GALATI 3:1 - Lacid Common Language Bible

¹ Akoo" apyoid' da" Galati byu yi we"- pyang" zeing tho' moo Yesu Khristu shid: Kham: bye: da" khyoo: ri nanu" da" myonhoo: moo bang bang yo" myang sho' ngoo tid shid kyoo" bye: ri-nanu" ri hang" wigi mhoug cid" zho" lho: jhu, phyo' zi shau" go" la".

GALATI 3:1 Referans Kwoze

2~KORINTHU 11:3

Eva gi lhang: myu: da" phajhi" juyhi: yo' mhau' mhid" phyo' shau: yhang: ti"- nanu" we' nanu" myid to" khyoo: ri lhu: phyo' pyam zi shau" lho: nanu" da" joeb byeung" gyeung: shang: emyid yo' Khristu moo nheigloem: zug- loem" jeung" zei: so' khyoo:- she: pyam goo" wa ziri gung youg yau nyid.

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.

GALATI 1:6

Khristu da" jeju" yo' nanu" ri khe: yu su: jang" mo wigi hid: yhi' gyeing" myab, khyo" nanu" gang: lo" wigi ngei bu: lu dang: gootu: ri lhoem: kham: yu nyid boem yoomo nanu" ri ngoo gye" mau" nyid.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

HEBRE 11:8

Abraham gi Mangsoo nyang: ri byid: wa"- ga: da" dang: soo" bo nyid da" mung" khyoo:- thu' yhe: loo" wa da" shid re" loem" jeung" nheigloem: gi nyang: ri tam" gyoo: nhang: nyid. Houg: yoomo nyang: gi khakhyoo: yhe: loo" wa zi lang" ase' zi nya: mungdain: mo wigi thu' so" loo" bye.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

GALATI 3:3

Nanu" gi khasu" wim wigi hid: yhi' ko" fang: nyid go" Nanu" gi hau: Venyi moo loem khau: wigi ayang: qei" shed" lo boem lho: akhid" gi nanu" da" gung shoo" yoem: vhoo" moo leom khau: lho: wigi ze" pain' loo" noug go" la".

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

Ephesu 5:15

Hougsu" nghoid yoomo nanu" gi khasu" koid lho: kangso' dei so" yen" boem zigi jid" jid" myid yu" nyid ge'- phajhi" abo da" koo" fang: joem yhang: ti" akoid loo: za: phajhi" bo da" byu yi yhang: ti" daso" yen" ge'.

1 TIMOTHI 6:4

Nya: gung ri nyang: nghoid boin: phau: khuang lho: wigi ci" asi su: nghoid. Nyang: gi dang: tid jang" moo ngei goo" wa shid re" myeing" myo: lho: byo, goo" wa shid re" age nheigloem: boo su: nghoid. Hau: tho' moo gootu: houg: su" koid yoomo noo" goo" zoo, go" da" khyoo:- phung kho' go" khyoo:- anoo: ayab, loo: ngeug byo, go" khyoo:- aphoug" amyang: loo: gei, yu" go" khyoo:- age da" aloem" atho: khyoo: ze thu' loo nhang: nyid.

GALATI 2:14

Akhid" nyangnu" gi ngei bu lu dang: da" deingmain" da" khyoo: moo dain: dain: aso" nyid boem ziri ngoo shau" myang lang" gi nyangnu" dangain" bang: da shid' khoin" moo Petru ri nang gi Yuda byu nghoid lho: wigi Yuda byu yhang: ti" anghoid- tungbau byu yi yhang: ti" kangso dei nyid lho: tungbau byumyu" yi ri Yuda byumyu" yi yhang: ti"- kangso dei wa shid' re" khasu" koid yo" nyen" nhang: wa lha". ein: wigi ngoo tid pye.

1Korinthians 11:26

Nanu" gi he: zooyho, ri zo: wigi: he: goem mo shug khang" moo" hau: Aseing shid: kham, da" khyoo: ri- nyang: doem ju" re" da" bidnyid ju" sho sagsi: kham, shoug nyid da" khyoo: nghoid.

