zoo: ri khaid thu' pyam we' Khasu" wim gari join, myhi, da" nya: zoo: gi Mangso da" venyi khyo" khu: lo da" nya: zoo: ri pyi: sho" shen" yhen nyid join, myhi, anghoid da" loid byoin, myi: yi: da" nya: zoo: yi' dage" nya: pho, da" agyid aso muid' ri yo" bo seung: yu wa zi anghoid.

ACTS 2:35

Re" gyivoo joem ri Re" da" khyid: nang: da" tang khug khyo" re" da" khavoo: khoug: khyoo: ngoo akaid' byid: byid: gi-Nga" lo, yo shoid moo dazhoung: jo, we' ga: wigi Hau Aseing: gi Nga" Aseing: ri tid da- ga: tid.

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

COUNG" NGHEI 72:7

Deing byeung" khyoo: gi nya: pyaid goin" moo: gyi: sheung: loo baja". Lhammoo" gi nya: yoeb bang dayo" pang nyid nyid gi nyid gi nyid de lo khyoo: gi dageung: teung jo, baja".

YOHAN 19:37

Gootu: da" jhoem dang: moo we' Byu yi gi nyangnu" thau" phoug too" su: ri nyangnu" yu" nyid boem wa"- ga: boo lhid" to" ga: tid.

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.