ESTHA 3:2 - Lacid Common Language Bible

² Khokham phoo gi nya: moo" voin da" gyizoug: yi dangain" bang: Haman da" shidkhoin" moo poid thug thoug lho: goeb pid da" khyo" Haman ri phau" myang: khyoo: coem' ci: shug wa shid re" gyizoug: yiri amyeing" daloem: byid: to" da:. Modekhai mo lid wigi dangain" bang: gi hougsu" koid ago". Modekhai gi hau: zi koid wa shid re" ngeug pyam da:.

ESTHA 3:2 Referans Kwoze

PHILIPI 2:10

Houg: yoomo moug: khung: moug di tho' mo mougmyid' gyab, yo' vho: pyam: mo da" poind' lug dangain" gi Yesu da" voolang myeing yung" khyang" ri tu: to' tu: coung" phau" myang vhu" pid' pid' zoore"- poid thug thoug nyid boem wa nghoid.

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

ESTHA 5:9

Haman gi zoo: shug pui" mo thu lo" ri nyang: gi myid pyo: nheugdeug nyid da:. Nghoid loug we' hau: thang: nyang: gi khokham vang" khoem" duang: moo Modekhai ri shau" myang da:. Modekhai gi nyang: so" lid: lo" ri phau" myang: zi ci: shug da" khyo" ato' yab lang" Haman gi nyang: ri nheig joem: yo: da:.

ESTHA 3:5

Haman gi nyang: ri Modekhai poid thug thoug lho: agoeb pid ziri shoug" gyoo: lang" nheig joem: yo: lo da:.

ESTHA 3:1

Dayo, zoo: myang" thang: ri Khokham Ahasuru gi Haman ga: da" byu dayug ri mung" zoug: jung: aya: moo khyen: to" da:. Haman gi Agag amyed ashen mo Hammedatha da" nya: yuggi zoo: nghoid da:.

ESTHA 2:21

Khokham kho" moo Modekhai moo" zei: da" ayo, moo khokham pho da" yab khyoo: vang yhe: da" khoem" moo zung" da" unug Begthana yo' Teusha eig yug gi khokham Ahasuru ri gyi koid re" wigi gau" said pyam wa soin' boem ago".

ESTHA 2:19

Hau: uri khokham pho wigi Modekhai ri moo" pyo: vhoebkhang" zoug: aya: moo yoovoin foin: to" da:.

1 SAMUELA 15:3

Amaleg byu yiri yhe: said wigi nyangnu" yo" da" jonu" dangain" ziri phyo' pyam ge'. Jonu" daja: we' ateing too" goo". Yuggi- myiyi:- zooshang:- nu" ngha'- nu:- yang- gola-ug yo' loo zei: joem dangain" ziri said pyam ge» ga: tid.

TARHA" TID POIN" 25:19

Hougsu" wigi nanu" Aseing Mangso wigi nanu" ri hau: mung" ri byid: ziyo' nanu" da" aqei: ayam lheing khoem moo nyid da" re" gyivoo dangain" mo goem loem byid: da" uri Amaleg byu yi dangain" ri yo" said pyam sho' said pyam ge'. Houg: lang" nyangnu" ri hang" wigi we' khanham we' amyid boin: loo: goo" wa. Ato" myhid goo".

THU' LO" MOUGSOUG" 17:16

Nyang: gi «Aseing da" dungkhoin: ri myhang: sho' tu: to' too" we'. Aseing gi Amaleg byu yiri apyaid atoo: thougtheung gyi zain: loo: wa» ga: tid.

THU' LO" MOUGSOUG" 17:14

Hau: thang: Aseing gi Moshe ri «He: oung: doid khyoo: ri myid boin: nyid baja"- lhid" too" we'. Ngoo gi Amaleg byumyu" yiri bain sho' said toem" pyam wa ein: ziri Yoshu ri tid kyoo" wa» ga: tid.

APOEM AYANG: 41:43

Nyang: gi Yoseb ri eig loem: ein: wa da" khokham myang: rheing" moo zhung: nhang: lho: nyang: ri phoug" tab ngi: byid: wa da" gung zung" su gi nya: shid vhu" khyoo: yhe: lo" wigi «Khyoo: nyheing ge' khyoo: nyheing ge'» ga: nyho: tid. Houg: khyo" wigi Yoseb gi Egutu damung" goin" da" meing: vhoeb zoug: moo" bue" bye:.

ESTHA 2:5

Hau: Susa moo: Yaira da" yuggi zoo: Modekhai ga: myheing da" Yuda byu dayug nyid da:. Nyang: gi Benyamin kung: mo nghoid lho: Kisha yo' Shimi da" amyed ashen nghoid da:.

ESTHA 3:3

Nyang: ciwim yoomo khokham da" amyeing" dang: ri acang ziri khokham da" gyizoug: goo" yug wigi myid: ago".

DANIELA 2:49

Daniela wigi mho' ziyo' dakhyo" Shadrag- Meshag yo' Abednego bang: ri Babelon mung" du ri vhu" shi: wa shid re" moo" foin: to" da:. Nghoid loug we' Daniela koem' gi khokham vang khoug: moo za: nyid nyid da:.