1Korinthians 2:2

Khasu" wim gari- ngoo nanu" yo' nyid da" ayo, moo: Yesu Khristu da" khyoo: ri je" wigi- pyang" zeing tho' moo: Aseing shid: kham: tho' mo, jain" wigi- khyoo: goo tu: jo, moo: jo, ri to" myhed, pyam wa shid re" ngoo myid phyed' pyam bye.

Roma 6:17

Nanu" gi dalheing: ri - Yoobo join koid' yu" nghoid loug we' akhid" gi jhau" mho' khyoo: ri tam" gyo: loem" jeung" da" deing byeung" khyoo: ri nheigloem: ung: khoug: dangain" yo" nanu" kham: yu bye: yoomo ngoo gi Mangso: da jeju" ri coung" nghei" nyid.

Roma 2:8

Nyang: nya: akyu" ri te: sho: lho: - jo, da" khyoo: ri she: pyam' wigi - shoid' da khyoo: moo cang loo" da" byu yi gi - Mangsoo: nheig khoo" yo: zi shau" boem wa.

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

Pang Shug 18:3

Khasu" wim ga: ri Nya da" soem" lid' moo" ein: da" zabyid yhid: yo' byumyu" ja: khang: moo" ri yed, leung loo" nhang: bye. Moug: myid tho' mo khokham" yi we' Nyang: yo' dage" soem" lid' sho: moozoo" ri zei: yoomo mougmyid tho' mo phaga byu yi gi sathi" byue" lo boem bye.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

2~KORINTHU 10:5

Ngoonu" gi Mangsoo ri yo" se' koung lo da" phajhi" ri lhu: keug lhu: kyo' khyoo: dangain" ri zain: said lo" boem. ngoonu" gi byu yi myid soin: khyoo: dangain" ri myeug tei" to" wigi Khristu da" dang: ri tam" gyoo: nhang: nyid boem.

1 SAMUELA 13:13

Samuela gi «Hau: zigi koo" moo" zei zi danghoid. Re" Aseing Mangsoo nang ri byid: to" da" dangsoo" khoin" ri nang acang nhung. Nang cang nghoid rigi nang yo' re" akung: ako' joem ri we' Israela mung" ri apyaid atoo: vhoeb nhang: wa zi nghoid.

Roma 10:16

Nghoidloug we' hau ngei bu: lu dang: gi ri byu dangain" mo aloem" jeung" boem. Lapi: Esaia tid to" zi gi - O phoo Mangsoo: we" ngoonu" tid fu" da" ngei bu: lu dang: gi ri -hang" loem" wa lha"» ga: tid.

TARHA" TID POIN" 32:6

Koo" bang: yo' nheig agyeing: da" byumyu" yi nanu" gi Aseing ri nanu" hid: su" koid eung: go" re". Nyang: gi nanu" da" nya: phoo- nanu" da" phain" so: Aseing nghoid da:. Nyang: gi nanu" ri byu damyu" bui" nhang: too" bye:.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 7:26

«Hid: nga" da" dang: ri shau" gyo: lho: wigi acang zei: mo, hang" nghoid loug we' nyang nya: da" yhoem: ri midcoo: dam moo koid: to" da" adu: adam: foin" da" byu yo" du nyid.

ACTS 16:6

Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

GALATI 1:2

Hid: moo ngoo yo' dage" nghoid nyid da" mang: nhung" yi dangain" yo' Galati mung" mo phung byu yi jhang khyoo: mougsoug" lhid" lho: vhu" kaid' boem.

GALATI 5:11

Nghoid loug we' mang nhung yi we"- athang: dayham" ca" ein:- ngoo daxo, kho" nyid nghoid rigi ci: yoomo shen" yhen khyoo: ri ngoo shau" zo: nyid shi" wa la". Hougsu" kho" kyo" ga: zi dadeung nghoid rigi Khristu da" pyang" zeing khyoo: ri ngoo kho" kyo" jang" moo ngoo yau: khe jam jau zi shau" loo wa anghod.