GALATI 1:6 - Lacid Common Language Bible

⁶ Khristu da" jeju" yo' nanu" ri khe: yu su: jang" mo wigi hid: yhi' gyeing" myab, khyo" nanu" gang: lo" wigi ngei bu: lu dang: gootu: ri lhoem: kham: yu nyid boem yoomo nanu" ri ngoo gye" mau" nyid.

GALATI 1:6 Referans Kwoze

2~KORINTHU 11:4

Khasu" wim gari nanu" jang" moo byu dayug yug ju" re" wigi ngoonu" akho" kyo" yu" da" gootu: Yesu dayug da" khyoo: kho" kyo" da" uri nanu" gi goug goug yi yi loem: kham: yu ago". Hau: lho: nanu" gi ngoonu" jang" mo, yo" kham: yu bye: da" Venyi yo' ngeibu: ludang: ri to" pyam lho: adu go" da" Venyi yo' ngeibu: ludang: ri lhoem: kham: yu nyid goo" nhung: lha".

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

COUNG" NGHEI 106:13

Nghoid loug we' nyangnu" gi nyang: koid shug bye: da" moo" zoo" joem ri phyid" za to" myhed pyam byid: boem ziyo' Nya: da" phajhi" byid: khyoo: ri alang" nyid loo: za: koid pyam boem bye:.

1 TIMOTHI 1:3

Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

1Korinthians 4:15

Khasu" wim gari- nanu" Khristain kangso dei yhe: lo" da" khyoo: moo- nanu" ri jhau" byid: wa shid re" sara: damoin koo: nyid nghoid loug we'- nanu" da" nya: phoo gi dayug kyeing" za: date: nghoid. Ngoo gi hau: ngei bu: lu dang: gi ri kho" kyo" khyo" wigi- nanu" ri Khristu yo' shoin" deung: lo" da" kangso khyoo: moo- ju" loo" nhang: zi nghoid nyid da" nanu" nya: phoo bui" bye.

ACTS 15:11

Ngoonu" we' nyangnu" yo' dakhyoo" ti" loem" jeing" yoomo Aseing Yesu da" jeju" khyo" wigi khyoid yu khyoo: ri shau" yu boem bye- ga: tid.

GALATI 5:4

Toung: to" da" tarha" ri cang pyeung khyo" wigi Mangso shid khoin" moo deing byeung" khyoo: yo" yu wa ga: yoem: kaid' nyid bang: nanu" gi Khristu yo' gang: lain lo" lho: Mangso da" jeju" ri ci: foid pyam' abye: go.

Roma 10:3

Nyanu" gi - Mangso: da shid' khoin" moo deingbyeing" lo wa da akhyoo" ri asi yoomo hau: khyoo" moo acang loo za: nyang: nyang: myid soin: nyheing koid' to" da khyoo: ri cang lo" boem. Houg: yoomo nyanu" gi - Mangsoo: nyheing to" deingbyeing" khyoo: moo acang boem.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

Pang Shug 22:21

Aseing Yesu da" jeju" gi yug khang" moo" yo' dage" dajo, jo, baja" o".

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

2 THESALONI 2:14

Mangsoo gi nanu" ri ngoonu" kho" kyo" da" hau: ngei bu: lu dang: khyo" wigi khe: yu zi nghoid bye- nyang: gi yha" da" Aseing Yesu myonhoo: phung" yoeb, khyo" nanu" kham: yu eung: da" gam, boem ri yo" yu goo" baja" ein: wigi khe: yu to" zi nghoid.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

YOHAN 9:30

Myo, amyang led: lo yu" su: gi nyang: gi ngoori myo, myang loo nhang: su: nghoid. loug: nanu" gi hau: yug khayo re" zi asi ga: zigi moug" cang bo nyid nhung: lha"» ga: phoug tu.

2PETRU 1:3

Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

1PETERU 1:15

Nanu" ri khe: yu su: Mangsoo gi gyeungshang: nyid yhang: ti"- nanu" we' byu nyid byu yab, khyoo: ja: khang" moo" moo gyeungshang: nyid ge'.

