GALATI 1:7 - Lacid Common Language Bible7 Gyeing" nyang: ga: rigi Aseing Yesu da" khyoo: mo lid lho: ngei bu: lu dang: gootu: ajo. Nghoid loug we' ngoo hid: su" ein: tid zigi Khristu da" ngei bu: lu dang: ri thed' ze" shoin, wa yoem: kaid' nyid da" byu dayham" nyid boem ziyo' nyangnu" gi nanu" ri myid loem vhu" gyam, myid gyam nyid sho' lhu: phyo' lhu: nhoung nyid boem yoomo tid nyid zi nghoid. Gade chapit la |
GALATI 1:7
38 Referans Kwoze
Nghoid loug we' ngoo gi akhid" ju" sho' nanu" ri khanham we' damyid loem nyid ngoo yo' nanu" gi hau: Aseing: moo daloem: za: nghoid nyid yoomo nanu" gi ngoo myid khyoo: yo' adu goo" lho: gi akham: yu goo" wa ein: ngoo myid loem, nyid nanu" da" nheigloem: ri ze" shoin, ze" phyo' mo, hang" ri nghoid loug we' Mangso wigi shen" yhen loo wa.
Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.
Mouglagyoo: gi hau: yug ri zain' nyid dakhyeing" zain lid loo" sho' mung" byu yi ri ayo" mhoug: loo: baja" ga: hau: no, athang da: duang: khuang" khoug: khyoo:- nyang: rikhyo, kaid' to" wigi hau: duang: khuang" ri myhed" to" ziyo' hau" atho' moo dazid' ri baid' to. Hau: zain nyid dakhyeing" zain lid loo" lang" gi nyang: ri daso' zoo: doem phoid: kaid' wa zi nghoid.
Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".
Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.
Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.
Ngoori thougtheung nyid mo, gi nanu" da" atho' moo gye" ge da" nheigloem: ri toin" shid nyid wa nghoid boem ago- nghoid loug we' nyangnu" da" myid soin khyoo: yo' nyangnu" da" myid vho: khyoo: gi nyangnu" gi nanu" da" atho' moo ge, lho, da" nheigloem: toin" shid' ziyo' dakhyoo" ti"- nanu" jang" mo ge, lho da" nheigloem: yo" kham: yu boem sho' nanu" ri ngoo yo' gang: go" loo" nhang: nau boem yoomo koid nyid boem zi nghoid ago".
Byu yi dayham" koem gi nyang: ri athang: yham" pyam' nhang: nau boem- houg: bang: gi Khristu Yesu yo' daloem: za: bue" wigi kangso dei nyid yoomo ngoonu" yo" yu bye: da" loid byoin akhang" ri kin-yu koid wa shid re" Khristain mang nhung bue" mhau' lho: yha" da" phung: moo bo gau" vang loo mo, nghoid boem ago- nyangnu" gi ngoonu" ri join, koid noug mo, nghoid nyid boem ago".
Nyhang" gi yhoem" too" zau" to"- nghoeb to" da" moozoo" asho, ashed" moo" dangain" ri ngoonu" jhoid she: pyam boem bye. Ngoonu: gi mhau' fain" khyo" akoid loo: za: Mangso da" mungdang: ri we' mhau' fain" vo- aphug alhoin" atid boem ngoonu" gi Mangso da" shid khoin" moo hau: deung main" da" khyo" bidbang moo kangso' yeug co: phyu: da" nheugloem: bo loo sho' zei: so' so" yen" boem.
Houg: yoomo nyangnu" gi ‹Aseing da" yoovoin› ga: da" dang: khoin" ri khanham we' aci: loo: goo" wa. Ciwim gari dayug yug ci: nghoid rigi nga" mungdang: gi gyeing" nyang: nya: shid re" yoovoin lid: ngoo bui" nhang: wa. Byumyu" yigi myhang: thang Aseing- kangso' dei Mangsoo- nyangnu" Mangso da" dang: joem ri adu goo" sho' koid pyam abye: go".
Piblisite