EZRA 10:3 - Lacid Common Language Bible

³ Ngoonu" gi he: myhi' zeing yi yo' nyangnu" zoo: du: yiri vi: khyoo: nhang: kaid pyam wa khyo" akhid" nyha" Mangsoo ri dangsoo" khoin" koid too" ca" wa zi nghoid. Ngoonu" gi nang yo' Mangso amyeing" dang: ri cang bang: tid kyo" phajhi' byid: khyo" cang koid wa zi nghoid. Ngoonu" gi Mangso da" tarha" dang: khyo" cang koid wa zi nghoid.

EZRA 10:3 Referans Kwoze

EZRA 9:4

Ngoo gi hau: joyoo moo myen" thang: xoin" ngei" wa shid re" byumyu" yi ngoo ri re" zheing: foem: zhung: to" da" ayo, ju" sho' nheig koug zhung: too" shi" zi nghoid. Nyangnu" dangain" gi pyoung" she: loo" shoug" jang" mo doem tau" loo bang: da" yooboo yo' sen: khyoo: ri Israela byumyu" yi da" Mangsoo khasu" tid to" ga: zi si' yoomo gyoug nyid boem ago".

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 119:59

Ngoo gi- ngoo nya: aved, ri myid yu" bye:- re" da" dangsoo" khoin" joem ri cang wa shid re" nang ri ngoo dang: theing byid: too" bye:.

NEHEMIA 9:38

Bue" lo khyoo: dangain" gang mo Israela byu yi ngoonu" gi hid moo: geing: teing da" myid veing" aso" lhid" wigi ngoonu" da" vhujhung: yi ngoonu" da" Levi byu yi yo' ngoonu" da" khainjung yigi hau: dang moo nyangnu" dazid ri thung" to" ago".

2 KHOKHAM MHOOMYID: 34:21

Hau: zigi «Nga" shid re" we' Israela yo' Yuda mung" moo nyid deing nyid da" byumyu" yi shid re" we' Aseing jhang yhe: myid: byid: ge'. He: mougsoug" pug da" jhau" shid khyoo: ri shau" myang boem bye:. Aseing gi ngoonu" ri nheig yo: nyid da:. Ciwim gari ngoonu" phoug" phyid" yigi Aseing da" mungdang: ri acang. He: mougsoug" pug moo koid wa shid re" tid to" da" moo" ri we' akoid nghoid ago"» ga: zi nghoid.

TARHA" TID POIN" 29:12

Nanu" gi akhid" nyid" hid: moo nanu" da" Aseing Mangsoo wigi nanu" ri byid: to" da" dang: theing lheing: yu wigi houg: moo bo da" yoovoin ri khab yu ca" ago" da:.

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

NEHEMIA 8:14

Nyangnu" gi Aseing wigi Moshe khyo" byid: to" da" tarha" mo Israela byumyu" yiri zoem" pui" ayo, gu: moo daso' dadam mo zoem" joem moo nyid wa shid re" amyeing" byid: to" ziri shau" myang yu ago".

EZRA 10:44

He: yuggi dangain" zi tungbau yhoem: seing: myhi' yoo" bang: nghoid ago". Nyangnu" gi nya: zoo: nya: myi: yiri kang" pyam wigi yhe: de" pyam bye: ago" zi nghoid.

2 KHOKHAM MHOOMYID: 34:27

Yerusalem yo' voobyu yiri ngoo khasu" yooboo dam byid: wa ein: kyug nhain' ziri nang shoug" gyoo: lang" nang nung myid yo" wigi nga" shidkhoin" moo nanya: gung ri nyhoem: khyo' nheigloem: thid da- nanya: byimi ri lang: ceig lho: ngau da:. Ngoo gi hau: joyoo ri yu" gyoug sho' koid pyam wa. Hau: joyoo myeing ri nheing" khoin" khyo" ci: loo goo" wa. Nghoid loug we' re" akyu" mho' dang: ri ngoo shoug" gyoo: bye:.

