ESTHA 4:3 - Lacid Common Language Bible

³ Khokham pho da" amyeing" lu dang: kyo" kaid da" mung" du dangain" mo Yuda byumyu" yigi thui: zeing yo' koug kyi: ngau nyid ago". Nyangnu" zoo: shug jang"- koug ngau lho: ngau yang" yang" nyid boem ago". Nyangnu" mo myoo: phyang" gi jid: moo" byimi void lho: myi: yab cang" moo lu leung nyid ago".

ESTHA 4:3 Referans Kwoze

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

ESAIA 58:5

Nanu" zoo: shug jang" uri nanu" nya: gung ri kyi" khyeug byid: ago". Nanu" gi myo, gam yhang: ti" nanu" vhuloem ri goeb gyo" ago". Jid: moo" byimi pei: myhu" to" lho: myiyab boem moo leung jo, boem. Zooshug jang" ga: nanu" myheing zi houg: nghoid bye: la". Hau: ziri ngoo vho: ngei wa ein: nanu" jho: boem rhe".

ESAIA 22:4

Akhid" ngoo ri shid: byug boem bye: da" nga" byu dangain" mo, shid re" nheig khoo" sho' ngoug wa nyhid: teing too" khoo' la. Ngoo ri nheig teing wa asoin goo".

MATHE 25:30

Hau: thang: ri akyu" abo he: da" deizoo: ri nghe: shoid mo moug coid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid» ga: tid.

MATHE 22:13

Hou thang: khokham" phoo gi nya: dei zoo: yiri ‹He: yug da" khyid: lo, moo tei" joeb lho: nghe: shoid mo moug coid khoug: khyoo du" zei kaid ge'› ga: tid. Hau: joyoo moo nyang gi" ngoug byid: ngoug nhab' yo"- zei yang: ngaid zeing kham: yau nyid wa"- ga: tid.

MATHE 13:42

Dadab jo, da" moo myi: khyoem moo khyo kaid nhang: wa houg: moo vang loo" bang: dangain" gi ngougmyeing" shoo" thui: yo' zei yang: ngaid kyeig ga: nyid boem wa.

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

ESTHA 3:12

Houg: yoomo xang: shi" lhammoo" khyab daxe" soem" nyid" nyid" ri Haman gi khokham da" moo" seing: yiri khe: lho: lu dang: pyo: mougsoug" dakhyab ri mungdain: moo: ci: da" myeing" khang" moo" yo' lhid" cab' khang" moo" khyo" phug lhid" wigi vhoebkhang" bang:- gyizoug: yi yo' gyizoug: yi dangain" jhang khyoo: foin: pyo: kaid wa shid re" amyeing" byid: da:. Hau: amyeing" lu dang: ri khokham Ahasuru da" myeing khyo" lhid" pyo: lho: nya: lo, pain" dazid thung" tab da:.

ESTHA 1:1

Khokham Ahasuru gi Persi voomoo" zeing Susa mo khokham zhungtang moo zhoung: lho: India mo wigi Etiopi ju" sho' mung" du 127 loem: ri vhoeb da:.

1 SAMUELA 11:4

Hau: lagyoo: yigi Sholu nyid da" Gibea voogung moo: ju" wigi hau: lu dang: nyangnu" ri tid kyoo" lang" byumyu" yigi nheigloem: thang lho: zheung: ngau lo boem ago".

ESTHA 4:2

Jid: moo" byimi void bang: hang" ri we' vang khoug: khyoo: avang nhang: yoomo nyang: we' avang yhi: nghoid da:.

ESTHA 4:4

Modekhai koid nyid ziri Estha da" dei zoo: myhi' yi yo' unug bang: wigi Estha ri tid kyo" boem lang" nyang: gye" myid myo: byug da:. Nyang: gi Modekhai ri jid: moo" byimi ri thid wa shid re" byimi joem ri foin: byid: nghoid loug we' Modekhai gi hau: byimi joem ri alhoem: khab yu nghoid da:.

ESTHA 9:31

Houg: lho: Yuda yi yo' nyangnu" da" amyed ashen yi khyo" kougshu: da" bidnyid moo cang yhi: ca" da" tarha" ri yu" lho: lheig yu ziyo' dakhyo" Purim bidnyid eig nyid" ri nya: ayo, moo cang koid ca" ga: lhid" to" da:. He: ziri Modekhai yo' Estha eig yug goin" wigi amyeing" khyo' kaid zi nghoid.

YOSHU 7:6

Yoshu yo' Israela vhujhung yigi koug wigi nyangnu" byimi lang: ceig lho: Aseing Dang: Theing Kuid: shidkhoin" myidjang moo: nyangnu" nya: gung jhang" jo, ago". Nyangnu" gi kougshu: ziri ci: shug wa shid re" nyangnu" vhuloem moo: zhoo" phei" geig shoin" wigi myen" thang: ju" sho' hougmoo: jhang" jo, ago".

YOBA 2:8

Yoba gi mhoid soid boem" nham moo yhe: zhung: jo, lho: oug" jab dajab wigi nya: gung ri khyeug nyid da:.

EZEKIEL 27:30

Nyangnu" dangain" bang: gi re" shid re" nheig khoo" sho' koug boem ago" Nyangnu" vhuloem joem cang pheilhoug: geig gyoin: lho: myiyab moo lu: leung yen" da:.

YONA 3:6

Hau: lu dang: ri Nineve khokham shoug" gyoo: lang" nyang: gi nya: zhungtang mo to' lho: khokham byimi ri khyoid pyam wigi jid: moo" byimi ri void ci: lho: myiyab boem" moo zhung: jo.