MARKU 6:6

Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Roma 8:30

Houg: yoomo Mangsoo: gi nyang: khyen: thu' too" mo ri khe: yu. Hougsu" khe: yu too" mo nya: shid' khoin" moo deingbyeing" mo agyeing" khyo" kham: yu lho: nya: myonhoo: phung yoeb ri - nyang: yo" dage" yo" bo kham: zoo: wa akhang" byid bye.

2~KORINTHU 2:17

Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.

GALATI 1:7

Gyeing" nyang: ga: rigi Aseing Yesu da" khyoo: mo lid lho: ngei bu: lu dang: gootu: ajo. Nghoid loug we' ngoo hid: su" ein: tid zigi Khristu da" ngei bu: lu dang: ri thed' ze" shoin, wa yoem: kaid' nyid da" byu dayham" nyid boem ziyo' nyangnu" gi nanu" ri myid loem vhu" gyam, myid gyam nyid sho' lhu: phyo' lhu: nhoung nyid boem yoomo tid nyid zi nghoid.

GALATI 1:11

Mang nhung" yi we" nanu" ri ngoo kho" kyo" da" ngei bu: lu dang: gi byu yi wigi jhau poin" kaid' zi anghoid loo: za: ngoo nanu" ri tid kyoo" bye.

GALATI 1:15

Nghoid loug we' nga" myhi, da" ung: khoug: moo dabo jo, shi" mo nyang- Mangsoo gi nya: da" jeju" yo' ngoori khyen: yu wigi nyang: ri noku wa ngoori khe: yu bye.

GALATI 2:2

Ngoo hidsu" do, lo" khyoo: gi Mangsoo byid: da" yoeb myang yoomo nghoid- vhu" jhung: yi kyeing" phoung da" zoeb, phung: moo tung bau byumyu" yi ri ngoo kho" kyo" da" ngei bu: lu dang: da" khyoo: ri tid phoid: sho' kyo- Khasu" wim gari shid' phyang" we' akhid" we' ngoo zei: so' voin vu, nyid da" moozoo" ri akoem: amyed aji abue" loo nhang: noug yoomo nghoid.

GALATI 2:5

Nghoid loug we' hau: ngei bu: lu dang: da" deungmain" khyoo:- nanu" shid re" dageung: teung jo, baja"- ngoonu" gi nyangnu" ri daminid' za: lang" asoem" byid: khyo, nyhoem: pyam' boem wa zi anghoid.

GALATI 2:7

Nyang: nu" gi ngoori phajhi' aseig byid: wa gungkhoo:- Mangsoo gi Petru ri athang: yham" kham' byid: da" Yuda yi ri hau: ngei bu: lu dang: kho" kyoo" wa yoovoin, byid: to" ziyo' dakhyoo" ti"- ngoori gi athang: aphyed' da" tung bau byumyu" yi ri kho" kyoo" wa yoovoin, ab, byid: bye: da" khyoo: ri nyangnu" myang se' boem bye.

GALATI 2:14

Akhid" nyangnu" gi ngei bu lu dang: da" deingmain" da" khyoo: moo dain: dain: aso" nyid boem ziri ngoo shau" myang lang" gi nyangnu" dangain" bang: da shid' khoin" moo Petru ri nang gi Yuda byu nghoid lho: wigi Yuda byu yhang: ti" anghoid- tungbau byu yi yhang: ti" kangso dei nyid lho: tungbau byumyu" yi ri Yuda byumyu" yi yhang: ti"- kangso dei wa shid' re" khasu" koid yo" nyen" nhang: wa lha". ein: wigi ngoo tid pye.

GALATI 5:14

Khasu" wim gari re" yhoem: kyoo" cang" ri nanya: gung yo' dakhyoo" ti" jheddab we' ga: byid: to" da" dang: dakhoin" ricang pyeung ziyo' toung: to" da" tarha" dangain" ri bain' cang zi bui" bye.