EZRA 3:1 - Lacid Common Language Bible

¹ Israela byumyu" yigi lhammoo" nyid khab' ju" uri nyangnu" nyang: voogung moo zheing: nyid boem bye:. Hau: thang: ri nyangnu" dangain" Yerusalem moo zeing: foem: wigi

EZRA 3:1 Referans Kwoze

1Korinthians 1:10

Mang nhung yi we"- ngoonu" da" Aseing Yesu Khristu da" amying" akhang" yo' nanu" dangain" bang: ri ngoo mho' sang: kaid. Nanu" moo: emyid, aveing" goo" wigi- byo, sain" lo" zi abue" loo wa shid re nanu" ji, sang: da" khyoo: moo- nyang: cang" nyang: sham" shoin" goo" ge'. Nanu" da" myid soin: lo" khyoo: moo- nheigloem: dadeing: dakhaid za: koid nyid ge'.

ACTS 4:32

Loem" jeing" bang: dangain" mo, gi nheigloem: e" myed dakhaid za: nghoid ago". Hang" we' nyang: nya: da" soid gain ziyoo joem ri Hid: nga" zi nghoid ga: atid boem loo- Nyang: nu" yo" da" zi joem dangain" ri dage" soin" ci: shoin" vho, nyid boem ago".

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ZEPHANI 3:9

Hau: thang: ri ngoo gi mungdain: joem mo byumyu" yi thid pyam lho: nyangnu" gootu: da" yu phara" ri ano' loo: za: ngoo ri kyeing" za: damho' loo: wa. Nyangnu" dangain" mo, gi ngoo ri tam" gyo: lo boem wa nghoid.

NEHEMIA 8:14

Nyangnu" gi Aseing wigi Moshe khyo" byid: to" da" tarha" mo Israela byumyu" yiri zoem" pui" ayo, gu: moo daso' dadam mo zoem" joem moo nyid wa shid re" amyeing" byid: to" ziri shau" myang yu ago".

NEHEMIA 7:73

Khainjung yi Levi byu yi Noku Yhoem: Moo" zung" bang:- music phung:- Mung" byu myoo" sho' bang:- Noku Yhoem: Moo" moo moo" zei: bang:- he: Israela byumyu" dangain" gi Yuda mung" voogung joem yo' voomoo" joem moo de: nyid boem ago".

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".

XOIN" NGEI" 16:29

Vhoo: moo: tid to" da" thung" ri: joem gi ju" loo wa da" ayo, akhyeing: dangain" moo: cang yhe: nyid ca" da" khyoo: joem nghoid. Lhammoo" nyhed khyab daxi nyid" ein: nyid" ri Israela byumyu" yi yo' nyangnu" akhoug: moo: nyid da" tungbau byumyu" yigi zooshug jang" pyam ca" ziyo' ce" moo" we' age koid wa zi nghoid.

NEHEMIA 8:1

Lhammoo'' nyhed khyab ein: khyab ju'' ri Israela byumyu"'' yigi nyang: yug nya: voogung joem ri yo'' de: nyid boem abye: go''. Hau: lhammoo"' khyab xang: shi'' nyid' ri nyangnu"' dangain"' bang: gi Yerusalem gyid khoem" moo'' akhoug: shoid shava jang: moo: phung: foem: nyid boem ago''. Nyangnu"' gi khainjung we' nghoid- Aseing wigi Moshe khyo" Israela byumyu" yiri byid: da" tarha" ri si' su: Ezra ri Tarha" mougsoug" pug yu byid: wa shid re" mho' ago".

TARHA" TID POIN" 16:16

Nanu" byumyu" mo yuggi dangain" bang: gi daloem: kyeing" da" noku joyoo moo dazain ri soem" lheing: Aseing ri yhe: noku wa nghoid ago". Hau: zigi lhid: kaid pui" Gug seig zoo: pui" yo' zoem" pui" joem nghoid. Yugkhang" moo" gi