2 KHOKHAM MHOOMYID: 30:12

Mangsoo gi Yuda mung" moo we' moo" zei: wigi khokham yo' nya: gyizoug: yi da" amyeing" dang: ri cang wigi nya: myid vho: ziri cang wa shid re" nyangnu" myid phyed jang" moo mung" byu yiri myid shoin" nhang: da:.

2 KHOKHAM MHOOMYID: 29:10

«Akhid" ngoo gi Israela da" Aseing Mangsoo ngoonu" ri nheig joem: ayoo: loo wa shid re" nyang: yo' dang: theing koid wa ein: myid phyed too" bye:.

2 KHOKHAM 11:17

Khainjung Yehoiada gi khokham Yosha yo' mung" byu yiri nyangnu" Aseing da" byumyu" yo" bue" wa shid re" Aseing yo' dang: theing koid to" da:. Nyang: gi mung" byu yi yo' khokham agyoo: moo we' dang: theing to" da:.

YOSHU 9:6

Hau: thang: nyangnu" gi Gigala mo dab khyoo: yhe: wigi Yoshu yo' Israela byumyu" yiri «Ngoonu" gi gye" ve: mung" mo ju" loo bang: nghoid. Ngoonu" gi nanu" yo' ngoonu" myid veing" thang" cab koid wa ziri vho: da» ga: tid ago".

EZRA 10:9

Yuda yo' Benyamin mung" moo nyid da" yuggi yi dangain" gi soem" nyid" akhoug: moo Yerusalem khyoo: yhe: wigi Noku Yhoem: Moo" da" yhoem: pain' moo zeung: foem: lho: zoebphung: koid nyid uri lhammoo" goug: khyab eig xi: nyid" ein: nyid" nghoid. Hau: nyid" ri moug: gye" voo ziyo' houg zoebphung: yoomo nyangnu" dangain" gyoug nain" nyid boem ago".

EZRA 10:11

Akhid" thang: ri nanu" phoug" phyid da" Aseing Mangsoo ri nanu" yooboo toungbain: wigi nyang: vho: ziri koid nyid we'. Nyha" mung" moo nyid da" tungbau yi yo' ashoin" nyid goo". Nanu" da" tungbau yhoem: seing: myhi' ri we' kang" pyam ge'» ga: tid bye:.

NEHEMIA 10:1

Xang: shi" lo, xoem" doin: su: gi Hakhalia da" yuggi zoo: mung" zoug: Nehemia nghoid da:. Hau: thang: ri Zedekia da" lo, xoem" doin: da:. Vhoo mo bang: we' lo, xoem" doem: ago". Seraia- Azaria- Yeremia- Pashura- Amaria- Malkhiya- Hatusha- Shebania- Malug- Harim- Meremod- Obadia- Daniela- Ginethon- Barug- Meshulam- Abiya- Miyamin- Mazia- Bilgai yo' Shemaia bang: nghoid ago". Azania da" yuggi zoo: Yeshua- Henadad kung: mo Binui- Kadmiela- Shebania- Hodia- Kelita- Pelaia- Hanan- Mikha- Rehob- Hashabia- Zakhura- Sherebia- Shebania Hodia- Bani yo' Beninu bang: nghoid ago". Parosha- Pahad- Moba- Elam- Zatu- Bani- Buni- Azgad- Bebai- Adoniya- Bigvai- Adin- Atera- Hezekia- Azura- Hodia- Hashum- Bezai- Harib- Anathod- Nebai- Magpia- Meshulam- Hezira- Meshezabela- Zadog- Yadua- Pelatia- Hanan- Anaia- Hoshea- Hanania- Hashuba- Halohesha- Pilha- Shobeg- Rehum- Hashabna- Maseia- Ahia- Hanan- Anan- Malug- Harim yo' Bana bang: nghoid ago".