EZRA 1:1 - Lacid Common Language Bible

¹ Lapi: Yeremia khyo" wigi Aseing nyang: tid da" dang: gi Persi khosen Kuru khokham bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

EZRA 1:1 Referans Kwoze

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

EZRA 7:27

Ezra tid zigi «Yerusalem moo jo, da" Noku Yhoem: Moo" ri koid wa shid re" Aseing gi khokham ri nheigloem: khoem" duang: phang byid: yoomo ngoonu" phoug" phyid" da" Aseing Mangsoo ri coung" nghei o".

COUNG" NGHEI 106:46

Nyangnu" ri shen" yhen pyi: sho: nyid bang- dangain" mo, da" nheigloem: ung: khoug: moo nyangnu" ri nheug yu" khyeug nyid.

EZRA 6:22

Nyangnu" nyhed nyid" nyang: gau gau yi yi doocid" abo da" zooyho' zoo: pui" koid ago". Nyangnu" gi ngei pyo: zi shoug" bye:. Ciwim gari Israela byumyu" yi da" Noku Yhoem: Moo" ri koid da" nyangnu" moo" zoo" moo Asuri khosen bo pang" wa shid re" Aseing gi nya: nheigloem: moo nyangnu" ri pang" thoug nau wa da" myid kaid byid: yoomo nghoid.

DANIELA 2:1

Nebukhadneza khokham bue" zi eig zain ein: zain moo nyang: gi yhoebmo, daloem: mo, da:. Hau: yhoebmo, gi nyang: ri ayo" yhoeb loo sho' seing" khoo" myid myoo: nhang: da:.

YOHAN 1:23

Yohan gi lapi: Esaia tid kyo" to" zi ' dakhyoo" ti"-- ngoo gi Aseing: ri" wa da" khyoo: ri dain: dain: nyheing ge' ga: dain" pyoid yoo moo nyho: nyid su: da" thui: nghoid ga: tid.

EZRA 1:5

Hougsu" yoomo Mangso wigi nheig gyeing: yung gyeung" nhang: bye: da" Yuda byumyu" yi yo' Benyamin byumyu" yi akung: mo vhujhung: yi khainjung yi yo' Levi yo' dangain" mo, gi Yerusalem mo Aseing yhoem: moo" yhe: koid wa shid re" jen" jen" nghoid nyid boem bye:.

EZRA 4:3

Zerubabela Yoshua yo' akung: ako' vhujhung: yigi nyangnu" ri «Ngoonu" Aseing Mangso da" Noku Yhoem: Moo" koid wa shid re" nanu" bo pang" wa ziri ngoonu" avoo:. Persi khosen Kuru ngoonu" ri amyeing" byid: ziyo' dakhyoo" ti" he: ziri ngoonu" nyang: ngoonu" koid wa nghoid» ga: doem tid bye:.

EZRA 6:3

Kuru nyang: vhoebkhang" da" xang: shi" zain ri nya: da" amyeing" dang: gi xoin" ngei" wa ziyo' myi: nghe' xoin" to' wa joyoo shid re" Yerusalem mo Noku Yhoem: Moo" ri koid wa zi nghoid. Noku Yhoem: Moo" ri myhang: khyoo: 90 pi:- Pyi: khyoo: 90 pi: koid wa zi nghoid.

EZRA 6:14

Yuda vhujhung: yi we' lapi: Hagi yo' Zekharia yoem: byid: yoomo Noku Yhoem: Moo" moo" ri khyang: khyang: yo" koid abye: go". Nyangnu" gi Israela byumyu" yi Mangso da" amyeing" dang: khyo" we' Persi khosen- Kuru- Dari- Artaxaxe bang: da" amyeing" dang: khyo" we' wigi Noku Yhoem: Moo" ri bain koid boem abye: go" da:.

ESAIA 44:28

Ngoo gi Kuru ri «Nang gi ngoo ri vhoeb loo wa su nghoid loo wa. Nang gi ngoo wigi nang ri koid nhang: nau da" ja: ri koid loo wa. nang gi Yerusalem ri doem tam: wa yo' Noku Yhoem: Moo" apoem: ayang: joem doem zhug wa amyeing" ri byid: loo wa» ga: tid da:.

YEREMIA 1:1

He: mougsoug" pug gi Benyamin byumyu" yi da" mougmyid mo Anathod voomoo" moo nyid da" Khainjung yi mo dayug nghoid da" Hilkia da" yuggi zoo: Yeremia nhoid khyo" wigi tid to" da" akhyoo" joem nghoid da:.

EZEKIEL 38:5

Persi- Etiopi yo' Libya mo gyiphung: joem gi nyang: yo' dage" nghoid wigi dangain" bang: gi goo joem yo' joto' mug joem yo" boem ago".

DANIELA 6:25

Hau: thang: khokham Dari gi mougmyid tho' mo mungdain: byumyu" dangain" myeing" cang: joeb mo byu yiri mougsoug" lhid" kaid da:. Nanu" moo yang" zain: ngei pyo: nyid boem goo" baja".

DANIELA 9:2

Nyang: vhoeb shid" da" xang: shi" zain moo ngoo gi younglho' mougsoug" pug joem ri jhau" zhang: yu nyid lho: Aseing wigi lapi: Yeremia ri tid to" ziyo' dakhyoo" ti" zain loem: nyhed xi: Yerusalem byo, yoin" jo, wa zi myid yu" nyid.

ESAIA 45:1

Aseing gi Kuru ri khokham koid wa shid re" khyen: to" abye:. Byumyu" yiri oung: pyam wa shid re" nyang: ri khyen: too" bye:. Khokham yiri nyangnu" da" yoem: so' ri yu pyam byid: wa shid re" nyang: ri nhang: kaid da:. Aseing gi nya: shid re" voomoo" joem da" khoem" moo" duang: joem ri phang byid: wa. Kuru ri Aseing tid zigi

DANIELA 1:21

Daniela gi Persi khosen Kuru wigi Babelon ri meing: zain: oung: pyam da ayo, ju" sho' khokham vang" moo za: nyid nyid da:.