GALATI 1:1 - Lacid Common Language Bible

¹ Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

GALATI 1:1 Referans Kwoze

1Korinthians 1:1

Mangsoo vho: ngei ziyo' dakhyoo" Khristu Yesu da" lagyo: aya moo: khe: too" shau" da- ngoo Polu yo' ngoonu" da" mang: nhung" phoo, Sosteni gi

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

2~KORINTHU 1:1

Mangsoo myid vho" ziyo' dakhyoo"- Khristu Yesu da" Lagyoo: ngoo Polu yo' ngoonu" da" mang: nhung" Timothi gi Korinhtu voo mo Mangso da" phung yo' Akhaia mung" goin" jang" mo Mangso da" byu dangain" bang: ri vhu" kaid.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

Roma 10:9

Hougsu" wigi Yesu gi Aseing: nghoid ga: wigi re" nhoid' moo yhen: yu lho: Mangsoo: gi - Hau da" Aseing: ri shid: da' jang" mo doem dei to'' loo nhang: da" khyoo: ri - re" nheigloem: ung: khoug: moo loem" jeung" nghoid rigi nang Mangsoo: da" khyoid' yu zi shau" wa nghoid.

ACTS 22:10

Houg: lang" ngoo gi Aseing: we" - ngoo khasu" koid' loo: wa lha". ein: myed: kaid' lang" Aseing: gi to" lho: Damasku voo, khoug: khyoo: vang yhe: loo" we' nang koid wa shid re" Mangsoo nyheung to" da" moozoo" dangain" ri hau: voo, moo nang tid kyoo" wa nghoid- ga: tid.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

Pang Shug 2:8

Samurna phung da" moug: lagyoo: jhang khyoo:- hid: su" ein: lhid" kaid we' He: da" dang: gi xang: shed' su: yo' lo" thang su:- shid: lo" lho: kangso' doem dei loo su: youg jang" mo mungdang: nghoid.

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

GALATI 1:17

Hau: tho' moo gootu: nga" shid' moo lagyoo: nghoid nyid mo, yo' yhe: shau" goo" wa shid mo, ngoo Yerusalem khyoo: ado, loo" loo: za: Arabi mung" khyoo: dalheing: dam yhe: lo" lho: Damasku voo moo doem, lo.

Roma 14:9

Khasu" wim ga: ri Khristu gi - shid: loo" mo dei nyid mo da" Aseing: bue" loo" wa da" shid' re" shid: kham: lho: doem dei to'' loo bye.

YOHAN 20:21

Hau: thang: ri we' dalheing:- Yesu gi nanu" moo myenjham" khyoo: dajo, jo, baja" ga: nga" phoo gi ngoori nhang: kaid ziyo' dakhyoo" ti"-- nanu" ri we' ngoo nhang: kaid ga: tid.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

GALATI 1:15

Nghoid loug we' nga" myhi, da" ung: khoug: moo dabo jo, shi" mo nyang- Mangsoo gi nya: da" jeju" yo' ngoori khyen: yu wigi nyang: ri noku wa ngoori khe: yu bye.

YOSHU 22:15

Nyangnu" Gilead mung" khyoo: Ruben- Gad- bidthu shoid mo Manashe byumyu" yi jhang ju" yhe: wigi