GALATI 1:8 - Lacid Common Language Bible

⁸ Nghoid loug we' nanu" ri ngoonu" kho" kyo" to" da" ngei bu lu dang: joem yo' shai" da" ngei bu: lu dang: gootu: ri byu dayug yug gi nanu" ri kho" kyo" nghoid rigi nyang: ngarai mung" yo' moin: yi" nyid bye.

GALATI 1:8 Referans Kwoze

GALATI 1:9

Nanu" lhoem: yu ci: bye: hau: ngei bu: lu dang: yo' shai" go" da" gootu: ngei bu: lu dang: daloem: ri byu dayug yug gi nanu" ri kho" kyo" nghoid rigi nyang: gi nheing" khoin" zang" baja" ein: wigi xang: shed" moo ngoonu" tid yu" bye: ziyo' dakhyoo" ti" akhid" ngoo da tid nyid shi.

1Korinthians 16:22

Byu dayug yug gi hau: Aseing ri ajheddab nghoid rigi- nyang: moo: nheing" khoin" zang" jo, baja"- ngoonu" da" Aseing we" myab, gyoo" ri" we'.

Roma 9:3

Ngoonu" da" akyu" shid' re" - ngoo gi Mangso: da" nheing" myeing" ri we' - Khristu mo gang: goo" nau da" nheigloem: bo.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

2PETRU 2:14

Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

ACTS 23:14

Hau: thang: ri nyangnu" gi Khainjung agyi zeing yi yo' Ludaid' vhu" jhung: yi jhang khyoo: zheung: yhe: lo" lho: ngoonu" gi Polu ri ayo" said' said' gi ci" we' azoo: ashug wa ein: jham, gye" tang: nheung" ci: boem bye.

TITU 3:10

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

1Korinthians 12:3

Mangsoo ri nghoid loug we'- Mangso Venyi wigi: khyoo: shid' vhu" she: zi shau" kham: yu nghoid rigi-" Aseing Yesu ri mau: goin' baja",, ga: avoem" tid. Gyeungshang: da" Venyi wigi- khyoo: shid' vhu" she: ziri: ashau" kham: yu su: gi Aseing Yesu gi Aseing nghoid ga- hang" we' ayo" yhen: yu nyid wa khyoo- ngoo nanu" ri si' nhang: nau.

MARKU 14:71

Houg: lang" Petru gi jo da" khyoo: ri ngoo jham tang: lho tid wa. Ngoo tid zi ajoo lang" Mangsoo ngoori dam byid: baja"- nanu" tid yid da" hau: youg: khyoo ringoo asi ga tid.

GALATI 3:10

Hau: toung: to" da" tarha" cang pyeung da" khyoo: ri myid loem nyid mo, hang" nghoid loug we' tarha" dang: phyed' da" akhoug: moo boo mo, nghoid nyid Khasu" wim gari jhoem: mungdang: gi hau: tarha" moo lhid" too" matoo" yo' dakhyoo" ti"- khanham we' ayo" cang pyeing bang: hang" nghoid loug- tarha" dang phyed' zi shau" wa,, ga: lhid" to".

NEHEMIA 13:25

Hau: yuggi yiri ngoo nheig yo: wigi nyangnu" dang moo nheing" khoin" khe: khyo' yu ziyo' nyangnu" ri baid- nyangnu" shoomoug" lang: phoin' pyam byid: bye:. Hau: thang: ngoo gi nyangnu" yo' nyangnu" da" zooshang: yiri khanham we' tungbau byumyu" yi yo' myi: byid: myi: yu akoid loo: wa ga: da" jham' tang: dang: ri Mangso myeing lang: wigi too" nhang: bye:.

1 SAMUELA 26:19

Myhang: thang aseing we" ngoo tid wa ziri tam" gyo: yu" we'. Aseing gi nang ngoo ri thougtheung wa shid re" re" myid ri thid nhang: nghoid rigi nyang: ri ngei" da" xoin" gi nya: myid ri yo" thid nhang: wa zi nghoid. Nghoid loug we' byu joem wigi he: ziri koid nghoid rigi hau: Aseing nheing" zigi nyangnu" adang moo zang" baja". Nyangnu" gi ngoo ri Aseing mougmyid mo zi tungbau yu phara" ri za: yo" no' da" moug: khyoo: yhe: wa shid re" khaid nyid ago".

YOSHU 9:23

Nanu" hid: su" koid bye: yoomo Mangsoo gi nanu" ri yooboo dam byid: bye:. Nanu" byumyu" yigi Nga" Mangso gyeung" shang: joyoo shid re" thang" sho: gyid kham da" join ajang" bui" wa zi nghoid» ga: tid.

APOEM AYANG: 9:25

Nyang: gi «Khanan gi nheing" khoin" zang" baja". Nyang: gi nya: mang: nhung" yi da" join bue" loo baja".

1 KHOKHAM 13:18

Hau: thang: Bethela mo lapi: mangzoo: gi nyang: ri «Ngoo we' nang yhang: ti" lapi: dayug nghoid. Aseing amyeing" dang: moo nang: ri ngoo yo' dage" yhoem: khyoo: shu" lo" wigi nang ri doo" zhoo" wa khyoo: moug: lagyoo: khyo" ngoo ri tid» ga: tid. Nghoid loug we' lapi: mangzoo: gi mhau' nyid da:.

YEREMIA 23:16

Myhang: thang Aseing Yerusalem byu yiri «Lapi: yi tid da" dang: ri atam" gyoo: goo". Nyangnu" gi nanu" ri ajo da" myid byu khyoo: ri za: pyeing byid: wa. Nyangnu" gi nyangnu" shau" myid ziri nanu" ri tid lho: ngoo tid to" ziri atid nghoid ago".

YEREMIA 23:36

Houg: yoomo nyangnu" gi ‹Aseing da" yoovoin› ga: da" dang: khoin" ri khanham we' aci: loo: goo" wa. Ciwim gari dayug yug ci: nghoid rigi nga" mungdang: gi gyeing" nyang: nya: shid re" yoovoin lid: ngoo bui" nhang: wa. Byumyu" yigi myhang: thang Aseing- kangso' dei Mangsoo- nyangnu" Mangso da" dang: joem ri adu goo" sho' koid pyam abye: go".

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.