GALATI 1:10 - Lacid Common Language Bible

¹⁰ Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

GALATI 1:10 Referans Kwoze

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.

ACTS 5:29

Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

Ephesu 6:6

Yhoem: seing: yi yu" nyid yoomo myonhoo: rua nau khyo" za: akoid goo"- Khristu da" join, yi yhang: ti"- Mangsoo myid vho: ziyo' dakhyoo" ti"- nheigloem: bain' sho' yo' zei: so' nyid ge'.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

MATHE 22:16

Houg: yoomo nyangnu" gi nyangnu" da" cangzoo: dayham" yo' Herod da" phung: mo mo' dayham" yo" dage" Yesu jhang khyoo zheung: nhang: kaid. Hau: lagyoo: yi gi «Sara: we"- nang gi deung main" su: nghoid wigi Mangso da" khyoo: ri deung: main" khyo" jhoug" byid: nyid ziyo' byu gootu: yi ciga: wa ziri nang gung ayou loo: za: byu myonhoo: ri we' akhyen: su: nghoid ziri ngoonu" se.

KOLOSE 3:22

Join, yi we"- nanu" da" xangsu: yhoem: seing: yi ri khyoo: khaid khang" moo" moo tam" gyoo: byid: nyid ge, nanu" gi myonhoo: shoo: nau, ziyo' nyangnu" shid' moo dang: tam" gyo: khyo" akoid loo: za: Aseing: ri gyoug phau" zoo re" nyangnu" da" dang: ri gyeungshang: ziyo' tam" gyo: nyid ge'.

Roma 2:29

Gyeing" da" Yuda koem' gi - nheigloem: khoug; mo sho" yid thang: yham" ci: su: nghoid nyid. Hau yug ri Yuda byumyu" bue" loo nhang: da" zigi - lhid" to" da" tarha" khyo" anghoid - Hau yug gi byu yi wi coung" nghei byid: zi shau" su: anghoid. Mangso: wigi coung" nghei" too" su danghoid.

1YOHAN 3:9

Mangso da" nya: zoo: bui' bye: su: gi yooboo ri axo, koid loo- Khasu" wim gari hau: yug moo gi Mangso da" alhoo: aved, bo nyid bye. Mangso nya: zoo: bui" bye: bang: gi yooboo ri axo, koid loo nghoid da.

2~KORINTHU 12:19

Ngoonu" gi ngoonu" nya: gung- ce: yooboo ayoo" ein:- shoem" goem dang: tid bang: nghoid ga: jhoo: go" la". Hougsu" anghoid o! Khristu tid nhang: nau: ziyo' dakhyoo" ti"- Mangso shid khoin" moo ngoonu" tid sang: nyid boem. Hau: tho' moo gootu: jheddab mo, we"-Ngoonu" zeiso' khyoo: dangain" gi nanu" ri pang" thoug wakhyoo" za dakoid nyid boem.

Roma 2:8

Nyang: nya: akyu" ri te: sho: lho: - jo, da" khyoo: ri she: pyam' wigi - shoid' da khyoo: moo cang loo" da" byu yi gi - Mangsoo: nheig khoo" yo: zi shau" boem wa.

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

1Korinthians 10:33

Xangsu: byu yi nyid moo:› nyid bang: gi khyoid yu zi shoug" goo" baja" ein:- nga" shid re" amyid loo: za: nyid moo: nyid bang: da" akyu" ri sho: zoore"- subi" vho: ngei sho' ngoo yoem: kaid zei: nyid. Nanu" we' ngoo yhang: ti" zei: so' nyid ge'.

MATHE 28:14

Gyeing" gyeing" nyang: he: da: ludang: ri zoug: phoo shau" gyoo lang gi nanu" da" tho' moo moo" amyi" wa shed re" nanu" ce: yooboo aboo ein: nyang: nyang: se' gyoo: ri ngoonu" so' tid byid: wa he: khyoo: yo' sen: lho: nanu" ci: aci' ca".

1 SAMUELA 21:7

(Hau: bidnyid ri Sholu da" gougnyhoug zung" su: Edom byumyu" Doeg we' noku thung" yo' sen: da" moo" zoo" ri re" pyeing yoomo hau: joyoo moo: nyid nyid da:.)

ACTS 12:20

Herod khokham" gi Turu yo' Sidun voobyu yi gi gye" nheig yo. Houg: yoomo hau: eig voo, mo bang: gi daphung: za: koid lho: khokham" pho, jhang khyoo: yhe: lo" ago- Nyang: nu" gi Khokham" khoo" goin" ri vhoeb, su- Blastu gi nyangnu" ri, pang" yu wa shid re" xang: shed" yhe: mho' boem ago". hau: thang: ri nyangnu" gi khokham" pho, jhang khyoo: vang yhe: lho: ngei pyo: yug yo khyoo: ri mho' ago". khasu" wim gari nyangnu" da" mungdain gi Herod Khokham" mungdain mo zookhoo: ri shau" yu nyid boem yoomo nghoid ago".

MATHE 6:24

«Hang" nghoid loug we' Aseing: eig youg jang" moo lang: jhang yo" vang wa zi anghoid. Nyang: gi dayug ri ngheing" lho: dayug rigi jheddab wa zi nghoid. Houg: su" anghoid lang" gi dayug rigi vho: lho: dayug rigi anoug angei koid: zi nghoid. Nanu" gi Mangsoo ri we' moug myid ziyoo jonu" ri we' dage" lang: jhang yo" vang wa zi anghoid.

PHILIPI 1:1

Khristu da" join, yi nghoid da" Polu yo' Timothi gi Philipi voo moo nyid nyid da" phung vhoeb, phung tau bi: yo' dage" Khristu Yesu moo daloem: za: nghoid da" Mangso gyeungshang: byumyu" yi bain' sho' bang: jang khyoo: mougsoug" lhid" kaid.